Екi басы қалта,
Ортасы алқа.
Алақанымен
Үй iшiн аялайды,
Бiрақ,
Кiр-қоқысты аямайды.
Кiр-қоқысты сүймейдi,
Сыртқа қуып сүйрейдi.
Едендi кеп жаласа;
Қалдырмас ол түгiндi.
Аузына таласа
Бар қиқым жүгiндi,
Тазалауы тамаша,
Кiлем мен алаша,
Жайнайды қараса.
Iшi салқын, мұзы бар,
Күнкей қашқан қой сынды,
Жылыда тез бұзылар,
Барша тағам тығылар.
Басы жұқа,
Тың күшi бар.
Сабы ұзын,
Ұңғысы бар.
Топырақты уыстап ап,
Лақтырады қуыс табақ.
Сабы – таяқ,
Басы – қалақ.
Ұшын жүрер,
Жерге қадап.
Көз алдыңа жайнаған,
Түсi судан аумаған.
Тегiс перде керiледi,
Бiрақ бәрi көрiнедi.
Мөлдiр мұз арқылы,
Нұр төгiп күн тұрар.
Кең бөлме әр күнi,
Тазарып құлпырар.
Күн нұрына қарық қып,
Үйдi тұрар жарық қып.
Екi ұшына
Екi шелек iлiп алды.
Қайқы таяқ
Иығыма мiнiп алды.
Төрт аяғы, арқасы бар,
Жалпақ жайлы ортасы бар.
Ең алдына кiсiнi алып,
Сынайды ылғи күшiн анық.
Қос рельстiң арасын,
Қоссам егер белдеулеп,
Биiкке өрлеп барасың.
Тоққа тисе мұрты ұзын,
Табанымен жазық.
Киiмдердiң қыртысын,
Бередi тез жазып.
Жай да үнсiз тұрады,
Бiреу келсе тез жет деп,
Қоңырауын ұрады,
Дабыл қағып безектеп.
Күндiз-түнi шатырдан,
Бiр түспейтiн қарауыл.
Кiндiгi үйге тартылған,
Көрiнедi бар ауыл.
Кино менен концерттi,
Үйде қойып беремiн,
Жаңалығын бар елдiң.
Өз көзiммен көремiн.
Көгiлдiр түсi бар,
Тас балқытар күшi бар.
Терезенiң тесiгi,
Таза ауаның есiгi.
Тысы жылтыр,
Iшi жарқыл.
- Джон Максвелл
- Асқар Сүлейменов
- Асқар Сүлейменов
- Асқар Сүлейменов
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі