Кіру Тіркелу
Корейская косметика премиум класса
  1. Негізгі бет
  2. Жұмбақтар


Қабырғасы шойыннан,
Омыртқасы шойыннан
Жылыту үшін бөлмені
Үй ішіне қойылған.

Жылу батареясы


Көннен түбі, қақпағы,
Қаудырай ма, нетеді?
Екі жеңіл тоқпағы
Ербең-ербең етеді.

Барабан


Ас бөлмеде тұрағы,
Алған демі суық-ақ.
Ішін тартып тұрады
Ішек-қарны шұрылдап.

Тоңазытқыш


Бұлт емес, жел емес, –
Бұлттан бір кем емес:
Төгіп өтсе нөсерді,
Егін жайнап өседі.

Жаңбырлатқыш


Ғажап көпір аспалы
Айшықтап тұр аспанды.

Кемпірқосақ


Еңбегі бапты,
Емгені тәтті.
Өмірлік нәрін
Гүлдерден тапты.

Бал арасы


Жолдардың торабын,
Абайлап қарағын,
Әйгілеп үш сөзді,
Бір дәу тұр үш көзді.
Оған жас-кәріміз –
Бағындық бәріміз.

Бағдаршам


Сымға жалғанып,
Сыммен бойлайды:
Ол келсе шам жанып,
Үй іші жайнайды.

Электр тогы


Тұмсығы – қалақ,
Тұрмайды қарап:
Тау-тасты қопарады,
Бұл не деп аталады?

Бульдозер


Темір сирақты
Алып жирафты
Бәрі біледі,
Үй сап береді.

Көтергіш кран


Жалы – темір,
Жолы – темір
Темір атты
Зымыраттым.

Трамвай


Төбедегі сылдырмақ
Төмен түсті құлдырап.
Сылдыр-сылдыр сылдырмақ
Сынып қалды сыңғырап.

Сүңгі


Жүргіздім бұл үйімді,
Жүйткісе, жұрт сүйінді:
Бар жолмен жұртты тасып жүр,
Жылдамдыққа басып жүр.

Автобус


Самұрық құс самғады.
Көктен өтіп,
Айға жетіп,
Жеңілдеді салмағы.

Космос кораблі


«А» мен «қ»-ның арасы,
Бір-ақ әріп, санашы!
Онсыз аттап жүре алмас,
Адамзаттың баласы.

Аяқ


Балада бар,
Данада жоқ.
Бабада бар,
Ағада жоқ.

Б


Саңлақта бар,
Салмақта жоқ.
Қаңбақта бар,
Қалмақта жоқ.

Ң


Нарда бар,
Малда жоқ.
Нанда бар,
Қарда жоқ.

Н


Басы «ш» мен басталып,
Жалғанады «е» менен.
Қайталасаң осыны,
Болар сенің неменең?

Шеше


Басы да «а», соңы да «а»,
Оқығандар ұғады.
Ортасына не қоссаң,
Ата болып шығады?

Т

Жаңалықтар

Жұмбақ бөлімдері

Нақыл сөздер