Жұмбақтар жауабымен – 5-бет
Он көзі бар өзінде,
Он саны бар көзінде.
Көзіне саусақ саласың,
Жырақтан хабар аласың.Бұрамасы бар телефон
Көлемді, үлкен, алып аузын ашып,
Жүреді он екі аяқ қадам басып.
Әр бірінде отыздан бармағы бар,
Құтылмас ешбір адам одан қашып.Жыл, он екі ай
Санаты: Уақыт туралы жұмбақтар
Екі тышқан бірлесіп кесіп-пішіп береді,
Екеуі бірге жүрмесе,жоқ қой бізге керегі.Қайшы
Мирас қылған атадан
Баптап жылқы тел төлін,
Бабам қалай атаған
Аттың бұла «тентегін»?Асау
Мекені қыр, тау-шыңдар,
Арқарлардың қошқарын
Айтып берер қайсың бар
Қане, зерек, достарым?Құлжа
Барлығын да бабалар
Өз атымен атапты.
Қайсың барсың таба алар
Сөз төркіні мақатты?Аюдың еркегі
Жылы, теңбіл ішігі,
Сүп-сүйкімді пішімі,
Айтшы қалай аталар
Ақбарыстың күшігі?Алан
Таудың басын жайлаған,
Құйқылжыта сайраған
Құс төресін киелі
Айтып берер қай балаң?Ұлар
Ертегі көп ол жайлы,
Жүрген жерін алдайды.
Қатысы бар ал оған
Білесің бе Мыржайды?Түлкінің баласы
Көлге жұпсыз қонбаған,
Әнін сүйер иен далам
Аққу құстың баласын
Атап берші сен маған.Көгілдір
Білсең аңның пырағын,
Бетпақдала – тұрағын.
Айта қойшы сен бізге
Жез киіктің лағын.Құралай
Жануарға қосарлап құсты
Пайда болар сұсты,
Екпіні бар күшті
Білесің бе құсты?Түйеқұс
Кеңге салар арқаны,
Таудан сайлап мекенін,
Білсең айтшы, ал қане,
Қозықа не екенін?Арқардың төлі
Көркі көл мен жаздың,
Иесі әсем саздың,
Айтшы, қалай аталар
Балапаны қаздың?Мамыр
Кезіп сай мен саласын,
Ен жайлаған даласын
Қасқыр бөлтірігінің
Қалай атар анасын?Құртқа
Күші адал болса да,
Өзі арам есепті,
Сүйкімі жоқ оншама,
Төлін не дер есектің?Қодық
Қомдай қағып қанатын,
Торғай болып ұшатын,
Қайсың барсың табатын
Ең кішкентай құс атын?Колибри
Түрі-түсі ақ мамықтан аумаған,
Туа сала мұз үстінде «аунаған»,
Ақ үрпектің атауын
Кім айтады дәл маған?Ақкүшік – Итбалықтың баласы
Аузына алса бірауық,
Тынши қалар жылауық.Емізік
Үсті тымық, қарасам,
Асты болса ала шаң.Елекпен ұн илеу
Санаты: Ас, тағам, азық-түлік жұмбақтары
Қайнаған шілдеңіз де оған суық,
Ыссыға төзбегенді тығам қуып.Тоңазытқыш
Санаты: Үй заттары туралы жұмбақтар
Алдында бір нәрсе әкеп берсе, тегі
Оңын сол, солын оң ғып көрсетеді.Айна
Құдай шебер ме,
Құрқылтай шебер ме?Ұя
Екі рет туады,
Бір рет өледі.Құс
Бір керуен аттанады Шам шәріне,
Алыс жол алты айлық хан шәріне.
Қош айтып, қоғалы көл, қом суларға,
Созады ащы даусын таң сәріде.Жыл құсы
Қамысы қара көлдің бунақ-бунақ,
Жел есер қара көлден тулап-тулап.
Мысырға ұзатылған апаларың
Төркіндеп келе жатыр улап-шулап.Туған жеріне қайтқан жыл құсы
Судан шықпас,
Су жұқпас.Қаз бен үйрек
Шелектеп құйсаң да, су жұқпас.Үйрек
Күні-түні тіл қатпай,
Қол шалғыны өкшелеп.
Шапқан шөпті құрғатпай,
Жинайды ол дестелеп.Тырна
Сөйлесе, сөзді,
Айтса, ауызды,
Тынысы басқа,
Маңдайы қасқа.Тоты құс
Таңертең тұр-тұрлайды,
Кешке жат деп жыр жырлайды.Қораз
Кішкене ғана бойы бар,
Тамақта ғана ойы бар.
Тіршілік құрып жүреді
Шамасы аз жануар.Сұңқар
Буда-буда, буда жүн,
Будаланған шуда жүн.
Сыпырып қойған сұр таспа,
Қоңыр шұнақ құнажын.Тышқан
Жау келсе, қатты сасады,
Құйрығын тастай қашады.Кесіртке
Шел басқан шыбық,
Кетті құмға сіңіп.Жылан
Аттап болмас алтын қазық,
Ұстап болмас темір қазық.Жылан
Инесі көп,
Тігуге икемі жоқ.Кірпі
Тәнсіз, жансыз кім,
Қайда тұрады?Судағы балық
Тауға шықса, жүгірген,
Таудан түссе, сүрінген.Қоян
Ыржияды, күледі,
Басқан ізді біледі.
Таусылмайтын шабысы,
Жұртқа мәлім жүрісі.Түлкі
- Абдраманов Арсланбек
- Абдраманов Арсланбек
- Абдраманов Арсланбек
- Абдраманов Арсланбек
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі