Киіз үй және оның жабдықтары туралы жұмбақтар – 4-бет
Бассаң бір түймесін,
Есігі ашылған.
Керемет күймесі
Кісіні тасыған.
Алдында бір нәрсе әкеп берсе, тегі
Оңын сол, солын оң ғып көрсетеді.
Өзі кірден арылмас,
Ізінен кір табылмас.
Жайсам жамшыдай,
Жисам қамшыдай.
Керемет бір ит бар,
Үй бағады үрмейді.
Аяғы жоқ жүрмейді,
Көмейіне тықсаң сөйлейді,
Тілін адам біледі.
Рұқсатсыз ол иттен
Адам үйге кірмейді.
Бір нәрсе өзі білік, іші қуыс,
Ол заттың сүйегі көп айқыш-ұйқыш.
Көзі бар жарқыраған төбесінде,
Жайса үлкен, жиналғанда бір-ақ уыс.
Ауп дедім,
Ептедім,
Септедім,
Қара жерді түптедім.
Аңырайған кең есік,
Кірмес бірақ жел есіп.
Ішіне адам батпайды,
Затыңды аман сақтайды.
Бір нәрсе өзі биік, іші қуыс,
Ол заттың сүйегі бар айқыш-ұйқыш.
Көзі бар төбесінде жарқырайды,
Жайса үлкен, жиса бір-ақ уыс.
Желіні тас,
Тұяғы ағаш.
Төрт сирақты таған,
Төрден орын алған.
Қаншама дүние үстінде,
Күшіне қайран қалам.
Ұзынырақ бақаннан,
Жаңбырлы күні бата алған.
Киіз үйдің қажетті,
Бір мүлігі аталған.
Үй тігерде керек,
Борандар да тірек.
Айыр тұмсық сұм заттың,
Кім айтады атын?!
Дөп-дөңгелек қос батпан,
Бірі айланып зыр қаққан.
Қарттардың ең керегін,
Дәннен үгіп беретін,
Бұл не айтшы зерегім ?!
Отыз отырма, қырық қабырға,
Бәрін ұстап тұрған,
Ауыз омыртқа.
Есігім шығыста,
Кебежем сол жақта.
Төрім батыста,
Келінім оң жақта,
Отым ортада.
Келіп той,
Құрт-май, қымыз,
Қазы-қарта.
Төрінде төртеу отыр төремін деп.
Көрпеміннің екеуі тұр,
Көтеріп төбе биді беремін деп.
Жетпіс кемпір жер тесіп жатыр.
Қырық найза буылған,
Бір қалпаққа сұғылған.
Жайсаң қабырға,
Жисаң қом етесің.
Жиылғанда киер екі кепесін.
Дүниеде дөңгелек дәу, білесің бе?
Өзі аппақ жаулығы бар төбесінде.
Үш белбеу, бес киім, бір жапқышы бар,
Сансыз бау, ою-өрнек денесінде…
Сүйектері, жиһазы көзді тартқан,
Ішіне балалар-ау кіресің бе?!
Төрт таяққа керілді,
Әдемі үй боп көрінді.
Жиегіне қағылар,
Әр есіктің қалы бар.
Ол болса қақпа да,
Ашылып-жабылар.
Күзетем деп үйді,
Жұдырығын түйді.
Көмейлете інді,
Сүңгітіп ем тілді.
Темір кісен діні,
Кейін қарай шегінді.
Түбінен үзген,
Қатарлатып тізген,
Сүйрікті тұттым,
Таза ауа жұттым.
Көк тіреп тұрған,
Көп таяқты буған.
Дөңгелек үйдің,
Қара-шұбар жыланмен
Белін будым.
Қабырғаның кең төрі,
Ажыратпай ұстап тұр,
Жұмыр болат шеңбері.
- Уильям Шекспир
- Лев Шестов
- Лев Шестов
- Лев Шестов
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі