Жұмбақтар жауабымен – 6-бет
Биік ала бағана,
Жайылып жүр далада.Керік
Пысқыратын не?
Ысқыратын не?Құлан, жылан
Есек те емес,
Жылқы да емес.
Екеуінің ұқсастығы
Береді тұрқы елес.Құлан
Кілемнің түрлеріндей жүндері бар,
Айбатты жан шыдамас үндері бар.
Шаршы бой, сұлу құйрық, қысқа құлақ,
Кететін зиян қылып бір жер бар.Жолбарыс
Әртүрлі, орта бойлы, ұзын құлақ,
Өзіне міндеттесе, қызмет қылмақ.
Бүріскен жарық емес біткен тұяқ.Есек
Бір кезде қыз, келіншек болған мырза,
Өзінің көркемдігіне болып ырза.
Біраздан соң түрін көрсең,
Қалады бөлек-бөлек болып сайда.Өсімдіктің өсуі мен қурауы
Алыстан қарасаң, қара,
Жақындасаң, бала.
Ұстаған таяқ,
Жесең, тамақ.Кеурек
Онда барып, ондай болдым,
Мұнда келіп, мұндай болдым,
Белін буған қындай болдым.Ши
Айт десе, жүгірмес,
Су тисе, сілкінбес.Шөп
Сәл иіліп, сәнденіп,
Бақшада тұр сары бөрік.
Күзде жинап жаншысаң,
Сорғалайды май болып.Күнбағыс
Жүзін орап гүлменен,
Күнге қарап телмірер.
Тіспен шағып, тілменен
Дәмін татқан ел білер.Күнбағыс
Жаз кигені жаңа нәш,
Қыста жап-жалаңаш.Терек
Шөлде гүлдейді, құлпырады,
Суда өмірі қырқылады.Сексеуіл
Қыс болса, ұзын бойлы жалғыз тұрған,
Жаз болса, түрлі құстар келіп қонған.
Қысты күні киімсіз, жазда киімді,
Жыбырлап түрлі жәндік соған толған.Ағаштың жапырағы
Шақырсаң, өздігінен бара алмайды,
Сұрасаң, бірде жауап бере алмайды.
Егер де отқа салсаң, өліп кетер,
Бір жерін кесіп алсаң, қанамайды.Ағаш
Кіргенде жерге сыңар-ды,
Ұрпағын ертіп ол шығарды.Картоп
Өзі жерде бұғып жатыр,
Сақалы сыртқа шығып жатыр.Сәбіз
Әрі қызыл әрі тәтті,
Татқан жанды таңырқатты.Алма
Түрі шар сияқты,
Түсі қан сияқты,
Дәмі бал сияқты.Шие
Жер бетінде селдір шаш,
Жер астында жұмыр бас.Қызылша
Қышқыл қызыл бытыра
Тығып алып ұртына.
Тымырайып тұрғаны,
Түк шығармай сыртына.Анар
Ас,
Астың ішінде тас,
Тастың ішінде және ас.Өрік
Қозыларым көгендеулі күн ұзын,
Су ішкенмен шөп жемейді бір үзім.Қияр
Кіп-кішкене қазан,
Іші толы тағам.Жаңғақ
Атан түйе тұралап,
Аштан қатып қалған ба?
Бір-ақ уыс құмалақ
Шықты қарнын жарғанда.Асқабақ
Құдай-ай, құдіретіңнің панасынан,
Таңым бар мен Құдайдың бар күшіне,
Анасы туады екен баласынан.Қауын
Байлап қойдым қойымды,
Желіде жатып тойынды.Қауын
Көктемде тұзақ құрғанмын,
Қолайлы деген қырға бір.
Тамызда барып жинадым,
Бір арба қызыл қырғауыл.Қауын
Көкала бешпет киеді,
Күннің көзін сүйеді.Қарбыз
Біреу-ақ анасы,
Мың шақты баласы.Қарбыз
Пісер күнін сарылып,
Күтіп жүрдік сағынып.
Күз келгенде болыпты
Салиқалы сары мұрт.Бидай
Қызыл керіш тас боп түседі,
Ақ ұлпа қар боп шығады.Бидай
Көкте туып,
Жерде өледі.Жаңбыр
Санаты: Табиғат туралы жұмбақтар
Бұлт ішінде бурыл ат кісінейді.Күннің күркіреуі
Санаты: Табиғат туралы жұмбақтар
Будақ түтін түсі аппақ,
Көк жүзіне тұзақтап.
Қойғандай-ақ жылжымай
Тауды өбеді құшақтап.Ақша бұлт
Санаты: Табиғат туралы жұмбақтар
Бірде селбір жабағы,
Бірде теңбіл жабағы.Бұлт
Санаты: Табиғат туралы жұмбақтар
Аяғы жоқ, қолы жоқ,
Жүретұғын жолы жоқ.
Мінезі де жеңілтек,
Тіл алмайтын бір тентек,
Шөпшілердің шөбін шашты,
Қалпағымды ала қашты.Жел
Санаты: Табиғат туралы жұмбақтар
Ақ шапанын үстінен
Алты ай бойы шешпеді.
Қара шапаны үстінен
Алты ай бойы түспейді.Қысқы ақ қар, жазғы қара жер
Санаты: Табиғат туралы жұмбақтар
Бөркін ағай киеді ошырайтып.Томарға түскен қар
Санаты: Табиғат туралы жұмбақтар
Ақ сиыр туып кетер,
Қара сиыр жатып қалар.Қардың кетуі
Санаты: Табиғат туралы жұмбақтар
- Абдраманов Арсланбек
- Абдраманов Арсланбек
- Абдраманов Арсланбек
- Абдраманов Арсланбек
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі