Кіру Тіркелу
Өлең, жыр, ақындар
  1. Негізгі бет
  2. Жұмбақтар


Дауысы да ілеспес
Өзі ұшқан қарқынға.
Созған шүйке іспеттес
Жол қалады артында.

Реактивті самолет


Білетін бар жұмысы:
Әлемнің төрт бұрышы —
Оңтүстік пен солтүстік,
Батыс пенен шығысы.

Компас


Бақ ішінде жылан жатыр,
Айналасын шылап жатыр.

Шланг


От қойсаң — жалын шығар,
Бос қойсаң — жаның шығар.

Газ


Қозғамасаң — құлайды,
Сүйемесең — сұлайды.
Құйымшақта ері бар,
Бұл не деген жануар?

Велосипед


Тар шеңберді айналып,
Тұр қазықта байланып.
Қаға берер таңдайды
Әдетінен танбайды.

Қабырға сағат


Бәрің, бәрің, бәріңді:
Бала-шаға, кәріңді —
Тіпті кемпір-шалды да
Отырады алдына ап.

Диван


Алдында штепсель,
Артында бауы.

Шошқа


Мың найзалы жалғыз батыр
Жауларына алғызбай тұр.

Кірпі


Жел-боранда жел болып ескен,
Шекесіне сексеуіл өскен.

Бұғы


Құрық та салдырмай бұлқынар
Матрос майкалы жылқылар.

Зебра


Тышқаннан басқа батпаған,
Бір шланг, төрт баған.

Піл


Іші жұмсақ, сырты қатты,
Еті қызыл, сүті тәтті.
Соғым үшін сайлап қойдым,
Бордақылап байлап қойдым.

Қарбыз


Кіргенде ініне сыңар-ды,
Ұрпағын ертіп ол шығарды.

Картоп


Көйлек, бешпет, халат та
Киген екен қабаттап.
Ақырында июннің
Терлеп, жанып-күйгесін,
Үстегі бар киімнің
Қойды ағытып түймесін.

Капуста


Ертеңгілік үлкен,
Кешкілік үлкен,
Талма түсте кішкентай.

Күн


Көк аспанды байытқан
Қара бұлтқа тәп-тәуір
Пайда болып ғайыптан,
Ғайып болды от-тамыр.

Найзағай


Көбелек секілді келгенде,
Кеткенде әбжылан сияқты.

Қар


Тіріде, басы аманда
Асылып тұрар әмәнда.
Аяғы жерге тимейді,
Аязсыз күнді сүймейді.

Сүңгі


Шешесі — су да,
Әкесі — суық.
Көктемде өлер,
Күз күні туып.

Мұз

Жаңалықтар

Жұмбақ бөлімдері

Нақыл сөздер

Пікірлер