Кіру Тіркелу
Өлең, жыр, ақындар
  1. Негізгі бет
  2. Жұмбақтар


Қыстай жегіп қос атты,
Көктем шыға босаттым.

Шаңғы


Аяғы жоқ, жүреді,
Сылқ-сылқ күледі.


Бұлақ


Әдемі түнде,
Мен жүрсем,жүреді бірге.

Ай


Сумен кірді ашады,
Өзі судан қашады.

Сабын


Терезені өрнектеп,
Әдемі сурет салыпты.
Кім екенін табайық.
Көрінбей кетіп қалыпты.

Аяз


Жаңбыр жауып басылды,
Аспан шайдай ашылды.
Қызыл, сары, жасылды,
Көкте бір зат асылды.

Кемпірқосақ


Бір нәрсе жоғарыда от жағып тұр,
Дабылдап дабылын ол қағып тұр.

Найзағай


Ұзын мойны,
Екі ішек,
Қатар-қатар тепкішек.
Басып көрсең бір-бірлеп,
Үн шығады күмбірлеп.

Домбыра


Тырау-тырау тырналар,
Тау басына жорғалар.
Еті арам,сорпасы адал,
Ол не балалар?

Аралар


Дәмін таттсаң –тәтті-ақ,
Түсін көрсең- әппақ.

Қант


Сымға асылып,
Жүр асығып.
Дыз-дыз етіп жүрегі,
Сымнан ұстап жүреді.
Өзіне адам мінеді,
Ол не, ал кім біледі?

Троллейбус


Бір-біріне қарай үйлер тіркесіп,
Қара тұлпар жүр әрі-бері көшіп.

Поезд


Аспанда жүзеді,
Қанатын қақпайды.
Жерде де жүреді,
Бауырлап жатпайды.

Ұшақ


Ұшады қанатсыз,
Зырлайды аяқсыз.

Зымыран


Қыста киімін тастайды,
Көктемде киіне бастайды.

Ағаш


Бейбітшілік құсы деп,
Атайды оны барша жұрт.

Көгершін


Мұрты бар, сақалы жоқ,
Тоны бар, шапаны жоқ.

Мысық


Қиналып көтеріп,
Өзінен ауырды.
Жорғалап кетеді,
Жүкшідей кәдімгі.

Құмырсқа


Шұқшитқан кеп әуелі,
Сені әрбір әріпке.
Суреттері әдемі,
Бұл қай кітап?

Әліппе


Жазу жазып жалықпаған,
Жаза-жаза арықтаған.

Бор

Жұмбақ бөлімдері

Нақыл сөздер