Кіру Тіркелу
Өлең, жыр, ақындар
  1. Негізгі бет
  2. Жұмбақтар


Уақытты өлшеп, санап,
Таппайды бір тағат.
Бұл не сонда?…

Сағат


Екі басты айдаһар
Бәрін қырып жояды.
Екі аяқпен жер тіреп.
Қағазды жеп қояды.

Қайшы


Жіп-жіңішке денесі,
Ортасында шегесі.

Қарындаш


Ағайынды бәрі:
Шықса-көк,
Түссе-сары.

Жапырақтар


Әр желінің асты толған көк қоян,
Жаз болғанда көк қоянды жеп қоям.

Қияр


Жерде жатып желіндейді,
Күз түскенше желінбейді.

Қауын


Сырты жасыл қатты,
Іші қызыл тәтті.

Қарбыз


Бұл не деген көп киім,
Жетпіс қабат көп киім.
Жаңбыр одан өтпейді,
Қабат-қабат тоны бар,
Түймелеуге жетпейді.

Орамжапырақ


Қалың киім ұнатады
Шешіндірсең жылатады.

Жуа


Бiлiмнiң жол басшысы,
Шәкiрттiң қолбасшысы.

Мұғалім


Бiлiмнен мол сый-асы,
Балғындардың ұясы.

Мектеп


Кірге суда кезігеді,
Сүйкенем деп езіледі.

Сабын


Кір киімді қалайды,
Өзі кірді жалайды.
Суға түссе шомылып,
Дақты жояр талайғы.

Сабын


Сүрткен киімі тазарып,
Өзі қалды тым арып.

Сабын


Екі басы қалта,
Ортасы алқа.

Тұтқыш


Кір-қоқысты сүймейді,
Сыртқа қуып сүйрейді.

Сыпырғыш


Еденді кеп жаласа,
Қалдырмас ол түгіңді.
Аузына таласа
Бар қиқым жүгінді,
Тазалауы тамаша,
Кілем мен алаша,
Жайнайды қараса.

Шаңсорғыш


Іші салқын, мұзы бар,
Күнкей қашқан қой сынды,
Жылыда тез бұзылар,
Барша тағам тығылар.

Тоңазытқыш


Сабы — таяқ,
Басы — қалақ.
Ұшын жүрер,
Жерге қадап.

Күрек


Мөлдір мұз арқылы,
Нұр төгіп күн тұрар.
Кең бөлме әр күні,
Тазарып құлпырар.

Терезе

Жұмбақ бөлімдері

Нақыл сөздер