Егіс пен өсімдіктер өлкесі туралы жұмбақтар – 5-бет
Қыс болса ұзын бойлы жалғыз тұрған,
Жаз болса түрлі құстар келіп қонған.
Қысты күні киімсіз, жазда киімді,
Жыбырлап түрлі жәндік соған толған.Ағаштың жапырағы
Өсіп тұрған бұл не,
Жаз болса жайнап,
Саясында ән салып,
Құстар жүрген сайрап.
Салқын түссе шешіліп,
Қалады өзі жайрап.Ағаш
Жазда жасыл тон киеді,
Күзде сары тон киеді.
Қыста , суық аязда
Жалаңаш тұруды сүйеді.Ағаш
Қозғалмай бір орында қарап тұрар,
Адамның қажетіне жарап тұрар.
Қаншалық жәбір көрсе, сабыр етіп,
Және де көбеймекке талап қылар.
Ағаш
Шақырсаң өздігінен бара алмайды,
Сұрасаң бірде жауап бере алмайды.
Егер де отқа салсаң өліп кетер,
Бір жерін кесіп алсаң қанамайды.Ағаш
Аласа талда алуан алма,
Алқызыл болмай аузыңа салма.Помидор
Аласа ғана бойы бар,
Қабат-қабат тоны бар.Орамжапырақ
Ана ауылдың кемпірі өлді деген немене,
Топыраққа томпайтып көмді деген немене.
Анасы сол күйінде өліп қалады,
Балалары шуылдап толып болады.
Картоп
Кіргенде жерге сынар-ды,
Ұрпағын ертіп ол шығарды.
Картоп
Формы бар домалақ,
Көміп қойдым сығалап,
Жақсы болса тұрмысы,
Шығады екен қоғалап.
Бес ай тамам біткенде,
Қаптап алдым құмалақ.Картоп
Бір күмбездің ішінде мың күмбез.Жуа
Бар екен жер астында түйме басты,
Мәнісін адам тауып айта алмасты.
Өзінің кемеліне әбден келіп,
Басына көріктей ғып ығыр шашты.Жуа
Жер астында ақбоз ат,
Терісі бар он қабат.
Жалынан ұстап соярсың,
Жей бастасаң жыларсың.Пияз
Қалың киімді ұнатады,
Шешіндірсең жылатады.Пияз
Қанттан ақ, бүйірі тоқ,
Жерден алар керегі көп.
Киетіні қызыл, жасыл көйлектер
Ол не екен; кәне, достар, ойлап көр?
Пияз
Аласа ғана бойы бар,
Тоғыз қабат тоны бар.Сарымсақ
Тоғыз қабат қызыл торқасында,
Өседі екен ақ сүйрік ішінде.Сарымсақ
Жер астына түседі,
Сап-сары боп өседі.Сәбіз
Жерге қазық қақтым,
Басына айдар тақтым.Сәбіз
Қызыл, қызыл, қызыл қыз,
Бұрымы кеткен ұзын қыз.
Өзі ұйқыға батады,
Бұрымы сыртта жатады.Сәбіз
Сары балам ішкері,
Сақалдары тысқары.Сәбіз
Жаздай інге тығылып,
Жатқан қызыл түлкіні
Құйрығынан суырып,
Әкелді әжем бір күні.Сәбіз
Жер астында жез қазық,
Жеуге болар ас қазық.Сәбіз
Жер астында қызыл қыз отыр.Сәбіз
Жер астында темір қазық.Сәбіз
Әңкүр-мәңкүр әкесі бар,
Жайлы шыбық шешесі бар.
Сұлу бикеш қызы бар,
Арамзада ұлы бар.Жиде тал
Болат жапырақ шешесі бар,
Тәтті бике қызы бар,
Тастай қатты баласы бар.
Жиде
Сары қапта бір қап ұн,
Ұн ішінде бір ұстұн.
Жиде
Сырты қызыл, іші ақ,
Ортасында бір таяқ.
Жиде
Гүлсіз миуа піседі,
Көп жесең тіл жарады.
Ай сияқты дөңгелек,
Бұны кім табады?
Әнжір
Әрі қызыл, әрі тәтті,
Татқан жанды таңырқатты.Алма
Түсі бар ақты, көкті, қызыл ала,
Пайдасы адамзатқа тиген жаңа.
Қойыпты ортасына қазық қағып,
Сүйкімді көреді екен бала-шаға.Алма ағашы
Отырған мекен етіп жапан дала,
Бір талай мақұлыққа болған ана.
Мезгілі жеткен шақта жүкті болып,
Алты айда табады екен сансыз бала.Алма ағашы
Аспай піскен,
Қайнамай түскен.
Жеміс
Азар, азар кетті,
Әкесі мазар кетті,
Баласы базар кетті.Жүзім
Қыста-мазар,
Жазда-базар.Жүзім
Бұты, бұты ұзын,
Бұтынан да қолы ұзын.Жүзім
Бір анадан жүз бала,
Жүзі де боз бала.Жүзім
Атасы бүкір қожа,
Анасы жайма шелпек.
Баласы шырын, шекер,
Бір сабақта ғұж-ғұж жентек.Жүзім
Арбайған әкесі бар,
Тарбайған шешесі бар.Шие ағашы
- Азамат Төре
- Абдраманов Арсланбек
- Абдраманов Арсланбек
- Абдраманов Арсланбек
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі