Айтып өлтір босқа үндемей тұрғанша
Айтып өлтір босқа үндемей тұрғанша,
(Арамызда айтылмаған сыр қалса)
Саған деген сенімсіздеу сезімім,
Қайтер едің басқа жанға бүр жарса.
Өлеңдер жинағы - 2 бет
Алланың маған берген сыйы шығар
Алланың маған берген сыйы шығар,
Жүрегім - әнменен, жыр күй ұшырар.
Шектеме шабытымды о,Тәңірім,
Өлең бер,ел-жұртыма жиі ұсынар!
Қасымда жүруші едің сен еркелеп
Қасымда жүруші едің сен еркелеп,
Ал қазір көңіліңде көлеңке көп.
Шынайы саған деген сезімімді,
Қайтейін байқамаппын мен ертерек.
Құтқара алсам жүрегіңді қапталған
Құтқара алсам жүрегіңді қапталған,
Сенім болсам алдыңдағы ақталған.
Сүйер ме едің, сүйер ме едің сен мені,
Гүл әперсем гүлзарлы әсем бақтардан.
Көңіліме жақындау бір қыз едің естегі
Көңіліме жақындау бір қыз едің естегі,
Алып қашты әр жаққа сезімімнің ескегі.
Мені адал сүйетін сен екенсің о,тоба!
Көңіліңді байқамай кеш түсіндім, кеш мені!
Сұрасаң өткен күннен бүгін дерек
Сұрасаң өткен күннен бүгін дерек,
Тағдырдан талай-талай сүрінген ек.
Алайда асқар таулар қол бұлғады,
Альпенистік өмірден түңілме деп.
Аққуындай жүзген алакөлдің
Аққуындай жүзген алакөлдің,
Түсімде мен сені дара көрдім.
Толқын қуып ұзап кеттің алыс,
Жағада мен қала бердім...
Көп жылдар өтті тынбастан
Көп жылдар өтті тынбастан,
Кездер де кетті қырды асқан.
Күндерді сол бір сағындым,
Өзіңмен талай сырласқан.
Жасыдым рас, жасыдым рас кей күндер
Жасыдым рас, жасыдым рас кей күндер,
Көңіліме адал қаяу түсіріп бейкімдер.
Сондықтан болар ақынның нәзік жүрегі,
Шуағын күннің сендердей аңсар-ей, гүлдер!
Өміріңді демеймін күйеледім
Өміріңді демеймін күйеледім,
Күйелесем әрине күйер едің.
Арамыздан сезімдер табылмады,
Табылғанда мен «өліп» сүйер едім.
Әсем қоңыр
Еңсемді көтерейін десем де бір,
Көп уықыт болып жүрдім бәсең көңіл.
Жігерлі сезім берген сондағы күй,
Дина шешей шығарған «Әсемқоңыр».
Көктемнің соңғы қары
Арқауын шаттық әннің,
Тапқандай нақ қуандым.
Жарқ етіп шыға келдің,
Ішінен ақ тұманның.
Бұл тірлік баяны жоқ шиырлаған
Бұл тірлік баяны жоқ шиырлаған,
Мұң-зар ғып естіртеді күйін далам.
Келмеске тағы да бір пенде кетті,
Ең құрса жарты ғасыр бұйырмаған.
Ей өмір, өлім екі араң
Ей өмір, өлім екі араң,
Сенің де бар-ay шекараң.
Таусылған күні дәм-тұзым
Келмеске мен де бет алам.
Отыздан астық от жалындатып
Отыздан астық от жалындатып,
Ойын күлкімен көп дауылдатып.
Байқалмай өткен бозбала шақты,
Сағынышпенен жоқтадым жатып.
Жыр жаздым қырық екі әріппенен
Жыр жаздым қырық екі әріппенен,
Зор үміт күткеннен соң халық менен.
Ауылымның жұртына алғысым көп,
Өнерді бойымдағы дәріптеген.
Ай туған сәт
Ай туыпты жұмада әке бүгін,
(Оған сәлем бермесем қателігім).
Ай көрдім, аман көрдім деп айтатын,
Бар емес пе қазақта мәтел-ұғым.
Тауқыметтің бір шама татқан дәмін
Тауқыметтің бір шама татқан дәмін,
Мойымастан өмірде тапқан бағын.
Анам ылғи айтушы ед өсиет қып,
«Орынсыз бекер бөсіп мақтанбағын».
Өлең десе қозатын делебесі
Өлең десе қозатын делебесі,
Немеребай қарттың мен немересі.
Бойыма өнер анамнан қонған болар,
Оған куә боз үйдің керегесі.
Осынау нулы өмірде қалың тоғай
Осынау нулы өмірде қалың тоғай,
Келген көп сындырғысы сағыңды оңай.
Досың да, дұшпаның да маңайыңда,
Сөнерсің, лауламасаң жалындап-ай.
Аспан да ертеңгісін тұрған ашық
Аспан да ертеңгісін тұрған ашық,
Қаланған тау тастары - бір қалашық.
Тездетіп, «Қора тасқа» жетіп келдік,
Мал жайған жерді қарап қырдан асып.
Көлбай ауылы
Бір жақсысы ауылдың ортақ әні,
Елінің де еңбекке зор талабы.
Бір жаманы жастарға жұмыс та жоқ,
Кетіп жатыр бетке алып әр қаланы.
Тәуелсіз елім - дара шың
Қазақтың байтақ даласын
Шарлады бүгін Алаш үн.
Әлемге атын паш етті
Тәуелсіз елім - дара шың.
Тасбауыр заман
Уақыттың керуен көшіне еріп,
Сөйлейін бүгін шешіле келіп.
Сұмдықты небір көретін болдық,
Еліктеуменен есіре беріп.
Бір жолдастың монологы
Өкініш күй отырмын шерте бүгін,
Қателікке соқтырып еркелігім.
Кешір мені анашым, білместікпен,
Ойнап жүріп от басты тентек ұлың.
Арқанкерген
Ажал келсе жанды алар тылсым көктен,
Қайран өмір,тез солар гүлсің неткен?!
Отан қорғау жолында құрбан болған,
Қош болыңдар қырандар қыршын кеткен.
Тағдыр кейде көндірмес құламауға
Тағдыр кейде көндірмес құламауға,
Жығылсам да тырыстым жыламауға.
Бос көңілім тек қана жасқа толды,
Шыдамай әділетсіз бұла дауға.
Қоғамда құлдық сана асқынып тұр
Қоғамда құлдық сана асқынып тұр,
Тәуелсіздік табанын тас тіліп тұр.
Мәңгүрттер өміріне мәз боп жүрсе,
Ұлтшылдар жанарында жас тұнып тұр.
Түсінсең жырдың мәнін
Түсінсең жырдың мәнін,
Сағынып жүрмін жаным.
Сен үшін тауға шығып,
Жинаушы ем гүлдің бәрін.
Бәрі есімде сенімен өткен күнім
Бәрі есімде сенімен өткен күнім,
Көктемгі түн табиғат төкен нұрын.
Уәделескен уақыттан кешігіп қап,
Әрең-әрең жеткен де, сөкендігің.
Сезім қайнап, қаймықпай жел өтінен
Сезім қайнап, қаймықпай жел өтінен,
Дауылда да сан қызбен кеңесіп ем.
Бозбала шақ, әліде қол бұлғайды,
Өткен күннің оралмас елесінен.
Әркімге мойын бұрып қарамаса
Әркімге мойын бұрып қарамаса,
Талай жанның жүрегін жараласа.
Сол үшін де Жангелді кінәлі ме,
Кінәлі ме, көңілі қаламаса.
- Азамат Төре
- Азамат Төре
- Азамат Төре
- Салтанат Айдарбекова
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі