Жұмбақтар жауабымен – 10-бет
Қарынды, баста қылған, аяғы үш,
Зат бір, пошымдары не түрлі-түсті,
Қарнына таяқ тығып піспектесең,
Ысқырып күрілдейді қайнайды күш.
Осындай түсі суық мақұлық бар,
Ойланып ақылдылар жұмбағым шеш.Примус
Санаты: От пен жарық туралы жұмбақтар
Жалпақ бетті батыр,
Белін буып жатыр.Сыпырғыш
Жүзімен жарамын,
Шүйдесімен қағамын.Балта
Жүзімен жарамын,
Шүйдесімен қағамын.Балта
Бір жансыз табылады адамзаттан,
Іні бар жырақ қана кіріп жатқан.
Арқасы інге кірсе көрінбейді,
Ғажайып іс табылар осы заттан.Пышақ
Алдын айпар,
Жанын жайпар.Шалғы
Бас-аяғы теп-тегіс болып біткен,
Селкілдесе денесі дір-дір еткен.
Өзіне қандай жуан кез келсе де,
Күшімен қақ айырып бөліп кеткен.Темір ара
Дүниеде бір құжыра көресің бе?
Жалғыз көзі көрінер төбесінде.
Өзіне барған мақлұқ құр қайтпайды,
Жаны жоқ қимылдауға денесінде.Құдықтан су алу
Қария күркірейді көбік атып,
Әркім-ақ іздеп барар жүгін артып.
Дарияның ары-бері өткелі жоқ,
Біреуі келген емес тірі қайтып.Диірмен, бидай
Кішкене өзі, мың көзді.Оймақ
Жаһанда бір құс көрдім жалғыз аяқ,
Аузына тістегені темір таяқ.
Бір ұрсаң шапалақпен семіреді,
Белбеуі бар белінде жалғыз қабат.Ұршық
Дүниеде аты мәшһүр болған қымбат,
Ықшамды әдемілік сондай сымбат.
Мақсатың көңілдегі табылады,
Адамзат зор санайды етіп құрмет.Ақша
Санаты: Есеп және сауда туралы жұмбақтар
Бір атадан туыпты жиырма тоғыз баласы,
Бірлігінде бұлардың, ешкімнің жоқ таласы,
Бірігіп жүріп іс қылар, өзің ойлап қарашы.Жиырма тоғыз әріп
Қаздар бар жиырма тоғыз бірге туған,
Әлемнің былық басқан бетін жуған.
Қор болмайды, өмірде кем болмайды,
Туа салып анадан соны қуған.Жиырма тоғыз әріп
Жансызға жиырма тоғыз* болдым таныс,
Тамаша бір жүйрікпен қылдым жарыс.
Жансыз тұрып, жандының себебімен,
Аяғын басады екен шәркем шалыс.Жиырма тоғыз әріп
Бойлаған сайын тереңге,
Шығасың биік белеңге.Білім
Судан шығады,
Судан қорқады.Тұз
Санаты: Ас, тағам, азық-түлік жұмбақтары
Мыжғылаймын – жаны жоқ,
Кескілеймін – қаны жоқ.Қамыр
Санаты: Ас, тағам, азық-түлік жұмбақтары
Жер баспайтын аяғы,
Апамның ақ таяғы.
Жұдырықтай қамырды,
Жаулықтай ғып жаяды.Оқтау
Санаты: Ыдыс-аяқтар туралы жұмбақтар
Өзі кірден арылмас,
Ізінен кір табылмас.Сыпырғыш
Өзі жаңа,
Өзі тесік.Елеуіш
Санаты: Ыдыс-аяқтар туралы жұмбақтар
Кесе-кесе мұқалды,
Жони-жони жұқарды.Пышақ
Санаты: Ыдыс-аяқтар туралы жұмбақтар
Жайсам жамшыдай,
Жисам қамшыдай.Шымылдық
Қысы-жазы үйде тұрады,
Өзі мұзға ұқсайды.
Бетінде сәулесі бар,
Бұл жұмбағым кімге ұнайды.Айна
Санаты: Үй заттары туралы жұмбақтар
Екі егіз қарсы келді,
Арасына көк мұз түсе берді,
Біреуі жанды, біреуі жансыз.Айна
Санаты: Үй заттары туралы жұмбақтар
Керемет бір ит бар,
Үй бағады үрмейді.
Аяғы жоқ жүрмейді,
Көмейіне тықсаң сөйлейді,
Тілін адам біледі.
Рұқсатсыз ол иттен
Адам үйге кірмейді.Құлып
Әуелде шөп едім,
Жерде өскен көк едім.
Қолға түсіп қиылдым,
Он жерімнен буылдым.Ши
Өз елімде жеке едім,
Желкілдеген бек едім.
Мұнда келіп сайландым,
Қырық жерден байландым.Тоқылған ши
Бір нәрсе өзі білік, іші қуыс,
Ол заттың сүйегі көп айқыш-ұйқыш.
Көзі бар жарқыраған төбесінде,
Жайса үлкен, жиналғанда бір-ақ уыс.Киіз үй
Ауп дедім,
Ептедім,
Септедім,
Қара жерді түптедім.Киіз үй
Түбі мықты жаралған сегіз батыр,
Баяғыдан соғысып келе жатыр.
Кезек-кезек соғысып, жатып-тұрып,
Кім жығары белгісіз түбінде ақыр.Қыс пен жаз, күн мен түн, тақ пен жұп, жақсылық пен жамандық
Санаты: Табиғат туралы жұмбақтар
Әрбірінде отыздан бармағы бар,
Құтылмас ешбір адам мұнан қашып.Бір жыл
Санаты: Уақыт туралы жұмбақтар
Өзінен-өзі айналған бір диірмен,
Көрінеді әр парасы бір бүйірден.
Қылдан нәзік ішінде бір жібі бар,
Қолы епті екен шіркін-ай, кім иірген.Сағат
Санаты: Уақыт туралы жұмбақтар
Өзінен-өзі айналған бір диірмен,
Көрінеді әр парасы бір бүйірден.
Қылдан нәзік ішінде бір жібі бар,
Қолы епті екен шіркін-ай, кім иірген.Сағат
Санаты: Уақыт туралы жұмбақтар
Сүмбелі теректі,
Қызыл желекті.
Ерден қалмайды,
Жауда керек-ті.Найза
Көтеріліп қампияр қиыстырсаң,
Майдаланар қимылсыз жиыстырсаң.
Мұның да шешімі бар келісімді,
Ойланып ақылыңа сиыстырсаң.Адамның ойы
Бір дария жерде де емес, көкте де емес,
Болғанда түбі терең, аузы кемеш,
Ішіне ит түссе де арам емес.Адамның көзі
Атқа мінбейді, жаяу жүрмейді.
Күніне мың шақырым жерге,
Барып қайтып келеді.Көңіл
Бір таудың алпыс екі саласы бар,
Он екі жанында қаласы бар.
Бау-бақша, түрлі өсімдіктер,
Барлығын біліп тұрған анасы бар.Адамның алпыс екі тамыры, он екі мүшесі
Қолымда он жүзігім ал шығармай,
Бір бөрі мал жейді екен қан шығармай.
Төрт торы, екі сала жұмбағым бар,
Мұны тапқан мені алсын мал шығармай.Он тырнақ, ұстара, жылдың төрт мезгілі
- Абдраманов Арсланбек
- Абдраманов Арсланбек
- Абдраманов Арсланбек
- Абдраманов Арсланбек
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі