Кіру Тіркелу
Өлең, жыр, ақындар

Ұлағатты сөздер

Ғибадаттардың ең оңайы және ең пайдалысы - аз сөйлеу және жақсы мiнездi болу.

Ілмектер: Ғибадат, сөйлеу, мiнез Хадис шәриф

Жамандыққа тез сенеді.

Ілмектер: Жамандық, сенім, сену Бальтасар Грасиан

Бақыт деген – сенің бала күндерің,
Бақытсыз-ақ бақытты боп жүргенің.

Ілмектер: бақыт, бала, балалық шақ, нақыл, афоризм, қанатты сөздер Мұқағали Мақатаев

...Ләйліге ұқсап көп арулар бізді ұқпас,
Мәжнүн ғана қайғы-шерге қамалар.

Ілмектер: Ләйлі, Мәжнүн, қайғы, шер, ару, махаббат, нақыл, афоризм, қанатты сөздер Әбул-Хасан Рудаки

Жүрегімнің түбіне терең бойла.

Ілмектер: жүрек, нақыл, афоризм, қанатты сөздер Абай Құнанбайұлы

Өмірге даналыққа тамыр жіберген дара дарынды адам келгенін қалай білуге болады? Түк те қиындығы жоқ. Кілең орташа қабілет иелері мен жүн бастар сол адамға қарсы ұйымдасқан түрде күрес аша бастайды.

Ілмектер: дана, дарын, дара, адам, қабілет, күрес, нақыл, афоризм, қанатты сөздер Джонатан Свифт

Қарттарыңды сыйлай біл: күндердің күні болғанда кімдердің белі бүгілмес.

Ілмектер: қарт, сыйлау, сый, нақыл, афоризм, қанатты сөздер Бұқар жырау

Жаман әйелдің сипаты:
Болмайды сұлу қылықты жаман қатын,
Білмейді оқытсаң да сөздің салтын.
Ілмелеп, салған жерден кекесіндеп,
Қылады ұрыс-жанжал сөздің артын.
Кетеді таң атқан соң өсек бағып,
Қонаққа тамақ бер деп ептеп айтса,
Жүреді теріс қарап жылмың қағып.
Кісіге күле сөйлеп, келмес жанап,
Былшылдар ел көзінше байын талап.
Таусылды қант пен мейіз, ет пен шай деп,
Қонағын қыстай келген бәрін санап.
Сыпырмас үйдің ішін, киіз қағып,
Еш уақыт шаруа қылмас отын жағып.
Тазалық үй ішінде болмаған соң,
Бойыңда қадір-баға қалар нағып.
Орамал жерде жатар кірі батпан,
Салдырап аяқ-табақ қирап жатқан.
Сүтін ішіп, шелегін ит жаласа,
«Кет!» деп еш айтпайды құдай атқан.

Ілмектер: әйел, сипат, нақыл, афоризм, қанатты сөздер Ақан Сері Қорамсаұлы‎

Ажал жетпей — жан шықпас.

Ілмектер: ажал, жан, нақыл, афоризм, қанатты сөздер Бұқар жырау

Ақтың үйі — ақ мешіт.

Ілмектер: үй, мешіт, нақыл, афоризм, қанатты сөздер Бұқар жырау

Мәтіннің дәмін алудың төте жолы – талмай оқу.

Ілмектер: мәтін, оқу, нақыл, қанатты сөздер, афоризм Асқар Сүлейменов

Сәби үшін жақсы ойыншық ол алуан түрлі қылып өзгертуге келетін ойыншық.

Ілмектер: оыншық, сәби, нақыл, афоризм, қанатты сөздер Константин Ушинский

Қайсыбір жақсы кітапты оқып шығып, өз өмірінің жаңа дәуірін ашқан адамдар қаншама!

Ілмектер: кітап, өмір, нақыл, афоризм, қанатты сөздер Генри Дэвид Торо

Алдымен тандаулы кітапты оқыңдар, әйтпесе оларды мүлде оқи алмай қаласыңдар.

Ілмектер: кітап, нақыл, афоризм, қанатты сөздер Генри Дэвид Торо

Қоғамның кеселінің бір емі — оған тіке қарау.

Ілмектер: қоғам, кесел, нақыл, афоризм, қанатты сөздер Асқар Сүлейменов

Өтірікті шын қылған — ол адамның қызыл көзді пәлесі.

Ілмектер: адам, өтірік, пәле, көз, нақыл, афоризм, қанатты сөздер Бұқар жырау

Сыпайы сырын білдірмес.

Ілмектер: сыпайылық, сыр, нақыл, афоризм, қанатты сөздер Бұқар жырау

Жақсы әйелдің сипаты:
Ақ жүзді әйел алсаң бойы сұңғақ.
Қасыңа шақырғанда келсе зулап.
Дауысы «әу» дегенде әрең шығып,
Кеудесі еңкейгенде етсе бұлғақ.
Қара қас, жазық маңдай, қара көзді,
Дауысы жіп-жіңішке, жұмсақ сөзді.
Мінезі майдай еріткен қорғасындай,
Келсе де ерте-кешті бір мінезді.
Жүзінің ақ аралас, қызыл беті,
Жаман сөз сөйлемейді, адал жіпті.
Болған да тісі аппақ, пісте мұрын,
Ауызы қалжың сөзге болса епті.
Жат қылық, шайпау мінез еш болмайды,
Шақ етіп дауысы шықпас баланы ұрған.
Ерте-кеш бір ауылдан ері келсе,
Тап-таза үйдің іші сыпырылған.
Жігітке адал жүріп болар серік,
Қуанар ғазиз құрбы жүзін көріп.
Білгізбей бар болса да, жоқ болса да,
Ол бір марал тұрғыны қасын керіп.

Ілмектер: жақсы әйел, сипат, нақыл, афоризм, қанатты сөздер Ақан Сері Қорамсаұлы‎

Түс — күндіз бұққан ойдың ойыны.

Ілмектер: түс, ой, нақыл, афоризм, қанатты сөздер Асқар Сүлейменов

Отау көтеріп оңаша тұрып алмай достастықтың құшағына қойып кету – саяси логикаға қиналып сыйысады.

Ілмектер: логика, отау, нақыл, афоризм Асқар Сүлейменов

Жаңалықтар

Нақыл сөздер

Пікірлер