Жануарлар мен құстар туралы жұмбақтар
Бұл бөлімде жануарлар мен құстарға арналған жұмбақтар жинақталған. Табиғат әлемін қызықты түрде танып, әртүрлі тіршілік иелері туралы білімді кеңейтуге болады.
Арқалаған инесі көп,
Киім тіге білмейді.
Әуре болма ұстаймын деп,
Инесімен түйрейді.Кірпі
Шырша саясы – күркесі,
Өзі – орман еркесі.
Қарғып жүрер жан-жаққа
Өте құмар жаңғаққа.Тиін
Көп, көп ине,
Бір сабағы жоқ ине,
Іс тікпейді әрине.Кірпі
Секең, секең етеді,
Орман – оның мекені.
Отырғанда шоқиып,
Құманға ұқсап кетеді.Тиін
Қорбаң, қорбаң етеді,
Орман – оның мекені.
Тәтті балға тойып ап,
Қыста ұйқыға кетеді.Аю
Су жүрек қорқақ,
Сыбдырдан да қорқады.
Селтиіп екі құлағы,
Елеңдеп ылғи тұрады.Көжек
Құғақ жерде тұншығады,
Суға жүзсе құлпырады.Балық
Тұла бойы сіңірлі,
Имек мойын өзі ірі.
Денелі де,өзі ірі,
Шөлге келер төзімді,
Іс тындырар бір өзі.Түйе
Сүп-сүйір қанатты,
Саусақтары керемет.
Қарағайлы орманда,
Жеміс-жидек қорегі,
Топ-топ болып өреді.
Сүп-сүйір қанатты,
Саусақтары керемет.Қызылаяқ
Жүні қалың, бағалы,
Терісін де алады.
Басы менен көзі үлкен,
Киім де болар жағалы.Жанат
Бақа-шаян қорегі,
Көп қой оның әлегі.
Мекені өзен, көл екен,
Пайдасы оның көп екен.Әупілдек
Мамық ,жұмсақ жүні де,
Естілмейді үні де.
Тез тестиді дыбысты,
Биікке ұшып, самғайды,
Түнде жемін улайды.Үкі
Құз-жартастастың қиясы,
Қол жетпесте ұясы.
Өзі сүйір қанатты,
Жанары ұшқын атты.
Топшысы сіңірлі келеді,
Бұл құсты кім біледі?Лашын
Балпаң-балпаң басады,
Кісі көрсе қашады.
Қанатымен су шашып,
Айналаны салқындатады.Үйрек
Өзен-көлді жағалап,
Топ-топ болып жүреді.
Сирақтары сидиған,
Мойындары қылқиған.
Балапаны да, өзі де аппақ,
Оны кім біліп таппақ.Аққұтан
Адамға адал жүрегі,
Тынымсыз ұшып жүреді.
Жіңішке, ұзын қанатты,
Адамның досы санапты.Қарлығаш
Қауырсыны қара ала,
Ұшып жүреді далада.
Талғамайды жемді де,
Зиянкес жәндіктерді жейді де,
Көп пайда келтіреді.Сауысқан
Қанатвы мен жотасы,
Қара қоңыр түсті.
Мекендейді қыратта,
Аң мен малдың,
Етін жейді бірақта.Құмай
Орман, тауларда,
Ұшып, заулайды.
Жемін түнде қаузайды,
Зиянкестерді аулайды.Үкі
Маңдайында төбелі,
Жәндік-оның қорегі.
Қауырсыны қап-қара,
Мекендейді далада,
Түрі оның қарала.Қасқалдақ
Жүзгіш құс атанған,
Аяғы қысқа, мойыны ұзын.
Тамағы-балық, шаяндар,
Қырмаңдар оны аяңдар.Аққұтан
Орман, түзді сағалап,
Жеміс-жидек асаған.
Зиянды жәндіктерді теріп жеп,
Қыруар пайда жасаған.Қырғауыл
Қауырсыны қап-қатты,
Жұбымен қанат қақты.
Құз-жартаста ұясы,
Көзі сондай қырағы,
Өзі түздің қыраны.Бүркіт
Қасқырды да аулайды,
Қанаты да талмайды.
Ұясы қия-жартаста,
Өзі қыран марғасқа.Бүркіт
Түз тағысы қыраны,
Өте сақ, тым қырағы.
Өзі епті қайсар құс,
Ағаш басына ұя салған,
Орманды мекендеп қалған.Қаршыға
Тауда жүрген тарғыл аң,
Ол – қайратты ....Қабылан
Секунды жоқ
«Тық-тық» еткен.
Есесіне
«Қыт-қыт» еткен.
Қанаты бар,
Сағаты бар.Әтеш
Аузында ауы бар,
Суда жүзеді.
Балық сүзеді,
Бұл қандай құс?
Тауып ал!Бірқазан
Мирас қылған атадан
Баптап жылқы тел төлін,
Бабам қалай атаған
Аттың бұла «тентегін»?Асау
Мекені қыр, тау-шыңдар,
Арқарлардың қошқарын
Айтып берер қайсың бар
Қане, зерек, достарым?Құлжа
Барлығын да бабалар
Өз атымен атапты.
Қайсың барсың таба алар
Сөз төркіні мақатты?Аюдың еркегі
Жылы, теңбіл ішігі,
Сүп-сүйкімді пішімі,
Айтшы қалай аталар
Ақбарыстың күшігі?Алан
Таудың басын жайлаған,
Құйқылжыта сайраған
Құс төресін киелі
Айтып берер қай балаң?Ұлар
Ертегі көп ол жайлы,
Жүрген жерін алдайды.
Қатысы бар ал оған
Білесің бе Мыржайды?Түлкінің баласы
Көлге жұпсыз қонбаған,
Әнін сүйер иен далам
Аққу құстың баласын
Атап берші сен маған.Көгілдір
Білсең аңның пырағын,
Бетпақдала – тұрағын.
Айта қойшы сен бізге
Жез киіктің лағын.Құралай
Жануарға қосарлап құсты
Пайда болар сұсты,
Екпіні бар күшті
Білесің бе құсты?Түйеқұс
Кеңге салар арқаны,
Таудан сайлап мекенін,
Білсең айтшы, ал қане,
Қозықа не екенін?Арқардың төлі
Көркі көл мен жаздың,
Иесі әсем саздың,
Айтшы, қалай аталар
Балапаны қаздың?Мамыр
Кезіп сай мен саласын,
Ен жайлаған даласын
Қасқыр бөлтірігінің
Қалай атар анасын?Құртқа
- Абдраманов Арсланбек
- Абдраманов Арсланбек
- Абдраманов Арсланбек
- Абдраманов Арсланбек
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі