Кіру Тіркелу
Өлең, жыр, ақындар

Ұлағатты сөздер

Адамның нағыз адам болғаны қандай тамаша.

Ілмектер: адам, нақыл, афоризм, қанатты сөздер Менандр

Ана тілін менсінбеген — сақау,
Ата ғұрпын елемеген — мақау.

Ілмектер: ана тілі, тіл, нақыл, афоризм, қанатты сөздер, сақау, мақау Сайын Назарбекұлы

​ ​ ​ ​
​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ Оқушыларға​ насихат

1)​ Ұстазыңды сыйлайтыныңды сөзбен емес, іспен көрсет! Ұстаз үшін тыңғылықты орындалған үй тапсырмасынан асқан сыйлық жоқ!

2)​ Мұғалім сабақ айтқанда зор ынтамен тыңда. Жазып ал. Я болмаса аудиожазба жасап ал. Әр сабақты кемі 5 рет тыңда. Әр тыңдағанда сабақтың тек 20%-ы ғана қабылданады.

3) Қатал мұғалімдерден қорықпа. Не үшін ашуланатынын, неге ренжитінін зертте! Соған қарай жақсы амал істе. Мұғаліміңді қуант!

4)​ Мұғалім сабақ түсіндіріп тұрғанда, өзге нәрсемен айналыспа! Досыңа сыбырлап, хат, қағаз лақтырып,​ күліп, біреуге жұдырық көрсетіп, қыздардың шашынан тартып, арқасынан түртіп мазасыз болма! Саған алаңдаған ұстаздың алдымен ойы бөлінеді.​ Сосын айтатын сөзін ұмытады.​ Көңіл күйі түседі, ренжиді.​ Ескерту жасайды. Соңында ауыр сөз айтуға мәжбүр болады. Ал​ сен, ең жақсы оқушы бол!

5)​ Мұғалімге білім мәселесінде сұрақ қоюдан ұялма, түсінбегеніңді дереу айт! Содан кейін де түсінбесең,​ тағы айт! Тақтаға шық. Әйтеуір жаңа сабақты толық үйренбей мектептен қайтпа!

6) Ұстазыңды құрметте, оның алдында өзіңді барынша әдепті ұста! Бейәдеп сөз айтып, қарқылдап күліп, дүкірлеп жүгіріп, сүйкімсіз болма!

7)​ Сөз тасыма, ұстазыңды үйге жамандап келме! Достарыңның кемшіліктері мен қателіктерін мұғалімдерге жеткізе беру жақсы емес. Шамаң келсе өзің жақсы бол! Айналаңды да жақсылыққа шақыр. Ұстазыңа көмекке дайын тұр. Сынып абыройы үшін түрлі жарыстар мен білім сайыстарына жиі қатыс! Көп ізден, көп оқы, көп ойлан!

Гүлмекен Қасенбай
26.09.2021

Ілмектер: Гүлмекен Қасенбай оқушыларға насихат

Шынымды айтсам, мыналардың ойына ортақтас болғаннан көрі, мен Платонмен бірге қателескенді дұрыс көрер едім.

Ілмектер: ой, қателесу, нақыл, афоризм, қанатты сөздер Цицерон

Тәуірлер тәуір кісі тойына шақырусыз да бара береді.

Ілмектер: той, шақыру, тәуір, нақыл, афоризм, қанатты сөздер Сократ

Өмірге келген бірінші сағатың өміріңді қысқартады.

Ілмектер: өмір, сағат, уақыт, нақыл, афоризм, қанатты сөздер Сенека

Ниетіңді түзеткенің — иманыңды күзеткенің.

Ілмектер: ниет, иман, нақыл, афоризм, қанатты сөздер Сайын Назарбекұлы

Кей ойлардан үзінді

​ ​ ​​ ​​ ​ ​ Соңғы кездері адамдар бір-бірлерін себепсіз жақсы көруді тоқтатқан секілді...! Сырт келбетің мен абыройың болмаса, екінші орынға кетесің. Жер бетінде әр 40 секунд сайын қайтыс болып жатқан адамдардың көбі, өздеріне қол салушылар...​ Оларға ешкім жақсы көретінін айтпаған. Қорлаған. Азаптаған. Мазақтаған. Жаман есімдермен атаған. Тым болмағанда сыртынан өсектеген!
​ ​ ​ ​ ​ ​ ​ ​ Адамдар қазір той мен жиынға өсектен қорқып барады.​ Бірақ өсекке ілініп қайтады. Сонда бізге не жетпейді...?! Неге адамды сол қалпында қабылдай алмаймыз? Біз кімбіз...?

​ ​ ​ ​ ​ ​ ​ ​ *​ ​ ​ ​ ​ ​ ​ *​ ​ ​ ​ ​ ​ ​ ​ *

​ ​ ​ Адамға ұнауды ғана көздесең,​ ешқашан ұнамайсың,
​ ​ ​ ​ Аллаға ғана ұнауды көздесең,​ ешқашан қор болмайсың...!

​ ​ ​ ​ ​ ​ ​ ​ ​ ​ ​ ​ *​ ​ ​ ​ ​ ​ ​ *​ ​ ​ ​ ​ ​ ​ ​ *

​ ​ ​ Сынақ​ - ең жақсы көретін нәрсең арқылы келеді!
​ ​ ​ (Егер әр қырық күн сайын тым болмаса ішің ауырмаса, онда ақыретің үшін қорқа бер):
​ ​ ​ Балажанда​ - бала жоқ,
​ ​ ​ Ұл қаласаң - қыз көп.
​ ​ ​ Бәрі болса - ауырасың.
​ ​ ​ Қиындыққа жолығасың.
​ ​ ​ Жақыныңды жоғалтасың,
​ ​ ​ Кейде ақшаңды тонатасың.
​ ​ ​ Уақытыңды ұрлатасың,
​ ​ ​ Қартаясың, қыр асасың!
​ ​ ​ Сынағы көп өмір​ - құт,
​ ​ ​ Сынақсыздың соңы​ - от.
​ ​ ​ Сынақ түбі​ - мереке,
​ ​ ​ Сабыр​ түбі​ - береке!
​ ​ ​
​ ​ ​ ​ ​ ​ ​ ​ ​ *​ ​ ​ ​ ​ ​ *​ ​ ​ ​ ​ ​ *
​ ​ ​ Күллі күнәнің бастауы - нәпсіден!
​ ​ ​ Нәпсісін басқарған адам - хан!
​ ​ ​ Адамдар ғана бір-бірімен сыйыспайды,
​ ​ ​ Ал басқа мақұлықтар туысымен ұрыспайды!
​ ​ ​ Тәкаппар адам ешкімді менсінбей жүріп, өзі елеусіз қалады....!
​ ​ ​ ​ Бауырмал адам барлығын ойлап жүріп, жүректерде мәңгі қалады!
​ ​ ​ Ойға әркім жүйрік,
​ ​ ​ Одан да қыл тірлік!
​ ​ ​ Құр сөз пайда бермейді,
​ ​ ​ Иманың ғана жөндейді.
​ ​ ​
​ ​ ​ ​ ​ Адамдардың кейбірі осы дүниеде абыройлы болса, кейбірі Аллаһ пен періштелердің алдында абыройлы! Екінші айтылған абыройлылық,​ мына дүниеде сезілмеуі мүмкін. Тіпті бір қарағанда адамдардың ең қоры секілді көрінеді.​ Керісінше ондай адамның жалған дүниенің алдамшы қызығына алдануға уақыты да, қызығушылығы да болмайды.​ Күні-түні Құран оқып,​ аят жаттап, садақа беріп,​ адамдармен көркем қарым-қатынас жасаушы мұсылман, түбінде жақсылықпен қауышары хақ!
​ ​ ​ ​ ​ Қайтыс болған адамдардың ештеңе айта алмай кететіндігі өте өкініші...! Егер олар соңғы сапарында не көріп тұрғанын айтқанда еді, көпшілікке ғафылдықтан құтылуға үлкен сабақ болар еді.

10.12.2020

​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​
​ ​ ​ ​ ​ ​ ​​ ​ ​ ​ ​ ​ ​ ​ ​ ​​ ​ ​ ​ ​ ​ ​ Адамдарға ашуланатын кезде, олардың болашақ мəйіт екендіктері есіме түсіп, дереу сабыр етемін!

​ ​ ​ ​ ​ ​ Соңғы кездері не нəрсе жоғалса да, алғашқы соққының өзіне-ақ сабыр етуді үйрендік! Ал Аллаһ уəдесінде тұрып, бізге дүниемізді көп ұзатпай қайтарып беруде! Расында Ол нендей мейрімді, əрі əділетті!

​ ​ ​ ​ ​ ​ ​ Бұрындары адамдар дəл қазіргідей бай болмады! Бірақ пейілдері өте кең еді...!

​ ​ ​ ​ ​ ​ ​ Қазір адамдар зəулім сарайларда тұрады! Бірақ пейілдері өте тар! Екі-үш сағаттан артық ол сарайда саған орын жоқ! Орын табылған күнде, қызметшінің жанынан табыласың!

​ ​ ​ ​ ​ ​ Дүниедегі ең қиын нəрсе​ - пенделерге шындықты түсіндіру! Түсінсе де, қарсы шығушы топтың жағдайы не болар екен..?!

​ ​ ​ ​ ​ ​ ​ Соңғы кездері Жаратқанға көп жақындаған сайын, оның да маған жақындығын сезіне бастағандаймын!
​ ​ ​ ​ ​ ​ ​
​ ​ ​ ​ ​ ​ Адамдар иманға келген сайын, жүректері жұмсарса неткен ғажап! Өкінішке орай Аллаһтың білімінен аз ғана əсерленген​ пенделердің жүректері тасқа айналып бара жатқанын көп байқап, көп ренжіп жүрмін!

​ ​ ​ ​ ​ ​ ​ Адамдар өз ісінің нағыз маманы болғанда ғана, оны сол мамандықтың иесі деп атау керек шығар! Əйтпесе біздің қоғам тек "үміткерлер" мен "əдіскерлер" алаңына айналып кетті!

​ ​ ​ ​ ​ ​ ​ ​ Бақыт​ - өзіңе керек жандар мен сені керексінетін жандардың жанында қауіпсіз ғұмыр кешу!

​ ​ ​ ​ ​ ​ ​ ​ Кішіпейілділік​ - не деген қат дүние! Оны іздеп табу соңғы кездері алтын іздегенмен бірдей болды!

​ ​ ​ ​ ​ ​ ​ Шындықты мойындамау​ - оның жоқ екендігін білдірмейді!

​ ​ ​ ​ ​ ​ ​ ​ Пенде​ - көп! Адам​ - аз!

​ ​ ​ ​ ​ ​ ​ ​ Ұл мен қыз - тек бақыт сыйламайды! Егер тəрбие бермесең, мына өмірде уайымға, ана өмірде қайғыға душар етеді!

​ ​ ​ ​ ​ ​ ​ Өмірдің мəні​ - адамның жаратылу мақсатында! Мақсатыңды білу​ - амандықта болу!

​ ​ ​ ​ ​ ​ ​ Жүрегіңді емдейтіндер емес, сөз арқылы тілдейтіндер​ көп! Жан-дүниеңе үңілетіндер емес, оған жиренішпен түкіретіндер көп!

​ ​ ​ ​ ​ ​ ​ ​ Шалынып қалсаң шаттанатындар мен көтерілсең бас салатындар қандай көп...!

​ ​ ​ ​ ​ ​ ​ Бізге Алланың алдымен кедейлік жібергені қандай ғажап! Алдымен бай болсақ кім дос, кім қас айыра алмаған болар едік!

​ ​ ​ ​ ​ ​ ​ Тағдырымыз қандай болса да, барлығы үшін Жаратқанға мың алғыс! Бізге не керектігін одан артық кім біледі?! Біз тек жақсылыққа ұмтылудың себебін жасаймыз, Аллаһтан сұраймыз! Арғы жағы тек Оның ғана құзырында!

​ ​ ​ ​ ​ Көбіне​ ойланғанды ұнатамын!​ Жақсы​ ой​ - жақсылыққа бастайды!​ Біреу ренжітсе​ - оңай кешіре салуды үйреніп жүрмін! Шығармашыл адамдардың жан-дүниесі нәзік келетіндіктен,​ кейде сәл нәрседен​ жаның жарақат алып, орынсыз сындар ұзақ мерзімге есеңгіретіп жіберуі мүмкін! Бірақ....​ кешіргенді жақсы көремін....!

