Ешкімді ешкім іздемейді бұл күнде
Ешкімді ешкім іздемейді бұл күнде,
Керек емес мұңың, тіпті күлкің де.
Хабар алмай, хәлін білмей, сұраспай,
Өмір сүру кетті айналып мүмкінге.
Өлеңдер жинағы - 68 бет
Жібек жырды есемін түннен түтіп
Табиғатпен кешкілік үндесемін,
Қайтармайды көңілдің түн меселін.
Жұлдыз шығып, аспанға ай қонғанда,
Өзіңді ойлап тәп-тәтті мұң кешемін.
Сезімнің сырын тыңдатып
Сыбырлап қана сөйлейін,
Сезімнің сырын тыңдатып.
Жүрекке үнім жеткенде,
Дегізіп: "Осы шын бақыт!"
Есті жырға өзімше мұң айтамын
Иланам да өмірдің шын сөзіне,
Күнді өзгеге қиямын, түн өзіме.
Кір шалғанда көңілді жуып алып,
Таң атқанда кептірем күн көзіне.
Келеді әлі, тағы да қаңтар, ақпан
Келеді әлі, тағы да қаңтар, ақпан,
Аппақ дала, аппақ түн, атар ақ таң.
Ақ қанатын жайғанда ақ ұлпалар,
Аппақ сезім еседі әр тараптан.
Сен болмасаң
Сен болмасаң көп қуанып күлмес ем,
Сезімнің де не екенін білмес ем.
Сағынғанда іштен тынып, күрсініп,
Жанарыма бір тамшы жас ілмес ем.
Менің таңым атады алдан күліп!
Сарқылмаған санамда сары үміт,
Үміттің де кей кезде жары күдік.
Өткен күндер артында із қалдырар.
Ертеңгі күн жасырар барын бүгіп.
Ұмыту қиын, білемін
Ұмыту қиын, білемін,
Санамда сансыз естелік.
Бақытқа толы сәттер бар,
Оларды енді не істедік?!
Тамыз көшіп барады
Жаз да кетті елес боп әр ақпары,
Тамыздың да таусылды парақтары.
Жайма шуақ күндерді шығарып сап,
Қайтқан құсқа қалыпты қарап бәрі.
Жазды қимай қаламыз
Қимастықтан көңілде туады аңыз,
Ауысқанда мезгілдер жұбанамыз.
Ақ қарымен балаша қауышсақ та,
Қыс біткенде ел болып қуанамыз.
Бақыт деген осы ма деп қаламын
Жер бетіне нұр шашқан Күн киелі,
Жарық Ай да қараңғы түнді иеді.
Көріп тұрып көзіммен қуанамын,
Мынау ғажап, жап-жарық дүниені.
Осы күздің келбетіне құмармын!
Сұрша бұлттар желкілдетсе жалауын,
Күн тығылып көрсетпейді танауын.
Сары күзге қарап қойып әйнектен,
Қаймақ қосқан ыстық кофе қалауым.
Шаршадым дейсің бе?
Шаршадым дейсің бе?
Шаршамай жүрген бар ма екен адам,
Бассаң да дұрыс, түп-түзу қадам,
Көре алмай жүрсің өскенін бағаң.
Ақ көңілім ақ өлең боп төгілді
Сезім сауыт тұрған кезде лық толып,
Қағазыма жатты жырдан шық қонып.
Терезенің ар жағында аппақ қар,
Қол бұлғайды дегендей-ақ шық, жолық!
Ұмыта алсаң
Айғыз-айғыз көңілімнің өрнегі,
Өрлемей тұр сезімнің де өр демі.
Жерден, көктен таба алмадым амалын,
Ұмыта алсаң сен ұмытып көр мені.
Балалықта бақыт барын кім білген?
Міне менің өскен ортам, ауылым,
Бармай кетсем сағынатын қауымым.
Тұрады онда ақ пейілді адамдар,
Сыйлайтұғын досын әрі бауырын.
Үндемейсің, үндемейміз, үнсізбіз
Үндемейсің, үндемеймін, үнсізбіз,
Көңілдерде тоғысады мұңсыз күз.
Түйсінсек те іштегі бір алауды,
Үшеуміз де тіл қатпаймыз түн, сіз, біз.
Абайға хат
Уа, данышпан, кемеңгер, ұлы адамым,
Ғылым-білім жұртыңа сұрағаның.
Ұрпақтарың орындап арманыңды,
Алды ма екен өмірден ұнағанын?
Жер бетінің ерекше сүй аспанын
Даналықтың сен де жаз бір дастанын,
Жер бетінің ерекше сүй аспанын.
Айналаңа қара да жақсы іс көр,
Жалғаныңда керегі жоқ басқаның.
Кірпігін іледі мақпал түн
Біз үшін жаз жайып жапырақ,
Сылдырап ағады бұлақтар.
Сәнденіп құлпырса атырап,
Тамсана қараймыз шуаққа әр.
Өмірден мағына іздеу
Өз өзімді түсінбей жүрмін мүлде,
Өкпелі де емес ем күн мен түнге.
Болмысымның қазіргі құны қандай?
Кімге тікен, кімге шөп, гүлмін кімге?
Күндер зулап барады құмға сіңіп
Күндері мен түндері жылжып ағып,
Уақыт деген дәл қазір бір жұмалық.
Дүйсенбі мен жексенбі арасында,
Босқа өткен сағатқа қынжылмадық.
Жүрек тілі соққанда сезімді ұрып
Жүрек тілі соққанда сезімді ұрып,
Аздау болып, жүретін кезің күліп,
Ауыздықпен асаудай алыспасаң,
Мойыныңа салмайды төзім құрық.
Бақыт деген сүйеді тыныштықты
Қас қарайып келеді, қас қарайып,
Жұрт тіршілік жасайды жасқа лайық.
Ғашық қызды іздейді ғашық жігіт,
Махаббат бар, жоқ онда басқа айып.
Кім біледі сезімнің шын көлемін?
Қапас түнде келе ме саяқ күдік?
Ай туғанда қанатын жаяды үміт.
Өзің болып самал да сыбырлайды,
Жүрегіме жүрегін таяп тұрып.
Түндерімді жалғайды бұла таңым
Түндерімді жалғайды бұла таңым,
Ұйқы көрмей кей түнді жылатамын.
Ой түбінде қалса да сынық кемем,
Сол түнімді ерекше ұнатамын.
Өмірім - жолым
Сансыз жолдар - сансыз жылдар таңбасы,
Тағдырлардың тоғысатын арнасы.
Тоғыз жолдың торабында жатады
Бүгін менен болашақтың жалғасы.
Ғашық болып көру керек
Ғашық боп көру керек,
Өмірді ұғу үшін.
Іштегі менмендікті,
Бір жола жығу үшін!
Белгісіздік
Болашақ расымен белгісіз,
Оны ойлап, көңіліме келді сыз.
Қасиеттен жұрдай болып адамдық,
Молаға кірпіш болып қаландық.
Сыныптастарға
Алғаш қоңырау үнімен кірдік,
Әліппе ашып, білім меңгердік.
"Үздік" те болдық, "үштік" те болдық,
Тәлім-тәрбие жүгін өңгердік.
Аман болшы, жан жарым
Біз табысқан күннен бастап мендегі
Сөнбей келед(і) саған деген сенімім.
Наласы көп,
Жаласы көп Жердегі
Қаталдықтан қорғап жүрген серігім.
Жастыққа оралу
Асыл арман жалаулаған
Өтіп кетті-ау келмеске.
Бозбала күн алаулаған
Жылуынан бермес пе?
Өмір сүргім келеді
Жастық әнін салдырған,
Жанға ләззат қалдырған,
Балаусалы балдырған
Өмір сүргім келеді.
Байтақ жерім
Сауыр, Сайхан сауырында
Кіндігімнің байлауы бар.
Тарбағатай бауырында
Бірлігімнің қаймағы бар.
- Лев Шестов
- Лев Шестов
- Лев Шестов
- Лев Шестов
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі