Nareke
- Тіркелген уақыты: 14.04.2021 19:15
- Соңғы кірген уақыты: 04.01.2026 17:09
- Аты-жөні: Нарша Булгакбаев
- Жынысы: Ер
- Пікірлері саны: 0
Жариялағандары
Мақалалар Өлеңдер Мақал-мәтелдер Ұлағатты сөздер
Нарша Булгакбаев - ұлағатты сөздері
Нарша Булгакбаев жариялаған ұлағатты, дана, нақыл сөздер мен ойлар осы бетте жинақталған.
Байлық — көп адам үшін жалғыз ғана құндылық, бірақ өмірдегі шынайы құндылық – байлықта емес адамдардың жан-дүниесінде, адамдар арасындағы адалдықта, қамқорлықта және қиындық бен сынақ кезінде бір-біріне жәрдемдесуінде, жанашырлық танытуында.
Ілмектер: байлық, адам, жалғыздық, өмір, құндылық, шынайы, адалдық, қиындық, сынақ, жәрдем, жан, дүние, қамқорлық, жанашырлық Нарша Булгакбаев
Ақша қолда мәңгі тұрмайды, ал имандылық пен адамгершілік – мәңгілік байлық.
Ілмектер: ақша, имандылық, адамгершілік, мәңгілік, байлық Нарша Булгакбаев
Біз бастан өткерген қиындықтар мен кедергілер жайлы көзқарасымызды қайта қарап, өңдеп, өзгертуіміз қажет.
Ілмектер: қиындық, кедергі, көзқарас, жан, дүние, кінәлау, даму, дағды, тәжірибе, ақиқат Нарша Булгакбаев
Бұл үшін ішкі жан дүниеміз бен сыртқы ортаны кінәламай, ақиқатты шынайы қабылдауымызды, сондай-ақ рационалды, продуктивті және реалистік түрде ойлануымызды сонымен қатар конструктивті дамуды үйренуіміз керек. Бұл тек теория ғана емес — нақты дағдылар мен тәжірибе арқылы қалыптасатын қабілет.
Теріс эмоциялар мен деструктивті реакциялар белгілі бір психотравмаға (өткен шақтағы оқиға немесе жағдайға) тікелей байланысты пайда болмайды.
Ілмектер: жойқын, теріс, эмоция, деструктивті, реакция, психотравма, өткен шақ, травма, қабылдау, ой, ойлау, жан, дүние, рационалды, продуктивті, реалистік, қиындықтар, кедергілер, көзқарас, өзгеріс, конструктивті, теория, дағды, тәжірибе, бақылау, әділеттілік, баға, сұрақ, механизм, өзін-өзі тану, мүмкіндік, әлем, автомат, негатив, ақиқат, талдау, қиындық, кедергі, талдау, гигиена, артықшылық, даму, әл-ауқат, психика, эмоция, күнделік, әрекет, трансформация, оқиға, жағдай Нарша Булгакбаев
Ең жойқын теріс эмоциялар мен деструктивті реакциялар — сол травманы бүгінгі күнге дейін қалай қабылдап келе жатқанымызға, және ол туралы не ойлайтынымызға байланысты туындайды.
Сондықтан біз бастан өткерген қиындықтар мен кедергілер жайлы көзқарасымызды қайта қарап, өңдеп, өзгертуіміз қажет.
Бұл үшін ішкі жан дүниеміз бен сыртқы ортаны кінәламай, шынайы қабылдауымызды, сондай-ақ рационалды, продуктивті және реалистік түрде ойлануымызды сонымен қатар конструктивті дамуды үйренуіміз керек. Бұл тек теория ғана емес — нақты дағдылар мен тәжірибе арқылы қалыптасатын қабілет.
Бұл үшін мынадай қадамдарды орындаңыз:
1. Ойларыңызды сырттай бақылаңыз және барынша шынайы бағалауға тырысыңыз.
Бұл — өзін танудың және ішкі тепе-теңдікті қалпына келтірудің алғашқы қадамы. Сіздің ішкі тыныштығыңыз — өз ойларыңызды дұрыс тани білуден басталады. Бірақ бір нәрсені түсіну қажет: ойларыңыз сіздің шынайы болмысыңыз емес, тек санаңыздың уақытша көрінісі (ой дегеніміз ішкі сөздер мен бейнелер). Кейбір ойлар — ескі жаралардың жаңғырығы болса, кейбірі — қорқыныш пен күмәннің көлеңкесі ғана. Сол себепті, әр ойыңызға (сыртқы психологиялық шабуыл кезінде) бейтарап көзқараспен қарап үйреніңіз.
Өзіңізден сұрап үйреніңіз:
– Бұл ой қаншалықты шынайы?
– Мен оны қандай дәлелге сүйеніп қабылдадым?
– Бұл ой маған көмектесіп жатыр ма, әлде керісінше шектеп жатыр ма?
2. Барлық жүрегіңізді мазалап жүрген сұрақтардың бәрін миыңызға қоя беріңіз — бұл сіздің ішкі әлеміңізге апаратын жол. Ойларыңызды ақиқат сүзгісінен өткізуге, сенімдеріңізді қайта қарауға, ішкі кедергілерді тануыңызға көмектеседі. Өзіңізге сұрақ қойғанда, асықпаңыз. Әрбір сұрақ-жауап — өзіңізбен шынайы әрі терең сұхбат болсын.
Мысалы:
"Неге мен бұлай ойлаймын? Неге басқаша емес?"
"Бұл ой маған не береді? Қуаныш па әлде қайғы ма?"
"Бұл ойларым шындыққа сәйкес келе ме, әлде тек менің ішкі үрейім бе?"
"Мені тоқтатып тұрған не / кім?"
"Мен кімге / неге сенуім керек?"
Осыған тектес сұрақтар сіздің санаңызды сергітеді, көзқарасыңызды кеңейтеді, ал шынайы жауаптар — ішкі тыныштық пен дамудың бастауы бола алады. Сұрақ — бұл ізденіс. Ал ізденіс — бұл өсудің алғышарты. Өзіңізге адал болыңыз, жауап табу ғана емес, түсінуге тырысыңыз. Тек сұрақ қою арқылы адам шын мәнінде өзін қайта танып, қайта қалыптастыра алады.
3. Автоматты, аяқ астынан пайда болатын негативті ойларды бақылаңыз. «Автопилотты» өшіріп, сол ойларды шынайы тұрғыда талдауды (психоанализ) үйреніңіз — бұл ойлау гигиенасын қалыптастырады. Саналы түрде ойларыңыз бен қиялыңызды бақылау — өзіңіздің ішкі әлеміңізге терең үңілуге жол ашады. Әр ойды байқаңыз, бағалаңыз және оны өзгертуге болатынын мойындаңыз. Себебі әрбір ой — сіздің эмоцияңыздың және әрекетіңіздің бастауы. Ал ойдың тазалығы — жан дүниеңіздің тыныштығы мен тепе-теңдігінің кепілі. Негативті ойлармен күресу ғана емес, оларды түсіну, қабылдау, және қайта қарау, ақиқатқа бағыттау — міне, шынайы рухани және психологиялық өсу осыдан басталады. Бұл — өзіңізбен серіктесе өмір сүру, өз санаңызбен үйлесім табу (келіспеушілік пен ішкі соғыс емес). Саналы өмір — автоматизмнен бостандық табу. Өзіңізге мейіріммен қараңыз. Әр ойыңызды дұшпан емес, дос ретінде тыңдаңыз. Себебі ішкі диалог — бұл өз-өзіңізді емдеудің алғашқы қадамы.
4. Күнделік жүргізу — бұл жай ғана жазба емес, ішкі әлеміңізбен шынайы байланыс орнатудың ең тиімді жолы. Әр жазған сөзіңіз — өзіңізбен сырласу, жаныңызды тыңдау, жүрегіңізге үңілу. Ол — ішкі тыныштықтың, түсіністіктің және рухани жетілудің айнасы. Күнделігіңіз сіздің сенімді серігіңізге айналады:
— қуанышыңызды бөлісетін,
— қайғыңызды тыңдайтын,
— ойыңызды жинақтауға көмектесетін,
— армандарыңызды шынайы жоспарға айналдыратын.
Тұрақты түрде жазу арқылы сіз:
— өзіңізді жақсырақ тани бастайсыз,
— ішкі дауысыңызды естисіз,
— шешімдер қабылдауда айқындыққа ие боласыз,
— әрі өміріңізді саналы бағытта құра бастайсыз.
Күнделігіңіз — сіздің жан айнаңыз. Онда шындық бар. Онда үміт, ем, жеңіс жатыр. Бүгін бір сөйлемнен бастасаңыз, ертең — өз тағдырыңыз жайлы өмір кітабын жазасыз.
Есіңізде сақтаңыз:
Күн сайынғы шағын әрекеттер — ертең үлкен ішкі трансформацияға жетелейді.
Дүние — қайғы не қуаныш әкелмейді. Қайғы мен қуаныштың негізі — дүниені қалай түсінетінімізде. Сондықтан басымыздағы қайғыға Құдай да, өмір де, әлем де, табиғат та, тағдыр да, өзгелер де, тіпті шайтан да кінәлі емес. Нағыз кінәлі — өзіміз ғана. Ал қалғандары — тек себепкерлер. Кінәліні сырттан іздеу — адамның рухани әлсіздігінің көрінісі. Қайғы мен қуаныш, сынақ пен бақ — бәрі де біздің көзқарасымыздан, ішкі түйсігімізден, жүрек жылулығынан туындайды.
Ілмектер: дүние, түсінік, жүрек, қайғы, қуаныш, құдай, кінә, өмір, әлем, табиғат, өзге, шайтан Нарша Булгакбаев
Күн де, жаңбыр да, түн де, таң да — өздігінен ештеңе білдірмейді. Біреу үшін күз — сағыныш, екіншісі үшін — тыныштық, ал үшіншісі үшін — түңілу. Сол сияқты, сәтсіздік — біреу үшін күйреу, ал екінші үшін — жаңғыру нүктесі. Жоғалту — біреу үшін азап, ал біреуге — шынайы бақытқа жол ашады.
Қиындық — біреудің үмітін сөндіреді, ал біреудің рухын оятады. Сол себепті өмірдің мәні — басыңнан не өткергеніңде емес, сол өткергендерге қандай мағына жүктегеніңде.
Әлем — айна. Ол саған өз шындығын емес, сенің ішкі шындығыңды көрсетеді. Жүрегің тыныш болса — әлем де саған тыныш көрінеді. Жүрегіңде алай-дүлей сезінсең. әлем жойқын дауылға айналады. Өмірдегі жағдайларға, оқиғаларға мағына беріп, оларды жүрекке жақын немесе жат ету — тек өзіміздің таңдауымыз.
Жүрегің тазарса — әлемің жарқырайды. Жаның тазарса — өмірің нұрға бөленеді. Өзіңмен тату болсаң — ешкімге жау болмайсың.
Барлығы (жақсылық та, жамандық та) өзімізден басталады. Барлығы (нәтиже мен қорытынды) өзімізбен аяқталады.
Жалпы эмоциялар белгілі бір оқиға мен жағдайға байланысты емес, оны қалай қабылдайтынымыздан туындайды. Оқиға немесе жағдай — бейтарап. Ол өздігінен ешқандай мағына да, ешқандай сезім де тудырмайды. Мағына мен эмоция — біздің ішкі интерпретациямыздың жемісі. Бір жағдай — бір адамды күйзелтсе, екінші адамды жігерлендіруі мүмкін. Бұл айырмашылық — шындықта емес, қабылдауда.
Ілмектер: эмоция, оқиға, қабылдау, жағдай, бейтарап, мағына, сезім, интерпретация, күйзеліс, жігер, шындық, ой, әрекет, әдет, тағдыр, жан, зиян, реніш, өкініш, қорқыныш, тосқауыл, шешім, таңдау, өзін-өзі тану, жетілу, кілт, көзқарас, әлем, сенім, бағыт, көніл, көңіл-күй, жүрек, тазалық, ақиқат, үйлесім, нұр, нұрлану Нарша Булгакбаев
Біздің білетініміздей, эмоциялар — адамның ойлауын, әрекетін, әдетін тіпті тағдырын басқаруы мүмкін. Эмоцияны дұрыс түсінбеген жан — өзіне де, өзгеге де зиян келтіруі мүмкін. Кейде өкініш — өмір бойғы ренішке, кейде қорқыныш — үлкен мүмкіндік алдындағы тосқауылға, ал кейде — сол сәттегі эмоция шешуші таңдауымызды бұрмалап жібереді. Сондықтан әр эмоцияны бақылау — өзіңді тану мен жетілдірудің кілті.
Оқиға емес — сенің оған деген көзқарасың маңызды. Әлем емес — сенің оған деген сенімің шешуші. Сыртқы жағдай емес — ішкі күйің өміріңнің бағытын анықтаушы.
Көңілдің тазалығы — бет-бейненің нұрлануы. Жүректің тыныштығы — ақиқатпен үйлесімділігі.
Бақыт пен қайғы – сыртқы дүниеде емес, өз санамызда. Күйзеліс – оқиға не жағдайдан емес, оларға берген мән-мағынадан туады.
Ілмектер: бақыт, қайғы, дүние, сана, күйзеліс, мән, оқиға, жағдай, мән, мағына Нарша Булгакбаев
Көзқарас өзгермейінше, жағдай өзгермейді.
Ілмектер: эмоция, оқиға, қабылдау, жағдай, адам Нарша Булгакбаев
Адам болу — бір мәселе. Адам боп қалу — қиын мәселе. Ізгілік, адалдық, әділеттілік, шыншылдық — адамгершіліктің төрт құбыласы. Күшті адам – өзгелерді бағындыра алатын емес, өз-өзін ақиқатқа бағындыра алатын адам. Ал ақиқат дегеніміз: Аллаһ сөзі — Құран, оның шынайы мән-мағынасы, ғылыми дәлелі жоқ жалған сөздер емес. Ақиқат үшін күрес — дінді ғылыммен, ғылымды дінмен дәлелдеу жолындағы мәңгілік зерттеу. Өмір — сынақ жүргізетін зертхана.
Ілмектер: Адам, мәселе, қиындық, ізгілік, адалдық, әділеттілік, шыншылдық, адамгершілік, құбыла, күшті, бағындыру, ақиқат, Алла, Құран, мағына, өмірдің мәні, шынайы, ғылым, дәлел, жалған, күрес, дін, ислам, мәңгілік, зертхана, өмір, сынақ Нарша Булгакбаев
Өмірдің мәні — өзіңді осы дүниенің жаманшылығынан құтқару. Бұған сізге ешкім көмектеспейді, өзіңізден басқа. Сырттан үміт еткендер тәуелділік дертіне шалдығады.
Ілмектер: Өмір, өмірдің мәні, дүние, жаманшылық, құтқару, көмек, адасу, үміт, тәуелділік, дерт Narsha Bulgakbaev Нарша Булгакбаев
Құдайдан өлімнің барлық факторларын жоюды сұрауыңызға болады, сақтықта қорлық жоқ, алайда Алла Тағала өлімнің триллион факторын жаратақан. Тілек қабыл болады, бірақ Алланың өзі сіз үшін арнайы, мұхиттан терең таудан биік құрметіңіз бен абыройыңыз үшін өлімнің барлық факторларын сіз өлгіңіз келмейді екен деп жоя алмайды... Сондықтан өлімнен қашып құтылу мүмкін емес, бірақ бұл денсаулық сақтамау керек емес деген сөз емес. Ең дұрысы мәнді де сәнді сапалы да иманды ұзақ өмір сүруіңіз үшін дұға тілеу.
Ілмектер: өлім, құдай, фактор, қорлық, Алла, триллион, тілек, ақиқат, дұға, сапа, иман, өмір, имандылық Нарша Булгакбаев
...анау ұнамайды мынау ұнамайды деп жүргенде не кәрі қыз боласың, не таптым, мінезі сұмдық, менің теңім дейсің де көп ұзамай ажырасасың. Себебі сенің мнениең еркектігінен жоғары ешқашан бола алмайды. Сорлы еркек болмаса әрине, басына шығып, армансыз осыратын.
Ілмектер: Қыз, мінез, ажырасу, еркек, қатын Narsha Bulgakbaev Нарша Булгакбаев
Ең үздік мотивация — ол бір іске деген шексіз махаббат. Сүю үшін тану керек, тану ішін білу керек.
Ілмектер: Мотивация, махаббат, сүю, тану, білім Narsha Bulgakbaev Нарша Булгакбаев
Өз-өзін қорғаудың ең жақсы тәсілі — ауырсынуға шыдау. Ауырсынуды жеңудің ең жақсы тәсілі — ішкі қорқынышты жою. Ішкі қорқынышты жоюдың ең жақсы тәсілі — қарсыластан ақылдырақ болу.
Ілмектер: қорғау, қорғаныш, тәсіл, ауыру, шыдамдылық, жеңу, қорқыныш, спорт, қарсылас, ақыл Narsha Bulgakbaev Нарша Булгакбаев
...Ақша мүлікке құлдарға құл болған ақымақ басым...
Ілмектер: Ақша, мүлік, құл, ақымақ, бас Narsha Bulgakbaev Нарша Булгакбаев
Мен өзгеге сырттай екіжүзді әртіспін, іштей шешілмеген жұмбақпын. Сондықтан да мен бәлки жалғыз шығарм, жұпсыз шығарм.
Ілмектер: Адам, әртіс, екіжүзді, жұмбақ, мен, жалғыздық, жұп Narsha Bulgakbaev Нарша Булгакбаев
Құран түсінсең кешпейсің баз, тағдыр — тәрбие, ғылым — ұстаз, осы үшеуін танып болсаң, арын таза сақтайтұғын,
Ілмектер: Құран, тағдыр, Алла, ұстаз, құдай, ғылым, тәрбие, ар, тазалық Narsha Bulgakbaev Нарша Булгакбаев
Құдайға тартқан, боласың мұнтаз.
Исламның да тазасы бар, ақыл жүрекпен тапқаның, пайда берсе сенімің саған, бақытты қылар салғаның.
Ілмектер: Ислам, таза, ақыл, жүрек, пайда, сенім, бақытты Narsha Bulgakbaev Нарша Булгакбаев
Өзіңнен бақыттырақ адамды көрмейінше сен бақыттысың.
Ілмектер: Бақыт Narsha Bulgakbaev Нарша Булгакбаев
Шын иманға қиялмен келмес, Құран арқылы ғылыммен келер, ғылыммен келгені ақиқат болса, ақиқат іштен нұр болып шығар.
Ілмектер: Иман, Құран, ғылым, ақиқат, нұр Narsha Bulgakbaev Нарша Булгакбаев
Кайфтың тазалығы — Алланың жаратқан заңдары мен ғылымнда. Ал күші олардың махаббатпен бекітілген.
Ілмектер: Кайф, тазалық, Алла, жаратылыс, заң, ғылым, күш, махаббат Narsha Bulgakbaev Нарша Булгакбаев
Құран беті ашылса, арам беті жабылса, арқадан жүк арылар, намазына асықса.
Ілмектер: Құран, арам, арқа, жүк, намаз Narsha Bulgakbaev Нарша Булгакбаев
Тойсыз өмір өмір ме, семіріп толып өлдік қой, әнсіз өмір өмір ме, секіріп билеп болдық қой!
Ілмектер: Той, өмір, семіру, толу, өлу, ән, секіру, билеу Narsha Bulgakbaev Нарша Булгакбаев
Оразадан тән қиналса да, жан қиналмаған. Адам жаны тоқшылық заманнан қиналған. Себебі тоқшылық — ізгілікке де, зұлымдыққа да қуат берген. Рамазан айында зұлымдық өз қуатынан айырылады. Шайтан кісенделеді дейтіні сол себепті. Шын тыйылған (ас-саум) адамға уасуас әсер етпейді.
Ілмектер: Ораза, тән, жан, нәпсі, тоқшылық, заман, ізгілік, зұлымдық, қуат, Рамазан, шайтан, аштық Narsha Bulgakbaev Нарша Булгакбаев
Ықылас түссе иманға, жүзі адамның нұрға толар, махаббат болса Аллаға, ісі адамның адал болар.
Ілмектер: Ықылас, Иман, нұр, махаббат, Алла, адал, адам Narsha Bulgakbaev Нарша Булгакбаев
Ақылсыз боп жаралдым ба, туылдым ба, білмеймін. Ақыл жасқа қарамайды екен. Ақымақ басым, қызғанғанша солардан үйренсеңші, мейлі менен кіші болсын, иттің күшігі болсын. Кіші деп менсінбеген атым құрсын!
Ілмектер: ақыл, жаратылыс, жас, ақымақ, қызғаныш, кіші, ит, күшік Narsha Bulgakbaev Нарша Булгакбаев
Мектеп қалай бақытты өмір сүруді үйретпейді. Балаға болашақта қайта іздену қажет ғылымды жай ғана таныстырып шығады. Жақсы оқу ғибратты өмірге гарантия бермейді. Гарантия беретін жалғыз ақиқат — Жаратушының өмір заңдары мен адамзаттың пайдасына жараған ғылым.
Ілмектер: Мектеп, өмір, бала, бақыт, болашақ, ғылым, оқу, керемет, өмір, гарантия, ақиқат, жалғыз, Жаратушы, заң, адамзат, пайда, ғибрат Narsha Bulgakbaev Нарша Булгакбаев
Тіршілік бітсе қайтарып ала алмайсың, ақырет жетсе сатып ала алмайсың. Жауабы бұл жұмбақтың — өткінші құбылыс уақытың.
Ілмектер: Уақыт, тіршілік, ақырет, жұмбақ Narsha Bulgakbaev Нарша Булгакбаев
Заманның ақыры таянған кезде бүгін қуанған ертең жылайды, бүгін жылаған ертең қуанады, бүгін мұсылман болып ұйықтаған, ертең кәпір болып оянады, бүгін кәпір болып ұйықтаған, ертең мұсылман болып оянады. Екіжүзділік шегіне дейін жетеді. Мұсылман мұсылман еместен ерекшелігі байқалмай қалады. Міне, осындай заманға қарап, өзімнен қорқамын.
Ілмектер: Мұсылман, заман, қуаныш, жылау, ұйқы, кәпір, екіжүзділік, ерекшелік, қорқыныш Narsha Bulgakbaev Нарша Булгакбаев
Негізінен адамдардың бойында шын жанашырлық аз, жалған махаббат көп, сондықтан біз өзгенің құрбанымыз. Себебі барлығы бізді бір-ақ нәрсе үшін пайдаланғысы келеді — ақша.
Ілмектер: дүние, шын, жанашырлық, жалған, махаббат, пайдалану, ақша Narsha Bulgakbaev Нарша Булгакбаев
- Азамат Төре
- Абдраманов Арсланбек
- Абдраманов Арсланбек
- Абдраманов Арсланбек
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі