Эссе және өлең-жыр байқауы

Үй заттары


Кiрге суда кезiгедi,
Сүйкенем деп езiледi.

Сабын



Кiр киiмдi қалайды,
Өзi кiрдi жалайды.
Суға түссе шомылып,
Дақты жояр талайғы.

Сабын



Сүрткен киiмi тазарып,
Өзi қалды тым арып.

Сабын



Алақанымен
Үй iшiн аялайды,
Бiрақ,
Кiр-қоқысты аямайды.

Сыпырғыш



Кiр-қоқысты сүймейдi,
Сыртқа қуып сүйрейдi.

Сыпырғыш



Едендi кеп жаласа;
Қалдырмас ол түгiндi.
Аузына таласа
Бар қиқым жүгiндi,
Тазалауы тамаша,
Кiлем мен алаша,
Жайнайды қараса.

Шаңсорғыш



Iшi салқын, мұзы бар,
Күнкей қашқан қой сынды,
Жылыда тез бұзылар,
Барша тағам тығылар.

Тоңазытқыш



Басы жұқа,
Тың күшi бар.
Сабы ұзын,
Ұңғысы бар.
Топырақты уыстап ап,
Лақтырады қуыс табақ.

Кетпен



Сабы – таяқ,
Басы – қалақ.
Ұшын жүрер,
Жерге қадап.

Күрек



Көз алдыңа жайнаған,
Түсi судан аумаған.
Тегiс перде керiледi,
Бiрақ бәрi көрiнедi.

Әйнек



Мөлдiр мұз арқылы,
Нұр төгiп күн тұрар.
Кең бөлме әр күнi,
Тазарып құлпырар.

Терезе



Күн нұрына қарық қып,
Үйдi тұрар жарық қып.

Терезе



Төрт аяғы, арқасы бар,
Жалпақ жайлы ортасы бар.
Ең алдына кiсiнi алып,
Сынайды ылғи күшiн анық.

Орындық



Қос рельстiң арасын,
Қоссам егер белдеулеп,
Биiкке өрлеп барасың.

Саты



Тоққа тисе мұрты ұзын,
Табанымен жазық.
Киiмдердiң қыртысын,
Бередi тез жазып.

Үтік



Жай да үнсiз тұрады,
Бiреу келсе тез жет деп,
Қоңырауын ұрады,
Дабыл қағып безектеп.

Телефон



Күндiз-түнi шатырдан,
Бiр түспейтiн қарауыл.
Кiндiгi үйге тартылған,
Көрiнедi бар ауыл.

Теледидар антеннасы



Кино менен концерттi,
Үйде қойып беремiн,
Жаңалығын бар елдiң.
Өз көзiммен көремiн.

Теледидар



Көгiлдiр түсi бар,
Тас балқытар күшi бар.

Газ



Терезенiң тесiгi,
Таза ауаның есiгi.

Желдеткiш


Басқа сайттағы жаңалықтар:

Жүктелуде...