Техника, көлік, шеберхана құралдары туралы жұмбақтар – 8-бет
Құлаш-құлаш ішегім бар,
Қатпар-қатпар белім бар,
Төрде маған орын бар,
Жаз күніндей демім бар.
Өзгеге «киін» деймін,
Өзім киінбеймін.
Көзін түртіп, көтерсең,
Тіл табысып кетесің.
Қамшыласаң, жүрмеймін,
Мініп алып тебінсең,
Кідіруді білмеймін.
Қуатым мол,
Бірақ жайбасармын.
Қорегім сол –
Май асайын.
Тәтті, дәмді тағамды,
Пісірген соң әудемде.
Қолғанат деп жарамды,
Бағаланды әр жерде.
Қызып алса тындырар,
Бір адамның жұмысын.
Киіміңнің сындырар,
Тігісі мен тырысын.
Ертелі-кеш болатын жұмысымда,
Бір сандық бар үйімнің бұрышында.
Әлемдегі өмірді көрсетеді,
Сиғызып ап ішіне – қуысына.
Меңгеруге жарасаң,
Қай уақытта қаласаң.
Естіледі ішінен,
Ойын – күлкі, тамашаң.
Шапсам да жауын-шашын, жел де мейлі
Астымда арғымағым терлемейді.
Тұрады қаңтарулы мінбегенде
Өмір бақи су ішіп, шөп жемейді.
Әрі шешен, әрі әнші, әрі күйші,
Әр үйде бар, тапқышым, кәне, білші.
Орана бередi, орана бередi,
Оранған сайын көлемi молая бередi..
Тақылдатып таңдайын,
Егінді тез жалмайды.
Дәнін беріп тазалап,
Өзі түкте алмайды.
Гүрілдеп жүреді,
Жердің бетін сүреді.
Мініп алып самғайтын
Қыраным бар талмайтын.
Ақ шатырлы бір қала,
Суда жүзіп, жүр дара.
Ас бөлмеде тұрағы,
Алған демі суық-ақ.
Ішін тартып тұрады
Ішек-қарны шұрылдап.
Бұлт емес, жел емес, –
Бұлттан бір кем емес:
Төгіп өтсе нөсерді,
Егін жайнап өседі.
Жолдардың торабын,
Абайлап қарағын,
Әйгілеп үш сөзді,
Бір дәу тұр үш көзді.
Оған жас-кәріміз –
Бағындық бәріміз.
Сымға жалғанып,
Сыммен бойлайды:
Ол келсе шам жанып,
Үй іші жайнайды.
Тұмсығы – қалақ,
Тұрмайды қарап:
Тау-тасты қопарады,
Бұл не деп аталады?
Темір сирақты
Алып жирафты
Бәрі біледі,
Үй сап береді.
Жалы – темір,
Жолы – темір
Темір атты
Зымыраттым.
Жүргіздім бұл үйімді,
Жүйткісе, жұрт сүйінді:
Бар жолмен жұртты тасып жүр,
Жылдамдыққа басып жүр.
Самұрық құс самғады.
Көктен өтіп,
Айға жетіп,
Жеңілдеді салмағы.
Он көзі бар өзінде,
Он саны бар көзінде.
Көзіне саусақ саласың,
Жырақтан хабар аласың.
Екі тышқан бірлесіп кесіп-пішіп береді,
Екеуі бірге жүрмесе,жоқ қой бізге керегі.
Жоғарыдан айдадым,
Белін жіппен байладым.
Сыпыра тақта астында,
Шалып, қағып ойнадым.
Болғанда екі құлақ, екі шелек,
Бітіпті ортасында шынар терек.
Теректің сабынан ба деп ойлаймын,
Тұрады жауын жауып, күн себелеп.
Бір нәрсе жіппен байлап қойған мықты,
Адаммен қатынасы сондай күшті.
Саңқылдап керек затқа хабар берер,
Бір жерін аңдаусызда басса жетті.
- Уильям Шекспир
- Лев Шестов
- Лев Шестов
- Лев Шестов
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі