Қонақтап күнде келер су бетіне,
Пар келмес гауһар заты келбетіне.
Сәулесі су жүзінде дірілдейді,
Тамаша қарап тұрсаң суретіне.
Жабықта жарты нан.
Кішкентай нан барша ғаламға жетеді.
Күндіз әйнегі сынады,
Түнде орнында тұрады.
Айдаһар күндіз жатып, түнде шығар,
Қаһарлы қалыбына әркім құмар,
Болыпты туғаннан-ақ күнмен талас,
Күнді көрсе айдаһардың жүзі солар.
Керегенің басында кепкен бауыр,
Кесіп алса таусылмас неткен бауыр?!
Көп моншақ ішінде бір түйір қалам.
Көлде жүрген ақ үйрек,
Түнде бар да, күндіз жоқ.
Үй астында ақ тоқым.
Жабық астында жарты күлше.
Төсек астында жарты нан.
Ақырған айдаһардай арыстаным,
Айтысып тағы жұмбақ қалыспағын.
Екі өркеш, жеті башпай жұмбағым бар,
Осыны ойламай тап, данышпаным.
Қарындасы қонаға
Ағасын іздеп келгенде,
Ағасы қашып кетеді,
Үйден шығып бір жерге.
Ғажайып сылақтаған бір арғымақ,
Бірі алтын, бірі күміс екі құлақ,
Болғанда жеті әйелмен аямай-ақ.
Көк жүзіне қарасаң, төбеңде тұрады,
Көл бетіне қарасаң, төменде тұрады.
Керегенің басында кепкен жаулық,
Кет десем де кетпейді, неткен жаулық?
Ақ сандығым ашылды,
Қызарып жалын шашылды.
Ақ сандығым ашылды,
Ішінен дүрлер шашылды.
Ұзын-ұзын сырғанақ ,
Ұшығына кім жетер?
Асыл бесік күйкентай,
Жұмыртқасын кім табар?
Аспанда бір айна бар,
Әлемді көріп айналар.
- Асқар Сүлейменов
- Асқар Сүлейменов
- Асқар Сүлейменов
- Асқар Сүлейменов
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі