Жұмбақтар жауабымен – 30-бет
Базардан сатып алған боз арғымақ,
Белінде тартпасы бар будақ-будақ,
Басын артып, шылауын тартып қалсаң,
Кетеді жануарым зулап-зулап.Шарық
Қу тізе қу ағашқа құндақтаймын,
Аузымда сегіз тісім жылмақтаймын,
Бірін мініп, біреуін қыстап алып,
Үстінде анда-мында ырғақтаймын.Талқы
Үй артында жауыр бұқа.Тез
Тәует бауыр,
Бота тірсек.Тез
Үй артында бүкір терек,
Күресуге кісі керек.Тез
Болғанда жалпақ табан, жалғыз тісі,
Қолында адамзаттың барлық күші,
Үстінен бірер қабат жүріп кетсе,
Нәрсенің астындағы кірер түсі.Сүргі
Ыстықты да ұстайды,
Суықты да ұстайды,
Егер бұйрық болмаса,
Еш нәрсені қыспайды.Қысқаш, кемпірауыз
Тістегені түспейді,
Отқа салсаң піспейді.Қысқаш, кемпірауыз
Кішкене ғана келіншек,
Төбесінде түйіншек.Шеге
Жансыз жарады,
Жанды ұрады.Балта
Тоғайға барса ауылға қараған,
Ауылға қайтса тоғайға қараған.Балта
Бір итім бар қабаған,
Маңдайына темір жамаған.Шапашот
Жетпіс аяқ бауырында,
Екі қолы жауырында,
Тындырады істі ол,
Жеңілін де, ауырын да.Ағаш кесетін үлкен ара
Тізіле өскен тісі бар,
Көп істеген ісі бар.Қол ара
Қаңылтыр қара мейіз, мыстан шеге,
Келбеті бұл жұмбақтың келер неге?
Темір ара
Бас аяғы теп-тегіс боп біткен,
Селкілдесе денесі дір-дір еткен.
Өзіне қандай жуан кез келсе де,
Күшімен қақ айырып бөліп кеткен.Темір ара
Елу аяқты,
Екі қолды.
Салады елу аяқпен
Жалғыз жолды.Ара
Басы жоқ, екі беті, тісі бар,
Қақ бөлер бөренені күші бар.Ара
Тісі көп, аузы жоқ.Ара
Көк өгізім көл жапырып бара жатыр.Орақ
Өзі бүкір,
Бүтін қырды таусады,
Қырдан қайтып,
Үйде бір жыл жатады.Орақ
Ұзын-ұзын із кетті,
Ұзын бойлы қыз кетті,
Қабырғасы қалт етті,
Омыртқасы жалт етті.Шалғының шөп шабуы
Жаһанда бір айдаһар иір тілді,
Серуендеп сахараға серуен құрды.
Нақақтан өз басына пайдасы жоқ,
Алдына бет келгеннің бәрін қырды.Шалғы
Жалғанда бір нәрсе бар боз құнандай,
Өзінің ұзындығы оқ жыландай.
Жапырып шөпті бұзып кетеді екен,
Өзінен кейінгіге жол қылғандай.Шалғы
Алдын ойпар,
Жанын жайпар.Шалғы
Айқайлаған жау келсе,
Айыр сақал атам тоқтатады.Бақан
Есікте екеу отыр өлемін деп,
Төрде төртеу отыр төремін деп,
Ортада біреу отыр көмемін деп.Босаға, кебеже, құман
Жүруге аяғымен ерінеді,
Нәрсеге өз-өзінен телінеді.
Адамға қашан болса пайдасы бар,
Бір мезгіл жарық болып көрінеді.Терезе, әйнек
Біреу екен анасы,
Жиырма бес баласы.
Іс жағына қарасаң,
Қан шаһардың қаласы,
Маңдайында ағы бар,
Түрлі қажет табылар.
Түгел екен тұрманы,
Керек жағы тағы бар.Үйдің іші, тамағы
Жансызда бір нәрсе бар формалданған,
Аузын кейде ашып, кейде жұмған,
Ішінен жылтыраған мөлдір көзі,
Өмірде ұйықтамайды бұл не қылған?
Үй, әйнек ,есік
Екі басы жұмырықтай,
Ортасы қылдырықтай.Тұтқа
Есік ашады,
Есіктің артына қашады.
Топса
Күндіз салбырап тұрады,
Түнде тесігін табады.Есік ілгіш
Жол бермес жүрейін деп жалынсаң да,
Естімес айтқан сөзді бағынсаң да,
Қақпақты қаққан қазық иір тұмсық,
Ешқандай жақындамас бөтен жанға.
Кілт
Алыстан қаңғыр-күңгір,
Жақыннан бұрау темір.Кілт
Шырт-шырт етеді,
Шыртылдап барып, кіріп кетеді.
Кілт
Жоғарыдан айдаған,
Белін берік байлаған.
Сидам құлға жолықсаң,
Өз еркіне қоймаған.Кілт
Шешесі үйде қалады,
Баласы кісіге ереді.Құлып, кілт
Ә, керемет, бір ит бар,
Үй бағады, үрмейді,
Аяғы жоқ, жүрмейді,
Көмейіне тықсаң, сөйлейді,
Тілін адам білмейді,
Ұрықсатсыз ол иттен,
Адам үйге кірмейді.Құлып
Жолда бір бұзау өліп жатыр,
Аузына қолын тықса, күліп жатыр.
Құлып
- Абдраманов Арсланбек
- Абдраманов Арсланбек
- Абдраманов Арсланбек
- Абдраманов Арсланбек
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі