Бір тетігін басқанда,
Алып шықты аспанға.
Басып тағы байқап ем,
Жерге түстім қайта мен.
Саусақ тіреп біртіндеп,
Баса берсең сабазды,
Сөйлетеді бір тілде
Қабат-қабат қағазды.
Мың миллион пернелі
Домбыраны көрген кім?
Екі аяқты желаяқ,
Артсаң болды сен аяқ,
Жетем деген жеріңе
Жеткізеді оңай-ақ.
Екі жақты,
Екі сапты.
Барлық затты
Тістер қатты.
Kөмip шайнап,
Teмip құсады.
Жүзімен шабады,
Шүйдесімен соғады.
Шаңға толған шанағы,
Қоқыр-соқыр – тамағы.
Бip тетігін басқанда,
Алып шықты аспанға.
Басып тағы байқап ем,
Жерге түстім қайта мен.
Онда би де, күйің де,
Қызығына қанбайсың.
Отырып-ақ үйіңде,
Дүниені шарлайсың.
Су бетінде үйрек жүр,
Қалт-құлт етіп билеп жүр.
Тізбек үйлер көшіп жүр,
Жолын жұрттар тосып жүр.
Киімнің,
Бұйымның
Жатқызар тiгiсін,
Жатқызар қыртысын.
Құрылыста керік тұр,
Керегіңді бepiп тұр.
Он таңбалы цифрлы,
Әрекеті сиқырлы.
Терсең болды сандарын,
Сөйлер керек жандарын.
Қырық екі тілі бар,
Тық-тық еткен үні бар.
Оның тілін тек қана
Маман жандар ұғынар.
Сүймейді тоқтауды,
Сүйеді таптауды.
Асфальтты илеген
Көрдің бе оқтауды?
Дауысы да ілеспес
Өзі ұшқан қарқынға.
Созған шүйке іспеттес
Жол қалады артында.
Жылжымалы жақ,
Бұлжымалы жақ.
Оңға бұрап бақ,
Солға бұрап бақ —
Үлкенге де шақ,
Кішіге де шақ.
Иығына ал шығып,
Тұмсығынан шаншылып,
Күндіз қазып, түн қазып,
Берсін талай ін қазып.
- Асқар Сүлейменов
- Асқар Сүлейменов
- Асқар Сүлейменов
- Асқар Сүлейменов
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі