Кіру Тіркелу
Өлең, жыр, ақындар
  1. Негізгі бет
  2. Жұмбақтар
  3. Оқу жабдықтары,білім


Сағат сайын қағылады,
Тек мектептен табылады.

Қоңырау


Бар ойыңды жиямын,
Ақ қағазға құямын.

Сия


Тіл жоқ өзінде,
Сөзі бар ізінде.

Қаламсап


Ойларыңды аңсаған,
Асыл сөзді ақ алаңға,
Түсіруден шаршаған,
Мен емеспін әмәнда.

Қалам


Қысқа таяқ діңі бар,
Шиырлаған ізінде,
Сайрап тұрар тілі бар.

Қарындаш


Кішкене құдықтан,
Найза ұшты шыбығым,
Су ішіп құныққан.

Сиясауыт


Ақыл-ойдың шырағы,
Зәулім көктей шынары.
Биігіне бойлаған,
Қанбайды адам құмары.

Білім


Білімнен мол сый-асы,
Балғындардың ұясы.

Мектеп


Бір патша, екі уәзір бек байланды,
Әрқашан он батырды жауға алдайды.
Құдыққа жіпсіз салып бір адамды,
Бесеуі шығаруға ондайланды.

Қол, екі көз, он саусақ, қалам, дәуіт


Үйіне мәңгі қайтпайтын,
Қонақтар түнде келеді.
Іздесе адам таппайтын,
Жаңалық айтып беретін.

Газет-журнал


Әкеміз Ормамбет хан, біз немере,
Ойласаң ойға түсер әрбір неме.
Адамға тілсіз, жайсыз сөйлеседі,
Қолы жоқ, аяғы жоқ ол немене?

Хат


Бір мақұлық бар тілі жоқ,
Сөйлегенде міні жоқ.

Хат


Аяғы жоқ жүреді,
Аузы жоқ сөйлейді.

Хат


Алыстан үйде отырып, алдым хабар,
Формалап әрбір жерді бояу жағар,
Айлықпен анда-санда барған деп,
Тоқтамастан тана тағар.

Хат


Болғанда айналасы, түсі қара,
Ілулі көпшілікке тұрған жаңа.
Бірде бар, бірде жоқ боп құбылып тұр,
Ақылым жете алмай жүр буған жаңа.

Карта, тақта


Бір сирағы біз,
Бір сирағы салады із.

Циркуль


Жер көрдім қаласы бар,
Үйлері жоқ мекендейтін.
Көп көрдім, өзен көрдім,
Сулары жоқ тереңдейтін.

Карта


Бір нәрсе бетінде жоқ ой менен қыр,
Өзінің кіндігінен айналып жүр.
Өзіне назар салып қарасаңыз,
Келбеті жер жүзінің көрініп тұр.

Глобус


Ақ жерде қара тары,
Кім шашса сол орады.

Жазу


Ақ тақырда қара тұқым себілген,
О тұқымнан білім дәні егілген.

Жазу

Жаңалықтар

Жұмбақ бөлімдері

Нақыл сөздер

Пікірлер