Кіру Тіркелу
Өлең, жыр, ақындар
  1. Негізгі бет
  2. Жұмбақтар


Жер бетінің едәуір бөлігін су алып жатқандығы белгілі. Қолыңызда бүкіл беттік өлшемдері дұрыс көрсетілген дүние жүзілік карта бар. Ешқандай күрделі есептерге жүгінбей құрлықтар мен мұхиттардың пропорциясын қалай табуға болады?

Қайшымен құрлықтарды және аралдарды кесіп таразыға тарту керек. Суларды көрстететін көк түсті бөліктерді де таразыға тартып екеуінің пропорциясын шығарсақ шамамен 71 % су шығуы тиіс.


Стол үстіне қағаз майлық (салфетка) қойып, оның үстне стаканды төңкеріп қойыңыз. Стаканды құлатпастан және қолыңызды cтаканға тигізбестен қағаз майлықы ала аласыз ба?

Столды ақырын ұра бастаңыз! Стакан секірген сайын қағаз майлықты ақырындап суыра беріңіз!


Автокөлігіңіздің артқы орындарында балаңыз отыр. Қолында газ толы шар бар. Бала шардың жібін шар төбеге тимейтіндей етіп ұстап отыр. Бүкіл терезелер жабық. Солға бұрылып жатырсыз. Шар солға кете ме, оңға кете ме, әлде ортада қала ма, немесе басқа әрекет жасай ма?

Шар солға кетеді. Ауа шардың ішіндегі газдан ауыр. Сол себепті автокөлік солға бұрылған кезде ауа оңға қарай ығысады да, шарды солға қарай итереді.


Қолымызда екі жұмыртқа бар. Біреуі піскен, біреуі шикі. Қайсысының піскен екендігін, ал қайсысының шикі екендігін қалай анықтауға болады?

Жұмыртқаны стол үстіне қойып қолыңызбен айналдырыңыз. Шикі жұмыртқа айналмайды, яғни бір-екі айналып тоқтайды. Ал піскен жұмыртқа жылдам әрі ұзақ уақыт айналады.


Арқаңызбен толықтай дуалға сүйеніп түрегеп тұрыңыз. Аяқ ұшынан (бармақтардан) 15 см алдына сіріңке құтысын қойыңыз. Енді сол құтыны аяқтарыңызды (тізені) бүкпей еңкейіп алып көріңіз. Алайда ала алмайсыз. Мұның себебі неде?

Еңкейгенде ауырлық центрі алға жылжиды. Сондықтан тізені бүкпей сіріңкені көтеру мүмкін болмайды. Жалпы жерден ауыр зат көтеретін кезде тізені бүкпей көтеру белге салмақ түсіреді. Бұл зиянды болып табылады. Жерден ауыр зат көтеретін кезде тізені бүгіп барып көтеру керек.


Еңкейіп барып
Асап алады.
Шалқайып қалып
Шаша салады

Экскаватор


Көкшіл айна үйдегі,
Көрсетеді киноны.

Теледидар


Бес жолмен жүреді,
Бар әуенді біледі.

Нота


"Қ"-дан бастап, аяқтасаң,
Бес әріпті думанмын.
"Қ" орнына "с" қойсаң,
Нүктелерді қосамын.

Қызық - сызық


Құлып аузын ашатын да,
Жабатын да құралмын.
Бірақ қазір бұл жерде мен
Музыка әлемін ашамын.

Скрипка кілті


Шана зырғып желетін,
Коньки, шаңғы тебетін.
Аққала жасап ойнайтын,
Қай мезгіл деп ойлайсың?

Қыс


Таяқшамен жіңішке сермеп қалса,
Сахна толған оркестр әнге басар.
Сиқыршы да емес ол, емес жонглер,
Ендеше кім, білсең айт,
Ол...

Дирижер


Боз арғымақ, аузы жоқ,
Мұрны жоқ - екі құлақ,
Белінде белбеуі бар бунақ-бунақ.
"Шу" деп, саусақпенен шертіп қалсаң,
Шабады жүйрік әуен тулап-тулап.

Домбыра


Жиын-терін болатын,
Қамбаға астық толатын.
"Қызыл қырман" ойнайтын
Қай мезгіл деп ойлайсың?

Күз


Жез күркенің ішінде
Қара құлын кісінер.

Қоңырау


Бір құлағы сөйлесе,
Бір құлағы тыңдайды.
Білсең айтшы ендеше,
Жұрт не дейді мұндайды?

Телефон


Күмiс алмұрт тiлi бар,
Сыңғырлаған үнi бар.
Шақыратын бiлiмге,
Сағаты бар, күнi бар.

Қоңырау


Бар ойынды жиямын,
Ақ қағазға құямын.

Сия


Тiл жоқ өзiнде,
Сөзi бар iзiнде.

Қаламсап


Ойларынды аңсаған,
Асыл сөздi ақ алаңға,
Түсiруден шаршаған,
Мен емеспiн әмәнда.

Қалам

Жаңалықтар

Жұмбақ бөлімдері

Нақыл сөздер

Пікірлер