Өлеңдер Бөлімі


Жағалдайдың түйесi
Жар жағалап келедi.
Сауырында таңбасы
Күйiп-жанып келедi.

Күн



Жансыздан жалғыз шыққан боз арғымақ,
Арқаны бар арқасында жұмақ-жұмақ.
Ер ерттеп, екі айылын тартып алып,
Қамшыласа кетеді зулап-зулап.
Мініп ап боз жорғаны күйге салдық,
Мойнына қатар-қатар түйме салдық.
Он жігіт жол бойында қызмет етеді,
Құбылып неше түрлі әнге салып.

Гармонь



Салдырдым екі жорға жалтыр мұзға,
Он жігіт қызмет қылып жалғыз қызға.
Күніне жалғыз бекет жерді аралап,
Он жігіт тынығады әрең сонда.

Домбыра



Қос қазық екі жерден шынжыр арқан,
Сылдырап әр буыны үнін қосқан.
Он адам жолдас болып еңбек етсе,
Аралап он екі үйге қонақ болған.

Домбыра



Жоқтан бар қып сайратқан,
Тыңдаған жан жай тапқан.
Таңғажайып бір нәрсе,
Үйдің ішін жайнатқан.

Граммафон



Қояды әркім оны бұрап-бұрап.
Бар екен маңдайында жалғыз көзі,
Болады тоқсан түрлі айтқан сөзі.

Домбыра



Басы бар денесі жоқ, бойы бір кез,
Табарсың болсаң зерек осыны тез.
Қозғалсаң қос құлағын тігіп алып,
Тамаша әр тараптан айтады сөз.

Домбыра



Құлақтан кіріп, бойды алар,
Көңілге түрлі ой салар.

Ән-күй



Жоғарыдан айдадым,
Белін жіппен байладым.
Сыпыра тақта астында,
Шалып, қағып ойнадым.

Іс машинасы



Қара күшігім қаңқ етті,
Дауысы Бұхарға жетті.

Мылтықтың даусы



Өмір-өмір өмірден,
Жаққан оты көмірден.
Шыңырау деген бір құс бар,
Жұмыртқасы темірден.

Мылтық, оқ



Судыр-судыр жүрегім,
Судыр қара дөненім.
Желіп кетсе жеткізбес,
Түсіп кетсе таптырмас.

Ор



Болғанда екі құлақ, екі шелек,
Бітіпті ортасында шынар терек.
Теректің сабынан ба деп ойлаймын,
Тұрады жауын жауып, күн себелеп.

Насос



Бір нәрсе жіппен байлап қойған мықты,
Адаммен қатынасы сондай күшті.
Саңқылдап керек затқа хабар берер,
Бір жерін аңдаусызда басса жетті.

Телефон



Бір нәрсе әуенменен сөйлеп қатты,
Әуеден оның өзі керек тапты.
Сөйлесе маңызды сөз әңгімесі,
Қаратады аузына жамағатты.

Радио



Бір нәрсе бар дүниеде тұмсығы ұзын,
Әп-сәтте аралайды жердің жүзін.
Санап көрсем көп адам таниды екен,
Таптырмайтын десе де басқан ізін.

Радио



Бір жәшік төртбұрышты сырғасы бар,
Көтерсең сырғасынан дауыс шығар.
Қанша алыс болсаңдағы екі сырға,
Естіліп бір-біріне жақын қылар.

Телефон



Су ішінде өрмек құрдым,
Ала жаздай ермек қылдым.

Ау



Судан шыққан тасбақа жалмаңдаған,
Тұмсығын қайқаңдатып сумаңдатқан.
Денесі болат темір сондай мықты,
Артқы жағы бұрқылдап сырдаңдаған.

Моторлы қайық



Бір хайуан зырлап ұшады екі аяқ,
Көлденең тірегені айқыш таяқ.
Екі қол-аяғында дабыл болмас,
Жүреді тілін білсең шапшаң жай-ақ.

Велосипед


×