Кіру Тіркелу
Өлең, жыр, ақындар

Ұлағатты сөздер

• Ердің туы – намыс.
• Сен жаудан қашсаң, өмір сенен қашады.
• Ердің Еділ тобығынан келмейді.
• Жаныңнан күдер үзе соғыспасаң,
Жауды күйрете алмайсың
• Ерлік – ердің қасиеті, жүректілік - жігіттің қасиеті.
• Жауды өлтірсең - өлімнен құтылдың,
Өлтірмесең – өлімге тұтылдың.
• Атақ – ерге сауға, олжа – елге сауға, олжа елдікі, оған тимегін.
• Қырағының өзі де, көзі де батыр.
• Ерлік – елеусіз қалмас.
• Именіп жүріп көрген игіліктен, қарсыласып жүріп көрген бейнет артық.
• Арпалысып жүріп алған абырой – өмірдің еш шырын рахаты.
• Ерді ел үшін, жігітті жұрт үшін мақта.
• Ежелден ел тілегі – ер тірегі,
Адал ұл ер боп туса – ел тілегі.
• Екі сырттан қанға батып таласса,
Қарақұсқа жем болады.
• Қой бастаған арыстан тобынан, арыстан бастаған қой тобы артық.
• Командир – аға, солдат – іні.
• Айқаймен ала алмайсың,
Ақылмен, айламен алғын.
• Жан аямай тиіскеннен жау жалт бере жөнеледі.
• Айбындана шапқаннан ажал да сескенеді.
• Екі сөзді – ер емес, серт – ер серігі.
• Ту сыртыңнан түсірген дұшпанды торға түсір,
Өршеленген жаудың үнін өшір.
• Сабырлылық алдында дұшпан сасады,
Сабырсыздан береке қашады.
• Ер бақыты – ел қолында,
Ел бақыты – ерлер қолында.
• Өз қадірін білмеген – ер қадірін білмейді,
Ер қадірін білмеген – ел қадірін білмейді.
• Қорқақ – қаққа шөгіп өледі.
• Белдескеннің белін сындыр,
Тірескеннің тізесін бүктір.
Қайратыңа әдісіңді жолдас ет,
Әдісіңе ақылыңды жолдас ет.
• Әдіссіздік – әлсіздік,
Ептілік те - ерлік.
• Қара бет болып қашқанша,
Қайрат көрсетіп өлген артық!
• Таяқтан тайсалмасаң,
Семсерден сескенбесең,
Жеңдім дей бер.

Ілмектер: нақыл сөздер, Бауыржан Момышұлы, елдік Бауыржан Момышұлы

Тәрбиелеуде мұғалімнің өзінің не біліп, не істейтіні маңызды-ақ. Бірақ оның ықпалымен шәкірттерінің не біліп, не істейтіні онан да маңыздырақ. Мұғалімдер, міне, осынысымен бағаланады.

Ілмектер: Тәрбие, мұғалім, шәкірт, нақыл, афоризм Цицерон

Ұлтжандылықты ауаның деңгейіне көтерген үш халық болса, екеуі - француздар мен поляктар, екі халық болса - тағы сол екеуі. Ұлтшылдықпен тыныстау олар үшін табиғи нәрсе. Парижде қайтқан Шопеннің жүрегін Варшавадағы шіркеуге мирас қылғаны ұмыт қалмайды.

Ілмектер: Ұлтжандылық, нақыл, афоризм Асқар Сүлейменов

Тәуіптен ауырыңды жасырмағайсың.

Ілмектер: ауру, денсаулық, нақыл, афоризм Құтып

Мінез – жанның айнасы.

Ілмектер: мінез, жан, нақыл, афоризм Әл – Фараби

Өз шаруаларыңды өзгемен ақылдасу үшін, алдымен оның өзінің шаруаларымен қалай айналысып жатқанын қара.

Ілмектер: ақылдасу, нақыл, афоризм Сократ

Өмір - өзен, ағыс болып өтер-кетер,
Ойың қайық, сөзің ескек, білсең егер.
Өмір кезең - барын берер, жоғын нетер?
Жоғың - қиял, тәубә етпесең барға егер!

Ілмектер: Өмір - өзен Нұрлыхан Сейтханов

Жасында әдеп үйренбеген кісіден, өскен соң қайран жоқ.

Ілмектер: әдеп, нақыл, афоризм Саиф Сараи

Еңбектегі табыс - бұл табысқа жеткен адамның мақтанышы. Өз еңбегін мақтан тұтпаған нағыз адам бола алмайды.

Ілмектер: еңбек, табыс, мақтаныш, нақыл, афоризм Василий Сухомлинский

Білімді бір сауыттан екінші сауытқа құйғандай біреудің ділінен екінші біреудің діліне қотара салуға болмайды.

Ілмектер: білім, нақыл, афоризм Платон

Қит етсе болды америкалап шыға келетін аура етек алды. Бұл өзі мегежіннің інгенмен бой салыстырғанындай.

Ілмектер: Америка, нақыл, афоризм Асқар Сүлейменов

Әлемді өзгертпес бұрын, өзіңді өзгерт.

Ілмектер: әлем, нақыл, афоризм Сократ

Құлық пен сатқындық ептіліктің олқылығынан ғана хабар береді.

Ілмектер: сатқындық, ептілік, құлық, нақыл, афоризм Франсуа де Ларошфуко

Шад-шадыман күндерім,
Демедім бастан өтер ғой.
Дәурен өтіп, жас жатіл,
Замандас құрбы адамдар,
Азайып келіп ол бітті.
Көрген түстей бәрі де,
Көзімнен болды зым-зия.
Ағаш едің құрма өскен,
Ұршық болдың шуда өскен.
Бір қалыпта тұрмақ жоқ,
Шығармалық мұны естен.

Ілмектер: өмір, уақыт, нақыл, афоризм Шәңгерей Бөкеев

Бірлік түбі – зорлық.

Ілмектер: бірлік, зорлық, нақыл, афоризм Асқар Сүлейменов

Кесек атқанға - тас ат.

Ілмектер: нақыл, афоризм Құтып

Білімді болу деген – жаңалық ашуға қабілетті болу.

Ілмектер: білім, жаңалық, нақыл, афоризм Әл – Фараби

Ерлік тағдыр соққысын тәлкек етеді.

Ілмектер: ерлік, тағдыр, нақыл, афоризм Демокрит

Егер махаббат жайлы оның әдеттегі көріністеріне қарап пікір айтар болсақ, оның достықтан гөрі дұшпандыққа көп ұқсас екенін көрер едік.

Ілмектер: махаббат, достық, дұшпандық, нақыл, афоризм Франсуа де Ларошфуко

Бұл ғаламда тұзақты да, тұсау-тұсамысты да туабітті танымасқа жаралған біреу бар: ол – адам.

Ілмектер: адам, ғалам, нақыл, афоризм Асқар Сүлейменов

Жаңалықтар

Нақыл сөздер

Пікірлер