Оқу жабдықтары, оқу құралдары, білім жұмбақтары – 3-бет
Зыр жүгірген шегенің
Ізін қуып келемін.
Сол із менің өзімнің
Сырымды айтып береді.
Сулары жоқ, –
Көлдері бар.
Үйлері жоқ, –
Елдері бар.
Тастары жоқ, –
Таулары бар.
Қарбыздай-ақ
Аумағы бар.
Қабырғада қиық тұр,
Жер жүзі оған сыйып тұр.
Жүрісі кейде жылдам, кейде шабан,
Мұрнында тесігі бар ине табан.
Азығын шайнамайды тек жұтады,
Ақ дала сусындайды шөлдесе онан.
Ағаштан киген тоны бар,
Пышақпен ұшын жонып ал.
Ақ қағаздың бетіне,
Иректеп салған жолы бар.
Алты қырлы,
Бiр сырлы.
Төркінін танысаң,
Жақ аштырмайды.
Танымасаң жарастырмайды.
Айғағы жоқ,
Айтары көп
Айтқанынан
Қайтары жоқ.
Дауысы жоқ, тілі жоқ.
Сөйлеп кетсе, міні жоқ.
Бойлаған сайын тереңге,
Шығасың биік белеңге.
Бір шыққан соң орнына қайтып кірмес,
Қай жақтан келерін де адам білмес.
Азаттығы сонымен дүниенің,
Онсыз тірі ешкім де дәуір сүрмес.
Тыста – арқаңдамын,
Сыныпта – партаңдамын.
Бір зат бар тілі жоқ,
Ал, сөзінде міні жоқ.
Үнсіз тілдесесің,
Өзімен күнде өсесің.
Қате жазсаң,
Өшіремін.
Бар міндетім –
Осы менің.
Сүйегіңнен өтеді,
Жүрегіңе жетеді.
Yнciз тілдесесің,
Өзімен күнде өсесің.
Пышақпен ұштала береді,
Бойы қысқара береді.
Қабат-қабат, қабат-қабат ағаш үй.
Әйнектелген, лакталған тамаша үй.
Тұрады онда әр дәуірдің адамы,
Тұтпайды оны адамның тек наданы.
Мұрнын басса, жабыла сап,
Ернін басса, ашылады,
Ол жоқ жерде, бақыласақ,
Жеті аспабың шашылады.
Әрі итерсең аунайды,
Бері итерсең аунайды.
Түрі-түсі түгелдей
Анасынан аумайды.
Жез қораның ішінде
Темір құлын кісінеп,
Қайта келіп ісіне
Кіріседі кісі көп.
Есігі бар төбесінде,
Отырасың келесің де.
Дүниеге тұмсықсыз-ақ келеді,
Дегенменен тұмсығынан еледі.
Жоқ өзінде бас та,
Қас та,
Мойын да.
Ұзындығы жазулы тұр бойында.
Құдығымды қапқа салып,
Бірге өзіммен жүрем алып.
Сәйгүлігім әлсін-әлсін
Су ішеді аузын малып.
Білерімнің куәсі,
Білмесімнің куәсі.
Іші толған қолтаңба,
Алып шығам әр таңда.
Қалтамда өмір сүреді,
Қанға толы жүрегі.
Аяғынан тұрмайды,
Төбесімен жүреді.
Жылжытады алға бізді,
Жылжымайды бірақ өзі.
Жай көзге көрінбейді
Қозғалуға ерінбейді.
- Уильям Шекспир
- Лев Шестов
- Лев Шестов
- Лев Шестов
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі