Кіру Тіркелу
Өлең, жыр, ақындар
  1. Негізгі бет
  2. Жұмбақтар


Аяғы жоқ, қолы жоқ,
Бiрақ тыныш тұрмайды.
Сақтамасаң – қорын тек,
Барша тiрлiк құрайды.

Су


Күннiң көзi түйiлдi,
Көкте бұлт үйiрiлдi.
Сұйық моншақ шашылып,
Жерге нәр боп құйылды.

Тамшы


Көктемде
Дүр сiлкiндi өзен ағынды.
Деп-демде
Шытынап шынысы
Төменге ағылды.

Сел


Қызыл құмда көл жатыр,
Шымылдықтай шайқалып.
Бұдан аумас ол тақыр,
Көлбейдi тек жайқалып,
Ұстай алмас қол батыр,
Желмен кетер найәалып.

Сағым


Еш тесiкке тұрмайды,
Ол жоқта жер құрғайды.

Су


Алдымда тұрды ақ түбiт,
Бiрақ ұстай алмадым,
Жүгiрiп барып аптығып.

Сағым


Аспан түйдi қабағын,
Сұр пердесiн кердi де,
Жапты жердiң танабын.

Тұман


Сұрғылт түтiн,
Бүркесе маңайды,
Адастырар талайды.

Тұман


Дауысыңды қайталап жырақта,
Айнытпай жеткiзер құлаққа.

Жаңғырық


Айтқаныңды айнытпай,
Қайталайды өзiңе
Тiл қатқанмен қаймықпай,
Көрiнбейдi көзiңе.

Жаңғырық


Жиегiне шатырдың
Судан шеге қатырдым.

Сүңгi


Мұхитта дәу бiр –
Қалқып тау тұр.

Айсберг


Мұхиттардың ортасында
Аппақ тау бар, түк өспейдi
Жер шарының картасында,
Оған еш шың теңеспейдi.

Айсберг


Жалтырайды сайда,
Сынбайтын айна.

Мұзойнақ


Қыста шыны боп қатады,
Жылыда су боп жатады.

Мұз


Суда қалқиды,
Жылыда балқиды.

Мұз


Қыс бойы бiз коньки тепкенде,
Айдынның мөп мөлдiр көгiлдiр
Тозбаған көрпесi,
Көктемде
Бiр күнде-ақ бой-бой боп сөгiлдi.

Мұз


Көлдiң бетi көк әйнек,
Сырғанауға, тым әйбет!

Мұз


Мүлгiп тұрған бақ тыныш,
Ораныпты ақ күмiс.

Қырау


Қолы мен қаламы жоқ,
Бiрақ сурет салады көп.

Аяз

Жұмбақ бөлімдері

Нақыл сөздер