Жер бетінде селдір шаш,
Жер астында жұмыр бас.
Қышқыл қызыл бытыра
Тығып алып ұртына.
Тымырайып тұрғаны,
Түк шығармай сыртына.
Ас,
Астың ішінде тас,
Тастың ішінде және ас.
Қозыларым көгендеулі күн ұзын,
Су ішкенмен шөп жемейді бір үзім.
Кіп-кішкене қазан,
Іші толы тағам.
Атан түйе тұралап,
Аштан қатып қалған ба?
Бір-ақ уыс құмалақ
Шықты қарнын жарғанда.
Құдай-ай, құдіретіңнің панасынан,
Таңым бар мен Құдайдың бар күшіне,
Анасы туады екен баласынан.
Байлап қойдым қойымды,
Желіде жатып тойынды.
Көктемде тұзақ құрғанмын,
Қолайлы деген қырға бір.
Тамызда барып жинадым,
Бір арба қызыл қырғауыл.
Көкала бешпет киеді,
Күннің көзін сүйеді.
Біреу-ақ анасы,
Мың шақты баласы.
Пісер күнін сарылып,
Күтіп жүрдік сағынып.
Күз келгенде болыпты
Салиқалы сары мұрт.
Қызыл керіш тас боп түседі,
Ақ ұлпа қар боп шығады.
Көкте туып,
Жерде өледі.
Бұлт ішінде бурыл ат кісінейді.
Будақ түтін түсі аппақ,
Көк жүзіне тұзақтап.
Қойғандай-ақ жылжымай
Тауды өбеді құшақтап.
Бірде селбір жабағы,
Бірде теңбіл жабағы.
Аяғы жоқ, қолы жоқ,
Жүретұғын жолы жоқ.
Мінезі де жеңілтек,
Тіл алмайтын бір тентек,
Шөпшілердің шөбін шашты,
Қалпағымды ала қашты.
Ақ шапанын үстінен
Алты ай бойы шешпеді.
Қара шапаны үстінен
Алты ай бойы түспейді.
Бөркін ағай киеді ошырайтып.
- Конфуций
- Конфуций
- Эдвард Дж. Стиглиц
- Нельсон Мандела
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі