Техника, көлік, шеберхана құралдары туралы жұмбақтар – 7-бет
Бір керуен қатарында өңшең түйе,
Аузынан жалын шығар қара күйе,
Жүрмейді ұрса-дағы басқалары,
Бәріне жалғыз бура болған ие.Поезд
Бар екен бір нақты зат түсі қара,
Сүйрейді неше мың пұт іліп ала.
Болғанмен жүгі ауыр, жүрісі тың,
Таңданады көрген жандар тамашаға.Паровоз
Топтанып келе жатыр қара қабан,
Ойлаған жерлеріне тынбай барған.
Аузынан қара көбік бұрқ-бұрқ шығып,
Болдырып шаршамайтын сондай айуан.Паровоз
Дүниеде бір жүйрік бар,
Жалғыз көзі жайнаған.
Мың кісі сансыз темірді
Арқасына байлаған.
Дем алмастан бақырып,
Жердің жүзін шарлаған.
Тау-тасты қопарып,
Мұрнынан лебі парлаған.Паровоз
Жоқ оның моторыда, қанаты да,
Сонда да ұшқыштардың санатында.Парашют
Бір қалта бар қабат-қабат,
Айналасына жұрт таң қалад.
Көктен жерге лақтырсаң да,
Алып түсер сау-саламат.Парашют
Пырылдар көкте инелік,
Инелік емес үй делік.Вертолет
Бар екен үлкен жорға қайқаңдаған,
Тұяғы жерге тимес тайпалмаған,
Сағатта мың шақырым жерге барып,
Көңілін еш пенденің қайтармаған.Аэроплан
Бір балық көк жолында еткен сайран,
Дамылды көрінеді келді қайдан .
Аузына бір шабақты тістеп алып,
Деп айтар жата алмаймын тапсаң ойлан.
Заулайды қайда барса ізі түспес,
Мақсаты-тигізем деу көпке пайдам.Аэроплан
Бұл жалғанда жаны бар,
Міндім қайық.
Көз көрімге кетеді болып ғайып.Аэроплан
Әне кетті өзі,
Көрінбейді ізі,
Кімнің күші,
Кімнің ісі?Аэроплан
Бір қыран аспанда ұшып қалықтаған,
Күндіз-түн жердің жүзін шарықтаған.
Қанаты ағаш, кеудесі темір болат,
Ұшса да қанша алысқа талықпаған.Самолет
Бір жайын көк жүзінде еткен сайран,
Көргендер қызметіне болар қайран,
Зымырай зулағанда ізі түспес,
Қайткенде тиеді деп көпке пайдам.Самолет
Құс сияқты, құс емес,
Самғап ұшқан биікке.
Қанаты бар қақпайды,
Жүрсе де сондай биікте.Самолет
Қанаты бар, жаны жоқ,
Табаны бар, аяғы жоқ.
Өзі ұшады, аспанда жүреді,
Теңізден де, таудан да өтеді.Самолет
Құмды жиған —
Тұмсығы диван.
Экскаватор
Қызыл ішек
Дөңгелек сайда жатыр.
Ақ шәйнек,
Бұрқылдап қайнап жатыр.Электр қыздырғышы
Құрама темір,
Қолқабысы көп—
Ғұлама темір.Робот
Өзеннің қос жағасын,
Жалғастырған жол жатыр,
Тура өтіп шығасың,
Су кештірмес қол шатыр.Көпір
Жазда айдында жүзеді,
Қыста үмітін үзеді.Қайық
Аяғы жоқ, қолы жоқ,
Не жүретін жолы жоқ.
Мініп алсаң заулайды,
Бірақ, ізі қалмайды.Қайық
Суда — көлік,
Құмда — өлік.Қайық
Темір тайым,
Тамақты еш жоқтамайды.Велосипед
Көше бойлап аяңдайды,
Адам тасып аялдайды.Автобус
Шұқысаң көзін,
Көрсетіп төзім,
Арашаға
Біреуді шақырар,
Өзі тыныш отырар.Телефон
Шұқысаң көзін,
Көрсетіп төзім,
Арашаға
Біреуді шақырар,
Өзі тыныш отырар.Телефон
Жалғаған ел ортасын,
Жатыр тосып арқасын.Көпір
Жол үстінде төсек,
Оны таба алмаған есек.Көпір
Жол үстінде пөстек,
Оны таппаған естек.Көпір
Тайпаңдайды бүгіліп құла жорға,
Маңызданып аяғын басар зорға.
Неше күн дамыл алмай жүрсе-дағы,
Иіліп жерден шөпті жемес сонда.Шана
Табаны жалпақ боз жорға,
Тайпалсын десең, сал жолға.Шана
Бір жұмбағым бар, асты қар,
Қадамы жоқ, ізі бар,
Мойнында жібі бар.Шана
Екі таяқ көтердім,
Ортасынан итердім.Арба айдау
Болғанда екеу аға, төртеу ала,
Жиырма сегіз екен тапқан бала.
Өзімен ол көп жүкті көшіреді,
Қандайлық мықты болған жүзі қара.Арбаның екі жетегі, төрт дөңгелегі,шабақтары
Елде артын барлайды,
Жүгірсе артын жарлайды,
Ми айналып қалмайды.Арбаның дөңгелегі
Төрт бала бірін-бірі қуалады.Арбаның дөңгелегі
Тарақ сияқты ергенек,
Ай сияқты дөңгелек.Арбаның дөңгелегі
Қадамы жоқ ізінің, аяғының,
Созса ұшы жетпейді таяғының.
Екі қолын айуанға артып алып,
Әніне салады екен баяғының.Арба
Қырда ағаш,
Ойда ат.Арба
Ербегей де сербегей,
Иесіз үйге кірмегей,
Атсыз сірә жүрмегей.Арба
- Абдраманов Арсланбек
- Абдраманов Арсланбек
- Абдраманов Арсланбек
- Абдраманов Арсланбек
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі