Кіру Тіркелу
Өлең, жыр, ақындар
  1. Негізгі бет
  2. Жұмбақтар


Сымға жалғанып,
Сыммен бойлайды:
Ол келсе шам жанып,
Үй іші жайнайды.

Электр тогы


Тұмсығы – қалақ,
Тұрмайды қарап:
Тау-тасты қопарады,
Бұл не деп аталады?

Бульдозер


Темір сирақты
Алып жирафты
Бәрі біледі,
Үй сап береді.

Көтергіш кран


Жалы – темір,
Жолы – темір
Темір атты
Зымыраттым.

Трамвай


Төбедегі сылдырмақ
Төмен түсті құлдырап.
Сылдыр-сылдыр сылдырмақ
Сынып қалды сыңғырап.

Сүңгі


Жүргіздім бұл үйімді,
Жүйткісе, жұрт сүйінді:
Бар жолмен жұртты тасып жүр,
Жылдамдыққа басып жүр.

Автобус


Самұрық құс самғады.
Көктен өтіп,
Айға жетіп,
Жеңілдеді салмағы.

Космос кораблі


«А» мен «қ»-ның арасы,
Бір-ақ әріп, санашы!
Онсыз аттап жүре алмас,
Адамзаттың баласы.

Аяқ


Балада бар,
Данада жоқ.
Бабада бар,
Ағада жоқ.

Б


Саңлақта бар,
Салмақта жоқ.
Қаңбақта бар,
Қалмақта жоқ.

Ң


Нарда бар,
Малда жоқ.
Нанда бар,
Қарда жоқ.

Н


Басы «ш» мен басталып,
Жалғанады «е» менен.
Қайталасаң осыны,
Болар сенің неменең?

Шеше


Басы да «а», соңы да «а»,
Оқығандар ұғады.
Ортасына не қоссаң,
Ата болып шығады?

Т


Айдын суда жалтыр,
Құлаштап жүзіп малтыр.

Жүзгіш


Аузында ауы бар,
Суда жүзеді.
Балық сүзеді,
Бұл қандай құс?
Тауып ал!

Бірқазан


Қара үңгірде қара тас,
Жанғанда бетті қаратпас.

Көмір


Үш кіші ішік піштім,
Бес үлкен ішік піштім.
Неше кіші ішік піштім?

3 кіші ішік піштім


Он көзі бар өзінде,
Он саны бар көзінде.
Көзіне саусақ саласың,
Жырақтан хабар аласың.

Бұрамасы бар телефон


Көлемді, үлкен, алып аузын ашып,
Жүреді он екі аяқ қадам басып.
Әр бірінде отыздан бармағы бар,
Құтылмас ешбір адам одан қашып.

Жыл, он екі ай


Екі тышқан бірлесіп кесіп-пішіп береді,
Екеуі бірге жүрмесе,жоқ қой бізге керегі.

Қайшы

Жаңалықтар

Жұмбақ бөлімдері

Нақыл сөздер

Пікірлер