Кіру Тіркелу
Өлең, жыр, ақындар
  1. Негізгі бет
  2. Жұмбақтар


Ақ отаудың есігі де жоқ,
Тесігі де жоқ.

Жұмыртқа


Ұрмай-соқпай жылатады,
Әркiм бiрақ ұнатады.

Пияз


Қос басы жұмыр,
Жiңiшке құбыр,
Iшiне жиған,
Дәмi де шымыр.

Жiлiк майы


Мұз сынды түрi,
Тәттi дәмнiң бiрi.

Науат


Әжем уыстап сығып,
Далада кептiрген.
Қатты әрi тәттi дәмiн,
Кiм бар жеп көрген?

Құрт


Тобатайға құртымдай,
Жаз бойы бiр тынбай.
Жинаған гүл сөлiн,
Не?
Бiлсең, айтшы өзiң?

Араның балы


Өзi ащы,
Бiрақ,
Дәмдi етер асты.

Тұз


Шиге жайып кептірген,
Өзі қышқыл, түсі ақ,
Сорсаң дәмді, түсі ақ,
Жаңғақтай-ақ домалақ.

Құрт


Пішінді бірдей 4 бөлікке бөліңіз



Саусақ ізінде ненің суреті бар?

Иттің суреті бар


Суретте неше сіріңке бар?

7,5


Санды табыңыз

18


Кесе, шыны, пиала –
Оларсыз шай құяма?
Қасықсыз тамақ жемейді,
Бәрінің атын не дейді?

Ыдыс


Қара сиырым қарап тұр,
Қызыл сиырыс жалап тұр.

Қазан, от


Терi құдық қауғасын,
Тарттым да,
Қанып iштiм дәмдi асын.

Саба


Құлағы бар қалқиған,
Аузы бар аңқиған.
Шығып алып ерте-кеш,
Төрт аяққа талтиған,
Қыздырады жалынға
Дәу қарынын қампиған.

Қазан


Көлшiкте жүзiп
Түбiн шарлап шығады.
Қауғасы сүңгiп,
Балығын аулап шығады.

Кепсер


Күмiс күбi –
Ортасында құбыры бар,
Тесiк түбi.

Самаурын


Аузы төбесiнде,
Тұтқасы денесiнде.

Құман


Отқа қойсаң елпiлдеп,
Быж-быж етiп тұншығар.
Тақиясы селкiлдеп,
Танауынан бу шығар.

Шәйнек

Жұмбақ бөлімдері

Нақыл сөздер