Кіру Тіркелу
Өлең, жыр, ақындар
  1. Негізгі бет
  2. Жұмбақтар


Менің үш көзім бар,
Бір көзім «кідір» дейді,
Бір көзім «жүгір» дейді,
Бір көзім «абайла» дейді,
«Қарап ал маңдайға!» - дейді.

Бағдаршам


Басында мүйізі бар,
Үстінде киізі бар.

Сиыр


Өзінше ноян
Қорқақ кім?

Қоян


Үш тілі бар,
Тықылдаған үні бар

Сағат


Тонын киіп туған,
Жалап бетін жуған.

Мысық


Қаңғырамын үйім жоқ,
Ауылдардың қойы көп.
Ұрлық,зорлық кәсібім,
Тамақтанар-нәсібім.

Қасқыр


Мамықтай жұмсақ болады,
Ұстасаң қолың тонады.

Қар


Жазда жатсаң - көлеңкесіне алады,
Қыста жақсаң – жаның рахат табады.

Ағаш


Дөңгелек пішінді шелпекті пышақпен 3 рет түзу кесу арқылы 8 бірдей бөлікке бөле аласыз ба?

Шелпекті ортадан теңдей етіп бір бөлеміз. Кейін перпендикулярынан тағы бір бөлеміз, сонда бізде теңдей төрт бөлік пайда болды. Осы төрт бөлікті бір-бірінің үстіне қойып орта тұстан тағы бір кессек теңдей сегіз бөлікке бөлінген болады.


Екі бүтін сан табыңыз олардың көбейтіндісі бірлік сан, ал қосындысы ондық сан болсын.

1 және 9


Жұлдыздай жарқырайды,
Күндіз бірақ байқалмайды.

Ай


Күрең қызыл түсi бар,
Тағамдардың асылы.
Қуат берер күшi бар.

Таба нан


Алға жайып тұз-дәмiн,
Келтiредi үй сәнiн.
Ол халқымның ақ жаны,
Жақсы дәстүр маржаны,
Кеңпейiл де арайлы,
Осы жерден тарайды.

Дастархан


Ұранды, шаттықты,
Өкiнiш, аптықты,
Бiлдiрiп ойын талайдың,
Шарға ине қадаймын.

Лептi сөйлем


Ойды аяқтап орақ тұрады,
Жауап сөз қалап тұрады.

Сұраулы сөйлем


Сөздi құрап, доп тiземiн,
Қоя салсаң бiр тары,
Жаңалықты жеткiземiн.

Хабарлы сөйлем


Ойды аяқтап қорытады,
Соңында доп тұрады.

Сөйлем


Мектептiң алтын орағы,
Зейiндiлер одағы.
Жақсы көрер бар бала,
Зерекке дос ол дағы.

Бестік


Жалқаумен бiр жүретiн,
Құдды қармақ iлетiн.
Жоламайды зерекке,
Сабақтарын бiлетiн.

Екілік


Шәкiрт кездегi,
Бiлiмнiң безбенi.

Баға

Жұмбақ бөлімдері

Нақыл сөздер