​ ​ ​ ​ ​ ​ ​ ​ ​ ​ ​ ​ *​ ​ ​ ​ *​ ​ ​ *​ ​ ​ ​ ​ ​ ​ ​ ​ ​ *​ ​ ​ ​ *​ ​ ​ ​ *

​ ​ ​ ​ ​ ​ ​ ​ ​ Менің бір таң қалатын нәрсем​ ​ - біздің жақтың адамдарының өте-мөте кішіпейіл келетіндігі...! (Алматы өңірінің адамдарын айтамын) Көшеде үлкен ата-әжелерге сәлем берсеңіз, сізден де төмен иіліп,​ сенен де ары жақын тартып тұратындығына ризамын!​ "Күнім", "жаным",​ "алтыным", "балапан", "ботам"- деп​ көбіне біз жақтың адамдары айтады екен! Тіпті келіндерімізге дейін "күнім"- деп​ отырады екенбіз! Өзге өңірлерден бұндай жылылықты көп байқай бермейсіз!​ Адамдардың жылы келбетінен басқа,​ ешнәрсе де маңызды емес екен бұл өмірде!

30.05.2018

Ілмектер: Гүлмекен Қасенбай. Кей ойлардан үзінді

Елге қылышпен кірген, сол қылыштан өлер болар.

Ілмектер: ажал, қылыш, нақыл, афоризм, қанатты сөздер Александр Невский

Достық — бұзылғандар жүрегі үшін жаралмаған.

Ілмектер: достық, нақыл, афоризм, қанатты сөздер Франсуа Вольтер

Шынайы махаббат сезімі қаншалықты сирек болса, нағыз достық — одан да сирегірек.

Ілмектер: махаббат, сезім, нақыл, афоризм, қанатты сөздер, достық, сирек Франсуа де Ларошфуко

Үнемі айлаға жүгіну, ол — ақылдың аздығынан.

Ілмектер: айла, ақыл, афоризм, қанатты сөздер Джон Локк

Иманды адам қанағатшыл келер,
Дөрекі надан балағатшыл келер.

Ілмектер: иман, қанағат, нақыл, афоризм, қанатты сөздер, надан Сайын Назарбекұлы

Адамда ең соңғы өшетіні, ол — үміт.

Ілмектер: үміт, нақыл, афоризм, қанатты сөздер Диоген

Әдемі сөйлейтіндердің көбі, әдепсіз қылықтарға барады.

Ілмектер: әдеп, қылық, сөйлеу, нақыл, афоризм, қанатты сөздер Демокрит

Жылтыраған жүзін сыйлама
Кісілігін сыйла,
Жылтыраған сөзін сыйлама
Түсінігін сыйла.

Ілмектер: сыйлау, нақыл, афоризм, қанатты сөздер Сайын Назарбекұлы

Адам ақиқатты бас көзімен көрмейді, ақыл көзімен көреді.

Ілмектер: адам, ақиқат, нақыл, афоризм, қанатты сөздер, көз, ақыл Шәкәрім

Адам жанының ең басты байлығы — мейірім мен қайырым. Одан өткен байлық жоқ. Ол жоқ жерде, тіпті, білім-іліміңіздің де құны көк тиын.

Ілмектер: мейірім, қайырым, нақыл, афоризм, қанатты сөздер, байлық, білім, ілім, құн, тиын Темірхан Медетбек

Этика дегеніміз — адал іс-әрекетіміз ғана емес, ақ жүректі ерік-жігеріміздің философиясы да.

Ілмектер: этика, нақыл, афоризм, қанатты сөздер, адал, жүрек, ерік-жігер, философия Иммануил Кант

Біз өз бойымызда әдеп сезімін дамытуға тиіспіз. Өйтпесек, адамдардың ілтипатынан оп-оңай айырылып қалуымыз мүмкін. Бұл қателігі үшін адам өмірде өте көп зиян шегеді.

Ілмектер: әдеп, сезім, өмір, ілтипат, қателік, зиян, нақыл, афоризм, қанатты сөздер Иоганн Вольфганг фон Гёте

Жаңалықтар

Нақыл сөздер

Пікірлер