Мөлдіреп жатқан қос көлге,
Шыныдан тұттым қос перде.
Өзі сырық,
Басқан жері құдық.
Оны қақса сәйгүлік,
Таста жүрер асыр сап,
Ол жоқта жай жүріп,
Баса алмайды тосырқап.
Жүргек атқа кісенді,
Салып едім, үзе алмай,
Қос аяқтап күшенді.
Қос ілгекті орындық
Атқа мініп алады,
Адам оны орын ғып,
Емін-еркін шабады.
Сұлап жатқан діңгегі бар,
Қатар тізген ілгегі бар.
Шыр көбелек айналып,
Жүгіреді бір тынбай.
Беліне жіп байланып,
Шөмеле үйер құртымдай.
Әжемнің қалпақты таяғы,
Қолына алса жүгірер,
Шорланып белі бүгілер.
Ерні жырық —
Кішкене сырық.
Бесікке іледі,
Әнін де,
Дәмін де,
Сәбилер біледі.
Сәбиге сәнді үй,
Әжеге ән-күй.
Төрт таяққа керілді,
Әдемі үй боп көрінді.
Жиегіне қағылар,
Әр есіктің қалы бар.
Ол болса қақпа да,
Ашылып-жабылар.
Күзетем деп үйді,
Жұдырығын түйді.
Көмейлете інді,
Сүңгітіп ем тілді.
Темір кісен діні,
Кейін қарай шегінді.
Түбінен үзген,
Қатарлатып тізген,
Сүйрікті тұттым,
Таза ауа жұттым.
Көк тіреп тұрған,
Көп таяқты буған.
Дөңгелек үйдің,
Қара-шұбар жыланмен
Белін будым.
Қабырғаның кең төрі,
Ажыратпай ұстап тұр,
Жұмыр болат шеңбері.
Түріліп тұрар бір басы,
Бұрышсыз үйдің мұржасы.
- Шоқан Уәлиханов
- Шоқан Уәлиханов
- Рәбиға Сыздықова
- Зейнолла Қабдолов
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі