Кіру Тіркелу
Өлең, жыр, ақындар
  1. Негізгі бет
  2. Жұмбақтар


Қабат-қабат қатталған,
Асыл сөзбен апталған.
Парағы бар сөйлейтін,
Ол қазына өлмейтін.

Кітап


Сансыз ойлар бетінде,
Сайрап жатыр бар тілде.
Қажетпін мен әр күнде,
Өшпейді бір әрпім де.

Қағаз


Төрт қырлы, өзі аппақ,
Тақтадағы ізі аппақ.

Бор


Иір-иір құбыр,
Әрлесең бұлбұл.

Керней


Оқуыма төреші,
Тоқуыма төреші,
Парақтасам байқалар,
Білімімнің өресі,
Онда және жазылған,
Кестем де бар келесі.

Күнделік


Үстінде есігі,
Өзі орындық, әрі үстел,
Оқушылар бесігі.

Парта


Былғанышты жақтырмайды,
Ол бар жерде дақ тұрмайды.
Бірақ тағы өз үстінен,
Таза бір жер таптырмайды.

Сорғыш


Кепкен жарғақ,
Шеңберге керілген,
Соқсаң сарнап,
Үн шығады төгілген.

Барабан


Оқушыға күнде еріп.
Жүретін не?

Күнделік


Білім менен тәлім,
Парақты ашқанда
Беттерінен мәлім.

Күнделік


Қырық екі жауынгер,
Сапын түзеп тұрады.
Бүлдіршіндер
Қауымды ел,
Сырын терең ұғады.

Алфавит


Бірін-бірі қоштаған,
Бір үйден көрдім,
Қырық екі дос-жаран.

42 әріп


Көкқұтанша ақ айдында,
Бір аяқпен тұрады.
Тұмсығымен ол мұнда,
Шыр айналып шығады.

Циркуль


Оқу-білім аспабы,
Қоймасының бас қабы.
Бөлмесі де бірнешеу,
Тиегі бар ашпалы.

Сөмке


Бір санға өсірді,
Өзі қалып орнында,
Бізді алға көшірді.

Сынып


Қаласы бар, елі жоқ,
Даласы бар, шөбі жоқ.
Мұхиты бар, суы жоқ,
Орманы бар, нуы жоқ.
Шыңдары да теп-тегіс,
Құмдары да теп-тегіс,
Кең жазықтан әр түсті,
Шығыс пенен батысты —
Бар Әлемді табасың,
Өзің таң боп қаласың!

Географиялық карта


Елдері мен қаласы,
Ойпаты мен даласы.
Теп-тегіс тақтай-ды,
Өзені де ақпайды,
Тоғайы мен тауы бар,
Бұл не, өзің тауып ал.

Карта


Жұқа тақтай бөлшегі,
Ұзындықтың өлшемі.

Сызғыш


Бөлінгенді табыстырып,
Біріктірсе қабыстырып.
Жымдастырған жігін де,
Байқамайсың түгін де.

Желім


Денесі бар шыбықтан,
Темір тұмсық құдықтан,
Сусын алып ішеді,
Ойы із боп түседі.

Қаламсап

Жаңалықтар

Жұмбақ бөлімдері

Нақыл сөздер

Пікірлер