Егіс пен өсімдіктер өлкесі туралы жұмбақтар – 7-бет
Бек тұрған,
Белін буып,
Тек тұрған.Бай бидай
Өзі қызық,
Бауырында бар
Жалғыз сызық,
Бұған жұрттың бәрі де ынтық.Бидай
Аласа ғана бойы бар,
Қойнына тыққан наны бар.Бидай
Екі жағы бүртік,
Ортасы сызық.Бидай
Ұзын мұртты сарылар,
Қойнында наны бар.Бидай
Мысық мұртты,
Өрмек басты.Бидай
Аласа терек,
Алпыс бұтақ,
Бұтақ сайын ұя,
Ұя сайын жұмыртқа.Масақ
Желі басында бес бие,
Бесеуі де жас бие.
Құлындары құла ала,
Құлақтары сары ала.Масақ
Алтын аяқты,
Алтын десем - азығы жоқ,
Ол жоқ болса - алуы жоқ.
Дүние толған адамның
Баршасы да теп-тегіс,
Біріне бірі қарауы жоқ.Астық пен аштық
Жасынан тәрбиелеп бала бақтым,
Өсіріп ол баланы жұртқа жақтым.
Күніне екі-үш рет көрмей тұрсам,
Болмайды бұл дүниеде менің нақтым.Егін, ішкен тамақ
Қар астында қыстағаны,
Жасыл бөрік тыстағаны.
Күздің егіні
Ұстарамен алынбас,
Ұйысып тұрған қалың шаш.
Егін
Біздің ел сұратады сегізіңді,
Бұғыдай мойны жуан семізіңді.
Алдынан алақанын төсеп алып,
Тартады тойғызам деп негізіңді.Егін
Жеп жатарда жасқанбай бірді берсең,
Ондап-жүздеп аларсың егер көрсең.
Еш уақытта еңбегің еш болмайды,
Әрекет қып, беріп ал, тіліме ерсең.Егін
Бұтаға iлген үлпершек,
Iшi нәрлi қызыл сөл,
Терiп алып үлгерсек.Бүлдірген
Желден қатты сасады,
Томпалаңдап қашады.
Тiрелгенше дәңге кеп,
Дедектейдi дөңгелеп.Қаңбақ
Тұлымы бар төбесiнде,
Күлтеленiп шумақталған,
Құлағы бар денесiнде,
Сұңғақ бойы бунақталған.Қамыс
Басына үлпiлдетiп таққан шашақ,
Бұралып тал шыбықтай тұрған жасап.Қамыс
Көлдi жердiң
Үкiлi аруы.
Өткiр желдiң,
Саз тартар қаруы.Қамыс
Саздауыт жерде өседi,
Қош иiсi аңқыған,
Шипа өсiмдiк деседi.Жалбыз
Аумайды бiр қылыштан,
Пүлiш түсi жап-жасыл.
Соғылғандай мырыштан,
Өтпейтұғын жап-жасыл.Қияр
Өзiне шап шақ,
Киген қалпағы аппақ,
Балалар тұр қаптап.Бақбақ
Тасты жапқан түк кiлем,
Тамыры жоқ мүк кiлең.Қына
Тасты тесiп, күресiп,
Терең жайып тамырын.
Ақ күлгiн шөп тұр өсiп,
Қарсы ап дәйiм таң нұрын.Тау гүлi
Шөлде
Гүлдейдi, құлпырады,
Суда
Өмiрi қырқылады.Сексеуiл
Әсем гүлдi өсiмдiк,
Жыл бойы тұрады.
Жапырағы көгерiп,
Салтанат та құрады,
Гүлшоқ болып өрiлiп.Лавр
Жазғы киiмi жасыл,
Қысқы киiмi ақшыл.Қар жамылған ағаш
Жазда жайнайды,
Күзде жайрайды.Ағаш жапырағы
Жасыл болып жыпырлап өнедi,
Сары болып үзiлiп семедi.Жапырақтар
Топырақтан нәр алып,
Тамырлары таралып.
Өсiп шықты еккенiм,
Көрiктендi мекенiм.Ағаш көшетi
Қысы-жазы шешпейтiн,
Көйлегi бар жасылдан.
Өзгертпейдi еш кейпiн,
Жаралғандай асылдан.Шырша
Ағаштардың көркемi,
Мәңгi жасыл бұтағы.
Мекен ғып тау-өлкенi,
Кәусәр ауа жұтады.Шырша
Жасыл тонының бояуы,
Жыл он екi ай оңбайды.
Дiнi, бүршiктi сояуы
Қысқы аязға тоңбайды.Шырша
Дауылға да, аязға да,
Шыдап бағар мiзбақпай.
Тау етегi тұрағы,
Жап-жасыл боп тұрады.Қарағай
Дауылға нық күшi,
Ағаштың мықтысы.Емен
Арулары бақшаның,
Көктемдi қатты сағынып.
Шуаққа шықты
Шап шағын,
Бантиктерiн тағынып.Алма ағашы
Қар астында қыстады,
Ақпен бөркiн тастады.Бәйшешек
Күн нұрымен пiседi,
Уылжып қолға түседi.Жемiс
Үйi де жоқ,
Күйi де жоқ.
Бiрақ
Жауыннан да,
Дауылдан да
Қымсынбайды.
Ыстыққа да,
Суыққа да
Шын шыдайды
Шешуiн айта ғой,
Балалар бiлсiн жайды.Өсiмдiктер
Тау тау ақ қар,
Ерiмейдi ыстықта.Мақта
- Азамат Төре
- Абдраманов Арсланбек
- Абдраманов Арсланбек
- Абдраманов Арсланбек
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі