Кіру Тіркелу
Өлең, жыр, ақындар
  1. Негізгі бет
  2. Жұмбақтар


Көрінбей-ақ көзіңе,
Күш танытар өзіңе.
Шайқап шарбақ, тал-бақты,
Зыр жүгіртер қанбақты.

Жел


Екі жақты,
Екі сапты.
Барлық затты
Тістер қатты.

Қысқаш


Kөмip шайнап,
Teмip құсады.

Домна пеші


Жүзімен шабады,
Шүйдесімен соғады.

Балта


Шаңға толған шанағы,
Қоқыр-соқыр – тамағы.

Шаңсорғыш


Бip ұяда топтасқан,
Түртіп қалсаң, от шашқан.

Шырпы


Бары-жоғын білмейсің,
Онысыз өмip сүрмейсің.

Ауа


Ащы да болса құмарсың,
Асыңа қосып тұрарсың.

Бұрыш


Сүті жоқ сыңар емшек,
Сәбилер құмар емшек.

Емізік


Өзі темір,
Өзi жеңіл.
Есіктерді
Ашар не бip.

Кілт


Тарғыл түсті,
Ерен күшті

Жолбарыс


Сөйлейтұғын тілі жоқ,
Естілетін үні жоқ.
Жандылардың iшінде
Жаралыпты ipi боп.

Кит


Бір ұшақ бар кіші,
Мінбейді еш кici.

Инелік


Бip тетігін басқанда,
Алып шықты аспанға.
Басып тағы байқап ем,
Жерге түстім қайта мен.

Лифт


Бip шайнаймын,
Бip шайнағанды
Мың шайнаймын.

Сағыз


Түнде күлімдейді,
Суда дірілдейді.

Ай


Онда би де, күйің де,
Қызығына қанбайсың.
Отырып-ақ үйіңде,
Дүниені шарлайсың.

Теледидар


Су бетінде үйрек жүр,
Қалт-құлт етіп билеп жүр.

Қайық


Ұзын мойын, екі ішек,
Қатар-қатар тепкішек.
Басып көрсең бір-бірлеп,
Үн шығады күмбірлеп.

Домбыра


Жиса – таяқ,
Жазсаң – сая.

Қолшатыр

Жаңалықтар

Жұмбақ бөлімдері

Нақыл сөздер

Пікірлер