Күнді айналып қозғалады,
Артында жарық жол қалады.
Мөлдір көкте бір ғана,
Шоқтай жайнап тұр дара.
Көк жүзінде ай батқан,
Жолақ жатыр,
Аумаған
Төгіп алған қаймақтан.
Күндіз білінбейді,
Түнде күлімдейді.
Жылт-жылт етіп төбемде,
Түсе алмай тұр төменге.
Көк төрінде жоғары,
Ілулі тұр атамның
Сапталмаған орағы.
Бейнесі суда дірілдейді,
Қармаққа бірақ ілінбейді.
Екі доп ауысты,
Бір шеңберді тауысты.
Күн мен түннің кеңдігін,
Жер шарының ендігін,
Қақ бөліп тұр тепе-тең,
Жұмыр жердің белдігі.
Мекені көкте екі ару,
Бір-бірін көруге зәру.
Әлемнің бар екі күзетшісі;
Бірі — күндіз тынығады,
Бірі — түнде тынығады.
Жайғаным түкті кілем,
Ілгенім — тықыр кілем.
Тіршілік аусар тек,
Ұстасаң қауқар жоқ,
Айналам қоршау көк,
Одан асқан кәусар жоқ.
Әйнектей көгілдір,
Теңіздей тым мөлдір.
Төріңде тұр нұр көзі,
Жердің биік күмбезі.
Көкжиегі тұйық дөң,
Шатыр тіккен биік кең.
Салмағың бар өлшесем,
Көрінбейсің көзге сен.
Бір нәрсе жер мен көктің арасында
Көрінбейді өзі түгіл қарасы да,
Білінбей жер үстінде жүрсе-дағы,
Пайдалы адамзаттың баласына.
Бар ма, жоқ па, анық білмейсің,
О жоқ жерде өмір сүрмейсің.
Аспанда ұшып жүрген алты торғай,
Өмірбақи жүреді жерге қонбай.
- Джон Максвелл
- Асқар Сүлейменов
- Асқар Сүлейменов
- Асқар Сүлейменов
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі