Кіру Тіркелу
Өлең, жыр, ақындар
  1. Негізгі бет
  2. Жұмбақтар


Ескегі бар -
Жүзбейді,
Ұшудан үміт үзбейді.

Жел диірмен


Ерекше кескіні бар қызық карта,
Бет-аузы айқыш-ұйқыш сызық карта.

Кескін карта


Болғанменен көп инесі,
Іс тікпейді оның иесі.

Кірпі


Сопақша көк өңі бар,
Пайдалы мөлдір сөлі бар.
Піскен кезде жияр,
Оның аты...

Қияр


Ақбоз десең ақбоз,
Көкбоз десең көкбоз.

Мұз


Аяқ-қолсыз өсіпті,
Ашып-жабар есікті.

Жел


Жас кезіңде өзіңмен қатар.
Қартайғанда алда.

Еңкейген кәрінің басы, кеудесі.


Бәрі, бәрі тұйық,
Іші толы сұйық.

Жұмыртқа


Желіні тас,
Тұяғы ағаш.

Бесік


Іші жыртық,
Сырты тыртық.

Кедейдің киімі


Аралайсың әлемді,
Шаршамайды ол енді.

Көз


Көк теңіздің бетінде көпіршіген жүгері.

Аспан мен жұлдыздар


Қатуды білмейтін қос қайнар.

Көз


Орғыған қорқақ көзі еді
Қыс пен жазда түрлі тон киеді.

Қоян


Атасы қисық ағаш
Анасы жайма шелпек,
Бір сабақта құж-құж жентек.

Жүзім


Шаңқ-шұңқ еткен үні жоқ,
Сусыз оның күні жоқ
Жүріп кетсе соңында,
Қалып жатқан ізі жоқ.
Бұл не?

Балық


Қырға қызыл кілем жайылды.

Қызғалдақ


Гүл гүл жайнап жер аспан
Гүрілдейді сайда өзен
Гүлжазира жарасқан
Гүлдерімен қай кезең?

Көктем


Жоғалмайды ешқашан,
Түрлендірсек егер де.
Басқа күйге ауысқан,
Жұмыс істейді әрқашан.

Энергия


Қозғалысқа келтіріп,
Жылдамдығын береді.
Өлшемдерін қарасақ,
Ньютонға ол келеді.

Күш

Жаңалықтар

Жұмбақ бөлімдері

Нақыл сөздер

Пікірлер