Арбиған әкесі бар,
Тарбиған шешесі бар.
Қозғалмай бір орнында қарап тұрар,
Адамның қажетіне жарап тұрар.
Қаншалық жәбір көрсе, сабыр етіп,
Және де көбеймекке талап қылар.
Басына үлпүлдетіп таққан шашақ,
Бұралып тал шыбықтай тұрған жасап.
Пісетін кезі дәл Күзде
Мезгілсіз оны үзбе.
Аузыңнан кетпес бал дәмі
Оның аты...
Қария күркірейді көбік атып,
Әркім-ақ іздеп барар жүгін артып.
Дарияның ары-бері өткелі жоқ,
Біреуі келген емес тірі қайтып.
Сырты қызыл, іші ақ,
Қалады ерте пісіп-ақ.
Қатты тас.
Ортасында –
Тәтті ас.
Қыр үстінде қолшатыр,
Асқа айналған сол батыр.
Көктемде ол бір еді,
Күзде мың боп түледі.
Таңертең де, түсте де
Күнге бетін бұрады.
Тостағанын кішкене
Тосады да тұрады.
Елдің сүйер егісі,
Жер астында жемісі.
Көктемде бір еді.
Күзде мың боп түледі.
Төбесінде шашағы,
Кеудесінде масағы.
Іші қызыл, сырты көк,
Ала жаздай үрдім доп.
Іші жұмсақ, сырты қатты,
Еті қызыл, сүті тәтті.
Соғым үшін сайлап қойдым,
Бордақылап байлап қойдым.
Кіргенде ініне сыңар-ды,
Ұрпағын ертіп ол шығарды.
Көйлек, бешпет, халат та
Киген екен қабаттап.
Ақырында июннің
Терлеп, жанып-күйгесін,
Үстегі бар киімнің
Қойды ағытып түймесін.
Ешкім де жемейді,
Тәтті екен демейді,
Сарғайып піседі,
Үзіліп түседі.
Көктемде ақ гүлге оранады,
Күзде қолға доп боп оралады.
Бақшада піседі
Көп өнім береді.
-
-
-
-
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі