Кішкентай ғана арық,
Іші тола балық.
Елу тентек тып-тыныш,
Бір сарайда жатады.
Тысқа шықса біреуі,
Жарқ етіп от шашады.
Бір қорада қамалған сансыз жануар,
Әрқайсысының басында тұрған панар.
Аңдаусызда сүйкеніп тиіп кетсе,
Тыз етіп сол жануар от боп жанар.
Кішкентай ғана сандығым,
Өмірге керек жабдығым.
Сандығыммен бітірем,
Керегімнің барлығын.
Тас таяқ қағысар да соғысар,
Ортасында бөдене, қырғи келіп қағысар.
Пеш ішінде отырмын,
Өзім шикі қотырмын,
Қотырыма тимеңдер,
Өлейін деп отырмын.
Болат жапырақ,
Батпан топырақ.
Көк көйлекті жеңешем
Көлбең-көлбең етеді,
Артындағы баласы
Елбең-елбең етеді.
Қарны жуан қампайған,
Серейіп бойы талтайған.
Ерте-кешке бір жазық,
Тапа-тал түсте жантайған.
Үй үстінде ақ аю билеп тұр.
Жұмбағым жұтылды,
Көкке қарай тұтылды.
Ана ауылдың бурасы,
Мына ауылдың бурасы,
Желкілдейді шудасы.
Көк итім көкке қарап ұлиды.
Көк өгізім жүреген,
Мүйізін көкке тіреген.
Көк лағым көлеңкеде сүйретіліп барады.
Ұзыннан ұзақ,
Көкке тұзақ,
Балапан жапырақ,
Батпан топырақ.
Атасы аяғын кигенше,
Ұлы базарға барып қайтар.
Шешесі мәсісін кигенше,
Қызы Мәскеуге барып қалды.
Ұзыннан ұзақ,
Көкке тұзақ.
Арқаға міндім, хан болдым,
Үйге келдім, құл болдым.
Отқа жандым, күл болдым.
- Асқар Сүлейменов
- Асқар Сүлейменов
- Асқар Сүлейменов
- Асқар Сүлейменов
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі