Сиқырлы таяқ -
Ойдың өрнегі,
Зырласа саяқ,
Көп-аң көргені.
Тұмсығын тіреп,
Шарлайды жазықты.
Сөздерді күреп,
Өзі әбден азыпты.
Түк қалмай жүдеп,
Тауысады азықты.

жауабы

Автоқалам

---

---

Аппақ, аппақ ақ таңдай,
Жарқырап айдын жапқандай.
Алыстан келген тырналар
Тізіліп қонып жатңандай.

жауабы

Ақ қағаз, жазу

---

---

Алуан түрлі із салғанның өзі еді,
Өзінен де пайдалысы өзегі.

жауабы

Қарындаш

---

---

Қала кетті домалап,
Обал-ақ.
Дала кетті домалап,
Обал-ақ.
Көл де кетті,
Шөл де кетті домалап,
Обал-ақ.
Тау да кетті
Бау да кетті домалап,
Обал-ақ.
Не туралы айтып тұрмын,
Тауып көрші жобалап.

жауабы

Глобус

---

---

Оқушыға мақтанды
Бір серігі аз ғана:
«Күнде кешем ақ қарды,
Қыс түгілі жазда да».

жауабы

Қалам

---

---

Тұрады ылғи сөреде,
Іші толы өнеге.

жауабы

Кітап

---

---

Емес ол кітап та, дәптер де,
Жүреді бірақ та портфельде.
Көрсетіп ондағы бағаңды,
Қуантып қоясың ағаңды.

жауабы

Күнделік

---

---

Тау, қыр, жазық, өзен, көл –
Қабырғада биік тұр.
Нансаң, кел, өзің көр –
Бір қағазға сыйып тұр.

жауабы

Карта

---

---

Қабат-қабат қаттама,
Ақылың болса, аттама.

жауабы

Кітап

---

---

Тілі бар, үні жоқ,
Өзін адам түсінген.
Жүрегі бар да, қаны жоқ,
Сөйлеп тұрған ішінен.

жауабы

Кітап

---

---

Қобдиында қайырлы,
Қазынаның бәрі бар.
Тауыссаң көз майыңды,
Қалағаның табылар.

жауабы

Кітап

---

---

Темір аяқты,
Ағаш таяқты.

жауабы

Циркуль мен қарындаш

---

---