Кіру Тіркелу
Өлең, жыр, ақындар
  1. Негізгі бет
  2. Жұмбақтар


Бес қаруы белінде
Самғап жүреді көгімде.

Бүркіт


Жасыл ала дөңгелек,
Бақшада жатыр дөңгелеп.

Қарбыз


Ызақор бұғып жатыр,
Сақалы шығып жатыр.

Жуа


Көп болса алыстайсың мезетпен қашықтайсың
Асықсаң аз болады
Табасың мұны қайсысың?

Уақыт


Жердің жүзін шарлайсың
Онсыз еш жерге бармайсың
Көлікпен де, жаяу да
Саралайсың, таңдайсың.

Жол


Бір нәрсе өзі молда, өзі жорға,
Құрады жібек ауды оң мен солға.
Тартқанда машинасын оң мен солға,
Табады қаражатын сонда зорға.

Өрмекші


Сыртылдайды шәйнегін
Ұнатпаса да жұрт мейлі
Терезенің әйнегін
Жуады бірақ сүртпейді.

Жаңбыр


Төрт аяғы дөңгелек
Қозғалады орнынан,
Жүреді ол дөңгелеп,
Жүйіткиді желменен,
Дауысы бар гүрілдек.

Машина


Басында айдары бар,
Иегінде сақалы бар.

Әтеш


Екі құлағы мен бір аузы
Мықты қолы бар,
Су құясың, топырақ саласың,
Оған риза боласың.

Шелек


Сөйлеуді ол білмейді,
Бірақ: «Тоқта!» «Жүр!» – дейді.

Бағдаршам


Суға батпайды,
Отқа жанбайды.

Мұз


Төрт аяқты чемодан,
Мүйізі бар қадаған
Естімейді, сөйлейді,
Ішіндегі көп адам.

Теледидар


Қысы-жазы өзгермес,
Көрсең де күні-түнімен.
Қанша аяз болса да,
Айрылмайды гүлінен.

Шырша


Жеп көріп ем өзін мен,
Жас шығарды көзімнен.

Пияз


Сіздің ойыңызша қызғылт сары шеңберлердің қайсы үлкен?

Оң жақтағы үлкен болып көрінгенімен екеуі бірдей.


Өзеннің бір жағасында 10 метр, арғы жағасында 15 метр биіктікте екі ағаш тұр. Екі ағаштың төбесінде бір-бір құстан қонып тұр. Өзеннің ені 25 метр. Екі құс бір уақытта өзенде жүзіп жүрген бір балықты көріп, тез ұшып балыққа бірдей уақытта жетіп барады. Құстардың жылдамдығы тең болуына қарағанда, балық ұзын ағаштың түбінен қанша метр қашықтықта жүзіп жүр?

Құстар бірдей уақытта жетіп барған болса, барған жолдары тең деген сөз, яғни гипотенузалары тең. Пифагор теоремасы бойынша 102 + (25-х)2 = 152 + х2 теңдігі жазылады. Бұл теңдіктен х=10 шығады.


Теңіздің түбінен, салмағы бірдей және судан жеңіл болған және бірінің диаметрі екіншісінен екі есе үлкен болған екі доп жіберілсе, қай доп судың бетіне бірінші шығады?

Судың жоғары көтеру күші – заттың көлеміндей судың салмағымен заттың салмағының айырмасына тең. Осы себепті үлкен допты көтеретін күш көп болатындықтан су бетіне бірінші болып үлкен доп шығады.


Атамыздың туылған жылын сұраған едік. Туылған жылын 131-ге бөлсе 112, 132-ге бөлсе 98 шығады деді, атамыз қай жылы туылды?

1946 жыл


Төмендегі теңдеудің сол жағындағы 6-лардың арасына +, -, х, :, (қосу, алу, көбейту, бөлу) таңбаларын қойып, қажет болса жақша қолданып оң жағындағы нәтижені шығара аласыз ба?
6 6 6 6 = 5
6 6 6 6 = 6
6 6 6 6 = 8
6 6 6 6 = 24
6 6 6 6 = 30
6 6 6 6 = 48
6 6 6 6 = 66
6 6 6 6 = 180

[ ( 6 x 6 ) - 6 ] : 6 = 5
6 + [ ( 6 - 6 ) x 6 ] = 6
6 + [ ( 6 + 6 ) : 6 ] = 8
[ 6 - ( 6 : 6) ] x 6 = 30
( 6 x 6 ) - 6 - 6 = 24
( 6 x 6 ) + 6 + 6 = 48
( 6 + 6 ) x 6 - 6 = 66
( 6 x 6 - 6 ) x 6 = 180

Жаңалықтар

Жұмбақ бөлімдері

Нақыл сөздер

Пікірлер