Кіру Тіркелу
Өлең, жыр, ақындар
  1. Негізгі бет
  2. Жұмбақтар


Шеңберлi есiгi бар,
Жүздеген тесiгi бар.
Iшiне кiргендердiң,
Ұсағы жол табады,
Iрiсi тор қабады.
Ыдыс-аяқ бөлмесi,
Тазалықтың көрмесi.

Әбдiра


Бiреу есiгi,
Тұбiнiң
Көп-ақ тесiгi.

Елгезер


Ұшы үшкiр, сабы бар,
Екi жүзi қайраулы
Бауы менен қабы бар,
Белде жүрер байлаулы.

Қанжар


Құдықтың iшiнен,
Құдық көрдiм.
Бiрiнде – су қайнайды,
Бiрiнде – от жайнайды.

Самауыр


Иiнiнде құлағы,
Iшiнде бұлағы.
Көмейiне от салсаң,
Ызыңдап тұрады.

Самауыр


Дөңгелек өзi,
Төртеу көзi.
Ұстайды мықтап,
Тұрғанды сырттап.

Түйме


Жайсаң түңлiк,
Жисаң дiңгек.

Қолшатыр


Киiмдегi қуыс,
Ұсақ-түйекке ыдыс.

Қалта


Iшi мата,
Тысы мата,
Арасы мақта,
Төрт бұрышты қабылған,
Бұл не,
Жатарда табылған?

Көрпе


Қандай байлық iшiнде,
Барын өзiм бiлетiн,
Қоймалар көп үстiмде,
Көшiп бiрге жүретiн.

Жанқалта


Ағайынды бес туыс,
Жамылатын тоны бiр.
Бесеуiнде бес қуыс,
Сырттан кiрер жолы бiр.

Қолғап


Аузы бiреу бес құдық,
Қыстыкүнi бойлатам,
Бесеуiне бес құрық.

Қолғап


Есiгi бiреу,
Бөлмесi бесеу.

Қолғап


Қаз-қарта тесiгi бар,
Қақпақсыз есiгi бар.
Көмейiнде тiлi бар,
Аузын буар жiбi бар,
Кеме сынды пошымы,
Бiлсең айтшы, осыны?

Бәтеңке


Судан ғайып,
Әжемде бар
Қос қайық.

Кебіс


Бес айналы туыс,
Тапқаны бiр қуыс.

Тырнақ пен етік


Күнi бойы жүргiзедi,
Үйге де кiргiзедi.
Бiрақ, өзi iзеттi,
Босағада қалып
Шығуымды күтедi.

Аяқ киім


Күндiз
Таяғымды қаптаймын,
Түнде
Босағаға тастаймын.

Аяқ киім


Қолы бар,
Саусағы жоқ.
Мойны бар,
Басы жоқ.

Көйлек


Ерте тұрдым да,
Қос жолға түстiм.

Шалбар

Жұмбақ бөлімдері

Нақыл сөздер