Кіру Тіркелу
Өлең, жыр, ақындар
  1. Негізгі бет
  2. Жұмбақтар


Асты-үсті өндір тас,
Ортасында кендір бас.

Тасбақа


Арзан ба, әлде қымбат па?
Білесің де бағасын,
Барлық затты бір затқа
Айырбастап аласың.

Ақша


Сүйегіңнен өтеді,
Жүрегіңе жетеді.

Сөз


От қойсаң,
Пісіреді асыңды.
Бос қойсаң,
Мәңгіртті басыңды.

Газ


Кешке қарай хор айтады,
Дауыстарын зорайтады.

Бақалар


Саусақ тіреп біртіндеп,
Баса берсең сабазды,
Сөйлетеді бір тілде
Қабат-қабат қағазды.

Баспаханалық мәшине


Мың миллион пернелі
Домбыраны көрген кім?

Темір жол рельсі


Тегі – тышқан.
Өзі – құстан.
Күндіз ұйықтап,
Түнде ұшқан.

Жарқанат


Таңертең де, түсте де
Күнге бетін бұрады.
Тостағанын кішкене
Тосады да тұрады.

Күнбағыс


Төбеде қос қалқаным,
Әлемнен үн тартамын.

Құлақ


Елдің сүйер егісі,
Жер астында жемісі.

Картоп


Жаңбыр жоқта бұғады,
Жаңбыр жауса шығады.

Жауынқұрт


Көктемде бір еді.
Күзде мың боп түледі.

Дән


Төбесінде шашағы,
Кеудесінде масағы.

Жүгері


Іші қызыл, сырты көк,
Ала жаздай үрдім доп.

Қарбыз


Толып жатқан тісі бар,
Ағашпенен ісі бар.

Ара


Кәрілікке таядым,
Үшеу болды аяғым.

Қол таяқ


Қартайғанда дерт қонды,
Eкi көзім төрт болды.

Көзілдірік


Оймақтай қос көл жатыр,
Ортасында бел жатыр.

Көз бен мұрын


Екі аяқты желаяқ,
Артсаң болды сен аяқ,
Жетем деген жеріңе
Жеткізеді оңай-ақ.

Велосипед

Жаңалықтар

Жұмбақ бөлімдері

Нақыл сөздер

Пікірлер