Кіру Тіркелу
Өлең, жыр, ақындар
  1. Негізгі бет
  2. Жұмбақтар
  3. Табиғат туралы жұмбақтар


Жапырақты бояды,
Атырапты бояды.
Бояп-бояп барлығын
Сап-сары ғып қояды.

Күз


Сырылдатады шәйнегін,
Ұнатпаса да жұрт, мейлі.
Тереземіздің әйнегін
Жуады,
Бірақ сүртпейді.

Жаңбыр


Гүл-гүл жайнап жер, аспан,
Гүрілдейді сайда өзен.
Гүлжазира жарасқан
Гүлдерімен қай кезен?

Көктем


Қыста ғана болады,
Ұстасаң қолың тоңады.

Қар


Сатайын десем ауыр кілем,
Сатпайын десем тәуір кілем

Жер


Көк жиекті шай табақта,
Алтын алма тербеледі.
Кейде бүркер алма жүзін,
Ұлпа мақта перделер.

Күн


Тең, тең, тең киіз,
Екі ортасы кең киіз.

Аспан, жер


Дүниеде бір қарбыз бар солмайтұғын,
Жаз шіріп, қыста үсіп тоңбайтұғын.
Жаһанның жерін, суын, жәндіктерін,
Іші кең бәрін салса толмайтұғын.

Көк, аспан


Қонақтап күнде қонар су бетіне,
Сүйсінер барлық адам келбетіне.
Тұлғасы су ішінде көрінеді,
Таңырқап қарап тұрсам суретіне.

Ай


Әуеден күбі түсті,
Күбінің түбі түсті.

Күн күркүреуі


Қанаты жоқ – ұшады,
Аяғы жоқ – қашады.

Жел


Қуып едім-мойнын бұрмады,
Ұстайын деп едім-қолға тұрмады.

Боран


Арыстан арқырады,
Орман жарқырады.

Найзағай


Аяқсыз жетіп барады,
Қолсыз есік қағады.

Жел


Қараңғыда жымыңдайды, жанады,
Жарық түссе, бірден сөніп қалады.

Жұлдыз


Ат шаптырым аумағы,
Байқалмайды салмағы.
Мың кессең де ол мейлі,
Жүреді,ұшып өлмейді.

Бұлт


Қанаты жоқ, ұшады,
Аяғы жоқ, жетеді.
Аузы жоқ,ұлиды

Боран


Шым - шытыр,
Шидай қотыр.

Жұлдыздар


Көзге ілінбейді,
Жұтсаң білінбейді.

Ауа


Бір халық аспанда ұшқан, аяғы жоқ,
Ұстаған қолдарында таяғы жоқ.
Күніне талай жерге кетер кезіп,
Нәрсенің бұл секілді саяғы жоқ.

Бұлт

Жаңалықтар

Жұмбақ бөлімдері

Нақыл сөздер

Пікірлер