Жер астында жез қазық,
Жеуге болар ас қазық.
Жер астында қызыл қыз отыр.
Жер астында темір қазық.
Әңкүр-мәңкүр әкесі бар,
Жайлы шыбық шешесі бар.
Сұлу бикеш қызы бар,
Арамзада ұлы бар.
Болат жапырақ шешесі бар,
Тәтті бике қызы бар,
Тастай қатты баласы бар.
Сары қапта бір қап ұн,
Ұн ішінде бір ұстұн.
Сырты қызыл, іші ақ,
Ортасында бір таяқ.
Гүлсіз миуа піседі,
Көп жесең тіл жарады.
Ай сияқты дөңгелек,
Бұны кім табады?
Әрі қызыл, әрі тәтті,
Татқан жанды таңырқатты.
Түсі бар ақты, көкті, қызыл ала,
Пайдасы адамзатқа тиген жаңа.
Қойыпты ортасына қазық қағып,
Сүйкімді көреді екен бала-шаға.
Отырған мекен етіп жапан дала,
Бір талай мақұлыққа болған ана.
Мезгілі жеткен шақта жүкті болып,
Алты айда табады екен сансыз бала.
Аспай піскен,
Қайнамай түскен.
Азар, азар кетті,
Әкесі мазар кетті,
Баласы базар кетті.
Қыста-мазар,
Жазда-базар.
Бұты, бұты ұзын,
Бұтынан да қолы ұзын.
Бір анадан жүз бала,
Жүзі де боз бала.
Атасы бүкір қожа,
Анасы жайма шелпек.
Баласы шырын, шекер,
Бір сабақта ғұж-ғұж жентек.
Арбайған әкесі бар,
Тарбайған шешесі бар.
Ирек-ирек әкесі бар,
Желбіреген шешесі бар,
Тәттібике деген қызы бар.
Біз, біз, біз едік,
Біз де бір топ қыз едік.
Бізді бізіп қойды,
Бір жіпке тізіп қойды.
-
-
-
-
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі