Кіру Тіркелу
Өлең, жыр, ақындар
  1. Негізгі бет
  2. Жұмбақтар


Төбесінде өмір бақи төбелес,
Төзіміне оның ешкім тең емес.

Темір төс


Екі езуі құлағына жетеді.
Тамақ жесе ызың-ызың етеді.

Ара


Жалпақ желке, сопақ бетті
Орманымды отап кетті.

Балта


Сыңар құлақ батыр
Шылым тістеп жатыр.

Іскенже


Ағаш арық, тұйық арық:
Жылқылар жүр жиі барып.

Науа


Жылға дер ем — ақпайды,
Жылан дер ем — шақпайды.

Арқан


Көліксіз өмір сүрмейді,
Ғұмыры жаяу жүрмейді.

Ер-тоқым


Сүңгіп жүр, жүзіп жүр:
Судан дәм сүзіп жүр.

Кепсер


Түгел айтсақ не барын:
Төрт құлақ та бір қарын.

Қазан


Бес қаруы бойында.

Универсал бәкі


Шам, плита жұмысын жасай қалды,
Ал оның есептен-ақ басы айналды.

Электросчетчик


Мұз жарғыш жүзіп келеді,
Бауыры қызып келеді.
Абайла, оқып түсер,
Ондайлар бұзық келеді.

Үтік


Кереңқұлақ өсіп тұр үстелімде.

Жұмыс шамы


Қайнаған шілде де оған суық,
Ыссыға төзбегенді тығам қуып.

Тоңазытқыш


Құйрығы інге кірсе,
Беті өртенген.
Шегіне шегі тисе,
Қатер төнген.

Электроплитка


Апам үшін қам жеген:
Тозаң жұтып, шаң жеген.
Жатыр үйде айдаһар,
Ондай мешкей қайда бар?

Шаңсорғыш


Алдына бір нәрсе әкеп берсе, тегі,
Оңын сол, солын оң ғып көрсетеді.

Айна


Жүріп кетсе жүйрік бір
Лып-лып етіп ойнаған.
Кереметі:
Құйрық бір
Құтаймай-ақ қойды оған.

Ине


Дос үйіне түстің бе?—
Түгел соның үстінде.

Дастарқан


Арықтың ең терең жері белге дейін келетін. Ал аяқ тобыққа дейін балшыққа бататын. Қатты жауын жауған соң су деңгейі көтереліп, әлгі ең терең жердің суы мойынға дейін келетін болды. Бірақ аяқтар балшыққа батпайтын болды. Аяқтар неліктен балшыққа батпай қалды?

Су көтерілгенде судың денені көтеру күші көбейеді. Сондықтан денені балшыққа батыратын қысым азаяды.

Жаңалықтар

Жұмбақ бөлімдері

Нақыл сөздер

Пікірлер