Кіру Тіркелу
Өлең, жыр, ақындар

Ұлағатты сөздер

Сұлулық жақсы. Бірақ адамның ең алдымен жаны сұлу болу керек. Сырты сұлу көз сусынын қандырғанмен, жаны жақсы болмаса, жан сусынын қандыра алмайды.

Ілмектер: адам туралы нақыл сөздер Сəкен Сейфуллин

Бақытты болғың келсе өз бақытың жəйлі ешкімге айтпа... Дəл солай биікке көтерілгің келсе мақсатың жəйлі ешкімге айтпа,қызғаныштан аяқтан шалатын жандар көп...

Ілмектер: адамзат Белгісіз

Бізді билегісі келгендерге тосқауыл болғаннан гөрі, олардың өзін билеген анағұрлым жеңілірек.

Ілмектер: билік, нақыл, афоризм Франсуа де Ларошфуко

Сөйлемдегі өмір мен сөйлемнің өмірі бірікпегесін – тірі тіркес тумайды. Өмірдің тамыр солқылы мен сөйлемнің тамыр солқылын лингвистикалық проза ғана қоса алады.

Ілмектер: сөйлем, проза, лингвистика, нақыл, афоризм Асқар Сүлейменов

Үйдің іргесі берік болсын десең - қабырғасын асықпай қала.

Ілмектер: үй, өсиет, нақыл, афоризм Құтып

Қазақ тілінен асыл, қазақ тілінен бай тіл жоқ. Сол ата-бабаның тілі болған қазақ тілін осы күнгі қазақтың жалғызы білмейді. Егер қазақ тілін білсе, дін де осында, ғылым-білім де осында. Солай болғаны үшін бұрынғы өткен ата-бабаларымыз бәрі жақсы болып, әулие болып өтті.

Ілмектер: қазақ тілі, тіл, нақыл, афоризм Мәшһүр Жүсіп Көпейұлы

Қазақ тілі бай, таза іргелі жұрт тілі деп бәріміз де айтамыз… Бірақ құр бай, таза деумен тіліміз өздігінен сақталып, әдебиетіміз өрбіп кете ала ма? Қай жұрттың тілі болса да түу басында біздікі секілді таза да, бай болған. Бірақ олар көрші жұрттардың сөзі қосыла-қосыла, жүре бұзылған. Біздің қазақ тілі бұрын ылғалсыз таза болса да, бұл кезде басқа жұрттармен араласа бастадық, басқа жұрттардың оқуын оқыдық… Бір жағы Бұхар, бір жағы Мекке, Медине, Стамбұлдардың да оқып қайтқандарымыз бар. Солардың бәрі елге ноғайшылап, арабшылап, сартшылап қайтып жүр. Бұлардың сөйлеген сөзінде, жазған хатында шет жұрттардың тілі аңқып тұр… Қазақ тілін сақтаймыз, балаларымызды қазақша болсын дегенде бұлардың бәрінің негізі “Тіл құралы” екенін ұмытпасқа керек

Ілмектер: тіл, қазақ тілі, тіл құрамы, нақыл, афоризм Міржақып Дулатұлы

Адамды қаралама,анығына көзің жетпей... Жұрттың сөзіне сене бермей,көзбен көргенге,құлақпен естігенге сен...

Ілмектер: адамзат Аяджан Майя

Бала – тапқандікі емес, бала – қаққан мен баққандікі.

Ілмектер: бала, нақыл, афоризм Асқар Сүлейменов

Екі бақсы бір үйге сыймайды.

Ілмектер: нақыл, афоризм, бақсы, үй Мырзатай Жолдасбеков

Ата-бабаларымыздың сана-сезімдерінің қалтарыстары аз болмаған.

Ілмектер: сана, сезім, нақыл, афоризм Олжас Сүлейменов

Оқыс сөз, одыраң мінез – үлгісі жоқ ұлдың, кер кеткен кыздың белгісі.

Ілмектер: сөз, мінез, нақыл, қыз, ұл, афоризм Ғабит Мүсірепов

Жоспар — білімді адамдардың арманы.

Ілмектер: жоспар, арман, адам Эрнст фон Фейхтерслебен

Кәміл болу қиын, бірақ ой қашады: халық – екі ұғымның құлы: кеткен мен келердің.

Ілмектер: Кәміл, халық, құл, ой Асқар Сүлейменов

Неге поэзия – тек сезімнің, ал ғылым – тек зерделіліктің көрінісі болуға тиіс? Ақылсыз адам шығарған өлең жолдары нақылға айналмайтыны хақ.

Ілмектер: поэзия, сезім, ғылым, ақыл, өлең, нақыл, зерде Олжас Сүлейменов

Түркі сөздерін қабылдауға әдетте орыс тілі бейім келеді. Дәл орыс тіліндегідей ешбір басқа тілде түркизмдер өз қалпында сақталмайды. Тіл мамандары моңғол тіліне енген түркизмдер адам танымастай болып өзгеріп кететінін айтады.

Ілмектер: тіл, түркизм, орыс тілі, моңғол тілі Олжас Сүлейменов

Біз XV ғасырда «қазақ» деген ел болып біріккенімізді Ұлытаудың көк тасына қашап басқан ру таңбаларымен куәландырған ел едік. Бірігеміз, бір ел боламыз деп анттасқанымыз да сол, конституциямыз да сол – тасқа басылған таңба!

Ілмектер: Қазақ, ел, Конституция Ғабит Мүсірепов

Менің тірлігім – үмітімде. Үмітім өз қолымда емес.

Ілмектер: үміт, тірлік Ғабит Мүсірепов

Тұрмыста асыра сілтеп жаратпай, үнемдеу, тұрмыс таршылығынан құтылуға себеп болады.

Ілмектер: тұрмыс, үнемдеу Ариф Ривагари

Пайда қуу – ойын шарты. Мүдделі болмасаң, ойынға да кірмейді.

Ілмектер: пайда, шарт, нақыл, ойын, афоризм Олжас Сүлейменов

Жаңалықтар

Нақыл сөздер

Пікірлер